នយោបាយ
សម្តេចតេជោថា ទោះបីមានការរិះគន់ ក៏សម្តេចមិនទុកឱ្យពលរដ្ឋស្លាប់ ដោយគ្មានការយកចិត្តទុកដាក់ឡើយ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងដោយសំដៅទៅលើក្រុមអតីតបក្សប្រឆាំង និងអ្នកអត្ថាធិប្បាយថា បើទោះបីមានការរិះគន់ និងជេរលើសម្តេចយ៉ាងណាក៏ដោយ ក៏សម្តេចមិនទុកឱ្យប្រជាពលរដ្ឋកម្ពុជាណាម្នាក់ស្លាប់ដោយជំងឺកូវីដ១៩ ដោយមិនមានការយកចិត្តទុកដាក់នោះទេ។ សម្តេចតេជោ លើកឡើងដូច្នេះ នៅក្នុងពិធីសម្ពោធដាក់ឱ្យប្រើប្រាស់ផ្លូវជាតិលេខ១១ តភ្ជាប់ពីអ្នកលឿង ទៅកាន់ផ្លូវជាតិលេខ៧ ស្ថិតក្នុងស្រុកត្បូងឃ្មុំ ខេត្តត្បូងឃ្មុំ និងផ្លូវក្នុងក្រុងព្រៃវែង នៅព្រឹកថ្ងៃទី០៦ ខែធ្នូ ឆ្នាំ២០២១នេះ។

សម្តេចតេជោ ហ៊ុន សែន លើកឡើងថា កន្លងមក មានមនុស្សច្រើនណាស់ដែលរិៈគន់សម្ដេចដែលសូម្បីតែការរៀបចំដីបូជាសព និងការរៀបចំធ្វើមឈូសសម្រាប់ដាក់សពប្រជាពលរដ្ឋដែលទទួលមរណភាព ដោយសារជំងឺកូវីដ១៩ ក៏គេអ្នករិះគន់ដែរ។ សម្ដេច ជឿជាក់ថា អ្នកដែលរិះគន់បញ្ហានេះ ក៏ប្រហែលជាមានសាច់ញាតិ បងប្អូនស្លាប់ដោយជំងឺកូវីដ១៩ដែរ ។ ប៉ុន្តែ បើទោះបីជាមានការលើកឡើងយ៉ាងណាក៏ដោយ ក៏សម្ដេចត្រូវតែរៀបចំទុកឱ្យហើយ មិនអាចទុកឱ្យប្រជាពលរដ្ឋស្លាប់ ដោយគ្មានការយកចិត្តទុកដាក់នោះទេ។
ជាមួយគ្នានេះ សម្តេចតេជោ ហ៊ុន សែន ក៏បានលើកឡើងថា មានអ្នកជេរលើសម្តេចច្រើនណាស់ តែការជេរនេះ ក៏បានធ្វើឱ្យគេស្គាល់សម្តេចក៏ច្រើនផងដែរ។ សម្តេចតេជោ បានបញ្ជាក់ថា៖« ខ្ញុំនិយាយឱ្យពិតទៅល្បីដោយសារគេជេរ។ ពីដើមអ្នកណាស្គាល់ ហ៊ុន សែន ប៉ុន្តែដោយសារ បាងកកប៉ុស្តិ៍ ឡឺម៉ុង។ ពេលនោះឆ្នាំ១៩៨២ ខ្ញុំនៅជារដ្ឋមន្ត្រីក្រសួងការបរទេស នៅពេលដែលបាងកកប៉ុស្តិ៍ ឌឺណេសិន និយាយច្រើនពី ហ៊ុន សែន កាសែតបរទេសនិយាយពី ហ៊ុន សែន អាពតជេរថែម ត្រីភាគីជេរថែម ហ៊ុន សែន ល្បីឈ្មោះ។ ហ៊ុន សែន ដែលគេអត់ស្គាល់ អញ្ចឹងបន្តទៀតទៅ ? ចាំជេរ ហ៊ុន ម៉ាណែត ទៀតទៅ»៕
អត្ថបទ៖ កោះកែវ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ