សមាជិកអតីតបក្សប្រឆាំង៧រូប បានស្ម័គ្រចិត្តសុំចូលរួមជីវភាពនយោបាយជាមួយគណបក្សប្រជាជនកម្ពុជាខេត្ដកំពង់ចាម

សមាជិកអតីតគណបក្សសង្រ្គោះជាតិថ្នាក់មូលដ្ឋានចំនួន៧រូបបន្ថែមទៀតហើយ បានស្ម័គ្រចិត្តមកសុំចូលរួមជីវភាពនយោបាយជាមួយគណបក្សប្រជាជនកម្ពុជា ខេត្តកំពង់ចាម។ លោក អ៊ុន ចាន់ដា អភិបាលខេត្តកំពង់ចាម បានរៀបចំពិធីទទួលពួកគេទាំងនេះនៅទីស្នាក់ការគណបក្សខេត្តកំពង់ចាមកាលពីរសៀលថ្ងៃទី០៣ ខែមីនា ឆ្នាំ២០២២ ម្សិលមិញនេះ។

សមាជិកគណបក្សថ្មីទាំង ០៧រូប ដែលបានស្ម័គ្រចិត្តសុំចូលរួមជីវភាពនយោបាយជាមួយគណបក្សប្រជាជនកម្ពុជានេះ រួមមាន៖

ទី១. លោក យង់ សារិ  អតីតគណ:កម្មាធិការនាយកCNRP ឃុំជ្រៃវៀន ស្រុកព្រៃឈរ។

២. លោក លី អៀង អតីតបេក្ខជនបម្រុងក្រុមប្រឹក្សាសង្កាត់កំពង់ចាម។

៣. លោក ស៊ឹម សុផល អតីតសមាជិកក្រុមប្រឹក្សាសង្កាត់បឹងកុក។

៤. លោក ហ៊ត់ ម៉េងលាង អតីតបេក្ខជបម្រុងក្រុប្រឹក្សាសង្កាត់ កំពង់ចាម។

៥. អ្នកស្រី យើង គឹមនី អតីតបេក្ខជនបម្រុងក្រុមប្រឹក្សាសង្កាត់កំពង់ចាម។

៦. លោក ហម យុន អតីតសមាជិកCNRP សង្កាត់សំបួរមាស។

៧. អ្នកស្រី វ៉ាញ ស៊ីណេត អតីតសមាជិកCNRP សង្កាត់សំបួរមាស។

ឆ្លៀតក្នុងឪកាសនោះដែរ លោក អ៊ុន ចាន់ដា ប្រធានគណបក្សខេត្ដបានផ្ដាំផ្ញើទៅកាន់សមាជិកថ្មីៗទាំង៧ រូប ឲ្យមានភាពស្មោះត្រង់ជាមួយគណបក្ស ចូលរួមគាំទ្រគណបក្ស ជាពិសេស បោះឆ្នោតជូនគណបក្សប្រជាជនកម្ពុជា ក្នុងឱកាសបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ និងអាណត្តិជាបន្តបន្ទាប់ តបតាមទិសស្លោក “សមាជិកបក្សម្នាក់ ជាសន្លឹកឆ្នោត១សន្លឹក” ៕

ដោយ៖ ហុង ម៉េង ហៀ