នយោបាយ
មេធាវីនិយាយថា នៅតែមានក្រុមអ្នកនយោបាយយកឈ្មោះលោក កឹម សុខា ទៅប្រើបោកប្រាស់រកការគាំទ្រ
លោក ចាន់ ចេន ដែលជាសហមេធាវីការពារក្តីឲ្យលោក កឹម សុខា បានចេញមកអះអាងថា រហូតមកដល់ពេលនេះ នៅតែមានក្រុមអ្នកនយោបាយយកឈ្មោះលោក កឹម សុខា ទៅបោកប្រាស់ ដើម្បីស្វែងរកការគាំទ្រ លោកថា បើលោក កឹម សុខា អស់ប្រជាប្រិយហើយ ម៉េចក៏នៅតែយកឈ្មោះគាត់ទៅនិយាយភ្ជាប់ជាមួយ។
តាមរយៈហ្វេសប៊ុករបស់ខ្លួន នៅថ្ងៃចន្ទ ទី២០ ខែធ្នូ ឆ្នាំ២០២១នេះ លោក ចាន់ ចេន បានលើកឡើងថា មានក្រុមអ្នកនយោបាយ បញ្ឆោតក៏ដូចជាក្រុមបញ្ឆេះដែរ នៅតែយកឈ្មោះលោកប្រធាន កឹម សុខា ទៅប្រើបោកប្រាស់ម្ចាស់ឆ្នោត គួរឲ្យអស់សំណើច។ លោកថា “ម្តងថា គេធ្វើរង់ចាំ កឹម សុខា គេស្វាគមន៍កឹម សុខា មកចូលរួម ឬដឹកនាំ គេមិនបែកពី កឹម សុខា ទេ គេព្យាយាមចង់ជួបអ្នកការទូតដូចលោក កឹម សុខា ដែរ។ល។ ពួកទាំងពីរក្រុមនេះ (បញ្ឆោត និងបញ្ឆេះ) និយាយមកហាក់បីដូចជាដឹង និងទទួលស្គាល់នូវគុណតម្លៃរបស់លោក កឹម សុខា។
ទន្ទឹមគ្នានេះដែរ ក្រុមពីរនេះ ទាំងមេទាំងកូនវាយប្រហារ ជេរប្រមាថ មួលបង្កាច់ បន្តុះបង្អាប់ លោក កឹម សុខា ថា ប្រជាពលរដ្ឋលែងគាំទ្រគាត់ហើយ ជួបអ្នកការទូតតំណាងប្រទេសនានា ជាការងារអត់ប្រយោជន៍ អត់បានធ្វើអីសោះ កុំរង់ចាំគាត់អី ជាអាយ៉ង។ល។ ផ្ទុយពីចំណុចខាងលើពួកទាំងពីរក្រុមនេះ ហាក់បីដូចជាមិនឲ្យតម្លៃ ឬចង់កម្ទេចប្រជាប្រិយភាពលោក កឹម សុខា”។
លោកមេធាវីលើកជាសំណួរសួរថា “ពួកក្រុមបក្សបញ្ឆោត និងបក្សបញ្ឆេះទាំងនោះ ដែលដើរចេញពីលោក កឹម សុខា ចេញពីស្មារតីរួបរួម ដែលជាឆន្ទៈពិតរបស់ប្រជាពលរដ្ឋ ដែលលោក កឹម សុខា នៅតែប្រកាន់ខ្ជាប់នោះ តើចង់បានអី្វពីលោកប្រធាន កឹម សុខា ឲ្យពិតប្រាកដ បានជាធ្វើនយោបាយគ្មានគោលជំហ៊រសោះ ម្តងថាអញ្ចេះ ម្តងថាអញ្ចោះនោះ? បើយល់ថា លោក កឹម សុខា អស់ប្រជាប្រិយហើយ ម៉េចក៏នៅតែយកឈ្មោះគាត់ទៅនិយាយភ្ជាប់ជាមួយក្រុមខ្លួនធ្វើអី្វ? បើថា អ្នកការទូតនៃប្រទេសប្រជាធិបតេយ្យជួបលោក កឹម សុខា អត់បានការអី ម៉េចក៏មេៗខ្លួនខំទៅសុំស្វែងរកជួបគេពឹងឲ្យគេជួយធ្វើអី?
គួររំលឹកថា លោក កឹម សុខា បានចេញមុខវាយប្រហារលើលោក សម រង្ស៊ី ក៏ដូចជាបក្សពួកថា នៅតែបន្តយកឈ្មោះ និងរូបថតលោកទៅប្រើប្រាស់ភ្ជាប់ជាមួយនឹងសកម្មភាពនានា ដោយពុំមានការអនុញ្ញាត។ លើសពីនេះទៅទៀត លោក សម រង្ស៊ី និងសហការីបានដើរចេញពីគោលការណ៍ និងស្មារតីដើមនៃការរួបរួម ដោយទៅបង្កើតចលនានយោបាយផ្សេងៗ និងមុខតំណែងរបស់ខ្លួនឯង ជាពិសេសថ្មីៗនេះ ត្រលប់ទៅគាំទ្រដោយចំហ និងនៅពីក្រោយការដឹកនាំគណបក្សនយោបាយចាស់របស់ពួកគេ គឺគណបក្សភ្លើងទៀន។
លោក កឹម សុខា បានអះអាងថា ទង្វើរបស់ពួកគេសបញ្ជាក់ថា “សម រង្ស៊ី និងកឹម សុខា មិនមែនជាមនុស្សតែមួយទេ ព្រោះសកម្មភាពទាំងអស់នេះ មិនមានការគាំទ្រ ឬជាជំហររបស់ខ្ញុំឡើយ”។ ជាមួយគ្នានោះ លោកបានអំពាវនាវឲ្យលោក សម រង្ស៊ី និងបក្ខពួក ឈប់បំពានមកលើរូបលោក ដោយការយកឈ្មោះ និងរូបថតលោកទៅប្រើប្រាសភ្ជាប់ជាមួយសកម្មភាពមហិច្ឆតានយោបាយរបស់ខ្លួន ដែលធ្វើឲ្យសាធារណមតិជាតិ និងអន្តរជាតិមានការភ័ន្តច្រឡំ។
លោក កឹម សុខា បញ្ជាក់ចុងក្រោយថា “ខ្ញុំមិនពាក់ព័ន្ធ និងមិនទទួលខុសត្រូវចំពោះសកម្មភាពរបស់លោក សម រង្ស៊ី និងក្រុមនោះឡើយ”៕
ដោយ ៖ កោះកែវ
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១៣ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច១ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៦ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ