នយោបាយ
លោក មុត ចន្ថា ៖ នៅអាមេរិកគ្មានទេ សញ្ញាប័ត្រក្រោមស្តង់ដារ ឬសញ្ញាប័ត្រយោគយល់
អតីតមន្ត្រីជាន់ខ្ពស់មួយ នៃអតីតគណបក្សសង្គ្រោះជាតិ (CNRP) ហើយជាមនុស្សធ្លាប់បានរៀននៅសាកលវិទ្យាល័យមួយ នាទីក្រុងញ៉ូយ៉ក សហរដ្ឋអាមេរិកនោះ បានចេញមកបញ្ជាក់ថា នៅអាមេរិកគ្មានទេ សញ្ញាប័ត្រក្រោមស្តង់ដារ ឬសញ្ញាប័ត្រយោគយល់ គ្រប់សាកលវិទ្យាល័យ ឬវិទ្យាស្ថាននៅអាមេរិកសុទ្ធតែមានបទដ្ឋាន ឬស្តង់ដារច្បាស់លាស់ទាំងអស់។
ការចេញមុខបញ្ជាក់របស់លោក មុត ចន្ថា បានធ្វើឡើងនារសៀលថ្ងៃទី២៨ ខែធ្នូ នេះ និងបន្ទាប់ពីលោក សម រង្ស៊ី បានប្រមាថមើលងាយសញ្ញាប័ត្ររបស់លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ដែលទទួលបានពីសាលាបណ្ឌិតសភាយោធាអាមេរិក (United States Military Academy ឬហៅកាត់ថា West Point) ថាជាសញ្ញាបត្រកម្រិត២ ដែលផ្ដល់ឱ្យជាកិត្តិយសម្រាប់និស្សិតនាយទាហានបរទេសដែលរៀនក្រោមស្តង់ដារ។
លោក មុត ចន្ថា បានបញ្ជាក់ថា វាគួរឱ្យអាម៉ាស់បំផុតសម្រាប់អ្នកនយោបាយសក់ស ដែលលើកយករឿងគុណភាពសញ្ញាប័ត្រទៅបង្អាប់អ្នកដទៃ។ លោកថា សាកលវិទ្យាល័យ ឬវិទ្យាស្ថាននៅអាមេរិកសុទ្ធតែមានបទដ្ឋាន ឬស្តង់ដារច្បាស់លាស់ គ្មានទេពាក្យថាសញ្ញាប័ត្រក្រោមស្តង់ដារ ឬសញ្ញាប័ត្រយោគយល់។
លោក មុត ចន្ថា អះអាងថា លោកធ្លាប់រៀននៅសាកលវិទ្យាល័យ Columbia University ក្នុងទីក្រុងញ៉ូយ៉កផងដែរ ហើយលោកមិនដែលដឹង ឬឮថាសាកលវិទ្យាល័យនៅសហអាមេរិក ចេញសញ្ញាប័ត្រប្រភេទដែលលោក សម រង្ស៉ី បានលើកឡើងនោះទេ។ លោកថា កូនស្រីពៅរបស់លោក សម រង្ស៉ី រៀននៅសាកលវិទ្យាល័យ Harvard ផ្នែកវិទ្យាសាស្ត្រវិជ្ជសាស្ត្រ ដូច្នេះគាត់គួរតែខ្មាស់កូនស្រីរបស់គាត់ ឬកូនស្រីរបស់គាត់គួរខ្មាស់គេប្រសិនជានាងរៀននៅសាលាដែលចេញសញ្ញាប័ត្រក្រោមស្តង់ដារ ឬយោគយល់នោះ។
បើតាមលោក មុត ចន្ថា អ្នកនយោបាយដែលតាំងខ្លួនជាអ្នកនយោបាយជាន់ខ្ពស់ ឬមានបទពិសោធចាស់វស្សា តែបែរជាលើកយករឿងមិនពិត ឬរឿងប្រឌិតបែប ធ្វើឱ្យគេមើលឃើញកាន់តែច្បាស់ពីចរិតនយោបាយកូនក្មេង ឬអ្នកនយោបាយកំប៉ិកកំប៉ុកអង្ករកំប៉ុង មើលឃើញត្រឹមមេជើងខ្លួនឯង។
គួររំលឹកថា កាលពីព្រឹកថ្ងៃទី២៨ ខែធ្នូ នេះ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងជាបេក្ខជននាយករដ្ឋមន្ត្រីកម្ពុជា នាពេលអនាគតផងនោះ បានឆ្លើយតបចំពោះការប្រមាថមើលងាយរបស់លោក សម រង្ស៊ី និងបានបញ្ជាក់ថា ប្រសិនបើនៅតែធ្វើការវាយប្រហារដោយគ្មានមូលដ្ឋានតទៅទៀត លោកគ្មានជម្រើសអ្វីក្រៅពីការពារកិត្តិយសនោះទេ ហើយកុំចោទថា ក្មេងមិនស្គាល់ចាស់ទុំ។
ដោយឡែកសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានហៅការឆ្លើយតបទៅ សម រង្ស៊ី របស់លោកឧត្តមសេនីយ៍ឯក ហ៊ុន ម៉ាណែត ថា “ក្មេងប្រដៅចាស់ពាល”។ សម្តេចតេជោ ហ៊ុន សែន បញ្ជាក់យ៉ាងដូច្នេះថា “ស្តាប់ក្មេងប្រដៅចាស់ពាលល្អម្យ៉ាងដែរ ប្រៀបដូចជាយកកូនក្របីជល់ជាមួយក្របីចាស់។ បើខឹងកុំលេងបើលេងកុំខឹង sic ! ផ្ញើសារជូនអ្នកនយោបាយចាស់វស្សា ប៉ុន្តែខ្វះភាពហានក្លាក្នុងការទទួលខុសត្រូវ”៕
ដោយ ៖ កោះកែវ
ជប៉ុនប្រគល់ ឡដុតសំណល់ឆ្លងរោគចំនួន២៩ ដល់គម្រោងកែលម្អការគ្រប់គ្រងសំណល់ឆ្លងរោគនៅកម្ពុជា
លាឈប់ពីការងារអូតេស នារីចិនម្នាក់ បែកគំនិតចិញ្ចឹមជ្រូក ខណៈចំណូលមួយខែៗកាក់កបខ្លាំង
កម្ពុជាទទួលបានអ្នកដំណើរចេញ-ចូល តាមជើងហោះហើរជាង ៦ លាននាក់ កើន ២២% នៅឆ្នាំ ២០២៤
បង្កើនប្រសិទ្ធភាពការងារ សហព័ន្ធគុនខ្មែរលែងដាក់អគ្គលេខាធិការពីគណៈកម្មការប្រតិបត្តិ
អ្នកនាំពាក្យថា ការដកខ្លួនរបស់អាមេរិកពីកិច្ចព្រមព្រៀងប៉ារីសស្ដីពីអាកាសធាតុមិនប៉ះពាល់ដល់គម្រោងលក់កាបូនរបស់កម្ពុជាទេ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
តារាសម្តែងជើងចាស់ រ៉េត រ៉ូស ប្រាប់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ បញ្ជាឲ្យសមត្ថកិច្ចអាមេរិក ចាប់ខ្លួនជនអន្តោប្រវេសន៍ខុសច្បាប់ នៅតាមសាលារៀន និងព្រះវិហារ
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់