នយោបាយ
អតីតតំណាងរាស្ត្រ CNRP ម្នាក់ទៀតហើយ បានដាក់សំណើរសុំបង្កើតគណបក្សថ្មីទៅក្រសួងមហាផ្ទៃ
លោក ឃឹម ឡាគី អតីតតំណាងរាស្ត្រមណ្ឌលខេត្តកណ្ដាល នៃអតីតគណបក្សសង្គ្រោះជាតិ (CNRP) បានសម្រេចដាក់ពាក្យសុំបង្កើតគណបក្សថ្មី ទៅក្រសួងមហាផ្ទៃ បន្ទាប់ពីលោកទទួលបានសិទ្ធិធ្វើនយោបាយឡើងវិញ កាលពីខែសីហា ឆ្នាំ២០២១ កន្លងទៅ តែលទ្ធផលយ៉ាងណានោះ នៅមិនទាន់ដឹងនៅឡើយទេ។
តាមលិខិតស្នើសុំស្នើទៅសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ (ដាក់ចូលថ្ងៃទី២៥ ខែតុលា ឆ្នាំ២០២១) ដែលទើបទទួលបាននៅថ្ងៃទី២៩ ខែតុលា នេះ លោក ឃឹម ឡាគី ក្នុងនាមស្ថាបនិក សុំបង្កើតគណបក្សមួយឈ្មោះថា “គណបក្សអនាគតជាតិ (គ.អ.ជ)” ហើយសំណើនោះ ភ្ជាប់ជាមួយចំនួនប្រជាពលរដ្ឋឯកភាពគាំទ្រ៨០នាក់ និងមានទីស្នាក់ការកណ្ដាលនៅឃុំព្រែកគយ ស្រុកស្អាង ខេត្តកណ្ដាល។
កម្ពុជាថ្មីមិនទាន់អាចស្វែងរកការទំនាក់ទំនងពីលោក ឃឹម ឡាគី ដើម្បីសុំការអធិប្បាយបន្ថែមជុំវិញការស្នើសុំបង្កើតគណបក្សនេះបាននៅឡើយទេ គិតត្រឹមរសៀលថ្ងៃទី២ ខែតុលា នេះ។
ទាក់ទងការសុំបង្កើតគណបក្សថ្មីនេះ លោក ខៀវ សុភ័គ អ្នកនាំពាក្យក្រសួងមហាផ្ទៃអះអាងប្រាប់កម្ពុជាថ្មីថា លោកមិនទាន់ទទួលបានព័ត៌មាននេះនៅឡើយទេ។
គួររំលឹកថា លោក ឃឹម ឡាគី ត្រូវបានព្រះមហាក្សត្រឡាយព្រះហត្តលេខាព្រះរាជទាននីតិសម្បទាយោបាយឡើងវិញ ជាមួយដៃគូម្នាក់ជាអតីតប្រធានប្រតិបត្តិអតីតគណបក្សសង្គ្រោះជាតិប្រចាំខេត្តតាកែវ គឺលោក ម៉ៅ សុផល កាលពីថ្ងៃទី១៤ ខែសីហា ឆ្នាំ២០២១។
កាលពីថ្ងៃទី១៦ ខែវិច្ឆិកា ឆ្នាំ២០១៧ តុលាការកំពូលនៃព្រះរាជាណចក្រកម្ពុជាបានចេញដីការំលាយគណបក្សសង្គ្រោះជាតិ ហើយមន្ត្រីក្នុងជួរថ្នាក់ដឹកនាំរបស់គណបក្សនេះចំនួន១១៨រូប ត្រូវបានដកហូតសិទ្ធិធ្វើនយោបាយរយៈពេល៥ឆ្នាំ ហើយមកដល់ពេលនេះ ក្នុងចំណោមអតីតមន្ត្រីជាន់ខ្ពស់ ឬថ្នាក់ដឹកនាំគណបក្សនោះប្រមាណជាជិត២០រូបហើយ បានសុំសិទ្ធិធ្វើនយោបាយឡើងវិញ និងមានមួយចំនួនបានបង្កើតគណបក្សថ្មីៗជាបន្តបន្ទាប់ ដើម្បីចូលរួមប្រកួតក្នុងការបោះឆ្នោតនាពេលខាងមុខ៕
ដោយ ៖ កោះកែវ
តំណាងភាគីនិយោជក និងសហជីព ៖ ប្រាក់ឈ្នួលអប្បបរមាបូកបន្ថែម ប្រាក់អត្ថប្រយោជន៍ ធ្វើឱ្យកម្មករ-និយោជិតរស់នៅក្នុងបន្ទាត់ជីវភាពសមរម្យ
លោក ទៀ សីហា ណែនាំឱ្យរដ្ឋបាលខេត្តសៀមរាបរួមគ្នាបន្តថែរក្សាសន្តិភាពឱ្យបានល្អ ទប់ស្កាត់ភាពវឹកវរក្នុងសង្គម
លោក ម៉ៅ សុផាន់ ប្រាប់អាជ្ញាធរខេត្តព្រះវិហារឱ្យបម្រើប្រជាជន បើមានបញ្ហាត្រូវដោះស្រាយភ្លាម
រដ្ឋមន្ត្រីសំខាន់ៗរបស់រដ្ឋបាលលោក ដូណាល់ ត្រាំ នៅក្នុងអាណត្តិទី២
បញ្ជាប្រតិបត្តិសំខាន់ចំនួន១០ ដែលលោក ត្រាំ ចុះហត្ថលេខា នៅថ្ងៃដំបូងក្នុងនាមប្រធានាធិបតីអាមេរិកទី៤៧
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍២ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់