នយោបាយ

មានគណបក្សចំនួន៦ បានដាក់ភ្នាក់ងារ ដើម្បីពិនិត្យមើលការចុះឈ្មោះបោះឆ្នោតឆ្នាំ២០២១

បានផុស

៣ years មុន

នៅ

ថ្ងៃពុធ ២០ តុលា ២០២១

ដោយ

គណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា តាមរបាយការណ៍ពីក្រុមប្រឹក្សា ឃុំ សង្កាត់ គិតត្រឹមថ្ងៃទី១៩ ខែតុលា ឆ្នាំ២០២១ ចំនួនភ្នាក់ងារគណបក្សនយោបាយ ដែលបានស្នើសុំសម្រាប់សង្កេតមើលដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ ២០២១ មានចំនួន៤.៦០៥ នាក់ ក្នុងនោះជាស្ត្រីមានចំនួន១.១៩៣ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងារគណបក្សនយោបាយដែលត្រូវបានអនុញ្ញាតរួមមាន៖

ទី១. គណបក្សប្រជាជនកម្ពុជា ដាក់ភ្នាក់ងារបាន២៥ រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន១.៦៤៦ ឃុំ សង្កាត់ ក្នុងចំណោម១.៦៤៦ ឃុំ សង្កាត់ ដែលមានភ្នាក់ងារសរុបចំនួន៤.៣៥៣នាក់ ក្នុងនោះស្ត្រីចំនួន១.១៦២នាក់។

ទី២. គណបក្សខ្មែររួបរួមជាតិ ដាក់ភ្នាក់ងារបាន១៨ រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន១៦២ ឃុំ សង្កាត់ ក្នុងចំណោម១.៦៤៦ឃុំ សង្កាត់ និងមានភ្នាក់ងារសរុបចំនួន២១២នាក់ ក្នុងនោះស្ត្រីចំនួន៣០នាក់។

ទី៣. គណបក្សខ្មែរស្រឡាញ់ជាតិ ដាក់ភ្នាក់ងារបាន៥រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន១៧ ឃុំ សង្កាត់ ក្នុងចំណោម១.៦៤៦ឃុំ សង្កាត់ និងមានភ្នាក់ងារសរុបចំនួន៣២នាក់ ក្នុងនោះមានស្ត្រីទេ។

ទី៤. គណបក្សសំបុកឃ្មុំសង្គមប្រជាធិបតេយ្យ ដាក់ភ្នាក់ងារបាន២ រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន២ ឃុំ សង្កាត់ ក្នុងចំណោម១.៦៤៦ឃុំ សង្កាត់ និងមានភ្នាក់ងារសរុបចំនួន៤នាក់ ក្នុងនោះមិនមានស្ត្រីទេ។

៥. គណបក្សខ្មែរតែមួយ ដាក់ភ្នាក់ងារបាន១រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន១ ឃុំ សង្កាត់ ក្នុងចំណោម១.៦៤៦ឃុំ សង្កាត់ និងមានភ្នាក់ងារសរុបចំនួន២ នាក់ ក្នុងនោះមិនមានស្ត្រីទេ។

ទី៦. គណបក្សយុវជនកម្ពុជា ដាក់ភ្នាក់ងារបាន១រាជធានី ខេត្ត ក្នុងចំណោម២៥ រាជធានី ខេត្តទូទាំងប្រទេស ដែលមាន១ ឃុំ សង្កាត់ ក្នុងចំណោម១.៦៤៦ឃុំ សង្កាត់ និងមានភ្នាក់ងារសរុបចំនួន២ នាក់ ក្នុងនោះស្ត្រីចំនួន១នាក់។

ការចុះឈ្មោះភ្នាក់ងារគណបក្សនយោបាយ ប្រព្រឹត្តទៅចាប់ពីថ្ងៃទី៨ ខែតុលា ឆ្នាំ២០២១ ដល់ថ្ងៃទី២ ខែកុម្ភៈ ឆ្នាំ២០២២ ។

សូមបញ្ជាក់ថា ភ្នាក់ងារគណបក្សនយោបាយ ដែលចូលរួមសង្កេតមើលដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ត្រូវគោរពច្បាប់ បទបញ្ជា ដែលពាក់ព័ន្ធជាធរមាន និងប្រកាន់ខ្ជាប់នូវក្រមសីលធម៌ សម្រាប់គណបក្សនយោបាយ បេក្ខជន និងភ្នាក់ងារគណបក្សនយោបាយក្នុងដំណើរការបោះឆ្នោត៕

ដោយ ៖ កោះកែវ