សម្តេច ហ៊ុន​ សែន ៖ ជម្លោះនៅអ៊ុយក្រែន មិនអាចយកសង្រ្គាមពន្លត់សង្រ្គាមបានទេ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអះអាងថា គេមិនអាចយកសង្រ្គាមទៅបង្រ្កាបសង្រ្គាមបានទេនៅក្នុងបញ្ហានៅអ៊ុយក្រែន។ សម្តេច បានអះអាងដូច្នេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៣(ភ្នំពេញ-កំពត) ប្រវែងជាង១៣៤គីឡូម៉ែត្រ នៅព្រឹកថ្ងៃពុធនេះ។

សម្តេច បានគូសបញ្ជាក់ថា ការផ្តល់អាវុធដល់កងទ័ពអ៊ុយក្រែនមិនមែនជាជម្រើសល្អនោះទេ ព្រោះវាបង្កឲ្យកាន់តែមានការប្រយុទ្ធគ្នាបន្ថែមទៀត។ សម្តេចនាយករដ្ឋមន្រ្តីអះអាងនេះ មិនមែនជាក្នុងនាមប្រធានអាស៊ាន ឬតំណាងឲ្យអាស៊ាននោះទេ ពោល គឺជាទស្សនៈរបស់សម្តេចផ្ទាល់នៅចំពោះនៅអ៊ុយក្រែន។ សម្តេចតេជោ ហ៊ុន សែន បានគូសបញ្ជាក់ថា ការចរចា គឺជាជម្រើសមួយល្អសម្រាប់ការបញ្ចប់សង្រ្គាមនៅក្នុងប្រទេសអ៊ុយក្រែន៕

ដោយ ៖ វណ្ណ សុគន្ធា