នយោបាយ

ព្រះអង្គម្ចាស់ នរោត្តម ចក្រាវុធ អំពាវនាវឱ្យថ្នាក់ដឹកនាំបន្តខិតខំ ដើម្បីឲ្យបក្សរាជានិយមនេះ មានសម្លេងឡើងវិញ

បានផុស

៣ years មុន

នៅ

ថ្ងៃព្រហស្បតិ៍ ២០ មករា ២០២២

ដោយ

ការអំពាវនាវរបស់ព្រះអង្គម្ចាស់ នរោត្តម ចក្រាវុធ ប្រធានស្តីទីគណបក្សហ៊្វុនស៊ិនប៉ិច បានធ្វើឡើង ខណៈយាងចូលរួមពិធីសំណេះសំណាល ជួបជុំជាមួយថ្នាក់ដឹកនាំខេត្ត ស្រុក ឃុំ និងរចនាសម្ព័ន្ធគណបក្ស ក្នុងខេត្តបន្ទាយមានជ័យ នៅព្រឹកថ្ងៃ២០ខែមករា ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិចបានថ្លែងប្រាប់កម្ពុជាថ្មីថា មានបន្ទូលក្នុងពិធីនោះ ព្រះអង្គម្ចាស់ នរោត្តម ចក្រាវុធ បានកោតសរសើរចំពោះថ្នាក់ដឹកនាំគណបក្សខេត្ត ដែលនៅតែមានស្មារតីអង្គអាច ខិតខំសាមគ្គីគ្នា ក្នុងការប្រមែលប្រមូល ចង់ក្រងសមាជិកគាំទ្រយ៉ាងសកម្មនៅមូលដ្ឋាន។ ជាមួយគ្នានោះព្រះអង្គម្ចាស់ បានអំពាវនាវឱ្យថ្នាក់ដឹកនាំគ្រប់ជាន់ថ្នាក់ បន្តខិតខំ ប្រឹងប្រែង ដើម្បីគណបក្សរាជានិយមមួយនេះ មានសម្លេងគាំទ្រឡើងវិញ ឈានទៅរកភាពថ្កុំថ្កើនសារជាថ្មី។

បើតាមលោក ញឿន រ៉ាដែន គណបក្សហ៊្វុនស៊ិនប៉ិចបើកទ្វារចំហរជានិច្ចស្វាគមន៍ចំពោះថ្នាក់ដឹកនាំ ឬគណបក្សណាមួយ មករួមរស់ក្រោមដំបូលគណបក្សហ៊្វុនស៊ិនប៉ិច ដើម្បីចូលរួមថែរក្សាសុខសន្តិភាព ស្ថេរភាពនយោបាយ និងការអភិវឌ្ឍន៍ប្រកបដោយចីរភាព៕

ដោយ ៖ កោះកែវ