ក្រោមការសម្របសម្រួលពីសម្តេចតេជោ មេដឹកនាំភូមាប្រកាសឈប់បាញ់គ្នា និងស្វាគមន៍ប្រេសិតពិសេស​របស់​ប្រធានអាស៊ាន

នាយឧត្ដមសេនីយ៍ជាន់ខ្ពស់មីយ៉ាន់ម៉ា​ លោក មីន អោង ឡាំង បានប្រកាសបទឈប់បាញ់គ្នាជាមួយអង្គការ ប្រដាប់អាវុធជនជាតិភាគតិចទាំងអស់ ក្នុងរយៈពេល៥ខែ រហូតដល់ចុងខែកុម្ភៈ ឆ្នាំ២០២២ និង​បាន​សម្រេច​ពន្យារបទឈប់បាញ់គ្នាបន្ថែមទៀតរហូតដល់ចុងឆ្នាំ២០២២។ ការប្រកាសនេះ ធ្វើឡើងក្រោយជំនួបពិភាក្សា​រវាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងលោក មីន អោង ឡាំង នៅរសៀលថ្ងៃសុក្រនេះ។

បើតាមសេចក្តីប្រកាសរួមមួយរបស់កម្ពុជា និងមីយ៉ាន់ម៉ា នៅយប់ថ្ងៃទី០៧ ខែមករា ឆ្នាំ២០២២នេះ  គឺលោក​នាយឧត្ដមសេនីយ៍ជាន់ខ្ពស់ មីន អោង ឡាំង ក៏បានប្រកាសស្វាគមន៍នូវប្រេសិតពិសេសរបស់ប្រធាន​អាស៊ាន ដើម្បីចូលរួមក្នុងការពិភាក្សាអំពីបទឈប់បាញ់ជាមួយអង្គការប្រដាប់អាវុធជនជាតិភាគតិច។ ជំហានដ៏សំខាន់នេះ ត្រូវបានចែងនៅក្នុងកិច្ចព្រមពរៀងជាឯកច្ឆន្ទ៥ចំណុចរបស់អាស៊ាន៕