នយោបាយ
លុបឈ្មោះបេក្ខជនបក្សភ្លើងទៀន២០នាក់ទៀត ត្រូវបានសវនាការ គ.ជ.ប សម្រេចលុបឈ្មោះចេញពីបញ្ជី
ក្រុមប្រឹក្សាជំនុំជម្រះ គណៈកម្មាធិការជាតិរៀបចំការបោះឆ្នោត (គ.ជ.ប) ដែលមានសមាសភាព ៩រូប ដឹកនាំដោយ លោក ប្រាជ្ញ ចន្ទ ប្រធាន គ.ជ.ប និងជាប្រធានក្រុមប្រឹក្សាជំនុំជម្រះ គ.ជ.ប នៅព្រឹកថ្ងៃសុក្រ ទី១៨ ខែមីនា ឆ្នាំ២០២២នេះ បានបើកសវនាការសង្ខេប ដើម្បីដោះស្រាយពាក្យបណ្តឹងរបស់ប្រជាពលរដ្ឋ ចំនួន១៣ (ដប់បី) បណ្ដឹង ដែលបានប្តឹងជំទាស់ទៅនឹងបញ្ជីបេក្ខជនដំបូងរបស់គណបក្សភ្លើងទៀន។
បើតាម គ.ជ.ប បន្ទាប់ពីបានស្តាប់របាយការណ៍របស់ក្រុមមន្ត្រីចុះស៊ើបអង្កេត និងស្រាវជ្រាវនៃអគ្គលេខាធិការដ្ឋាន គ.ជ.ប ដែលបានចុះទៅដល់ទីកន្លែង ដើម្បីសាកសួរ និងយកព័ត៌មានពីសាក្សី រួមនឹងបេក្ខជនឈរឈ្មោះផ្ទាល់ និងក្រោយពីបានពិភាក្សាគ្នាយ៉ាងល្អិតល្អន់រួចមក ក្រុមប្រឹក្សាជំនុំជម្រះនៃគ.ជ.ប បានសម្រេច៖
ទី១. លុបឈ្មោះបេក្ខជន ៣(បី)រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៦ ដែលរួមមាន៖ ឈ្មោះ ទឹម ទូច ភេទប្រុស កើតថ្ងៃទី១១ ខែមេសា ឆ្នាំ១៩៧៥, ឈ្មោះ ជា គឹមលី ភេទស្រី កើតថ្ងៃទី៣ ខែមេសា ឆ្នាំ១៩៦៩, ឈ្មោះ ស្រៀង ធា ភេទស្រី កើតថ្ងៃទី៧ ខែមិថុនា ឆ្នាំ១៩៨៤។
ទី២. លុបឈ្មោះ មាស រដ្ឋា ភេទប្រុស កើតថ្ងៃទី២០ ខែមករា ឆ្នាំ១៩៨៥ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៧។
ទី៣. លុបឈ្មោះ វ៉ា សុផល ភេទស្រី កើតថ្ងៃទី២៩ ខែកញ្ញា ឆ្នាំ១៩៦៣ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៨។
ទី៤. លុបឈ្មោះបេក្ខជន ៣ (បី)រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០០៩ ដែលរួមមាន៖ ឈ្មោះ រ៉េត សុវណ្ណា ភេទប្រុស កើតថ្ងៃទី៧ ខែមករា ឆ្នាំ១៩៩២, ឈ្មោះ យុន សុផល ភេទស្រី កើតថ្ងៃទី១ ខែឧសភា ឆ្នាំ១៩៦៨, ឈ្មោះ ចាន់ នី ភេទស្រី កើតថ្ងៃទី៥ ខែមិថុនា ឆ្នាំ១៩៥០។
ទី៥. លុបឈ្មោះបេក្ខជន ៤ (បួន) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១០ ដែលរួមមាន៖ ឈ្មោះ ហង្ស ស្រ៊ីន ភេទស្រី កើតថ្ងៃទី១៨ ខែមេសា ឆ្នាំ១៩៨១, ឈ្មោះ ធី សំអាត ភេទប្រុស កើតថ្ងៃទី៥ ខែមិថុនា ឆ្នាំ១៩៦៥, ឈ្មោះ បាន បឿន ភេទប្រុស កើតថ្ងៃទី៤ ខែកក្កដា ឆ្នាំ១៩៩៤, ឈ្មោះ អៀម ផាន់ណា ភេទប្រុស កើតថ្ងៃទី១២ ខែកុម្ភៈ ឆ្នាំ ១៩៨២។
ទី៦. លុបឈ្មោះបេក្ខជន ៣ (បី) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១១ លេខ ០១២ និងលេខ ០១៣ ដែលរួមមាន៖ ឈ្មោះ ឃុន ចន្ថា ភេទប្រុស កើតថ្ងៃទី១៥ ខែឧសភា ឆ្នាំ១៩៩២, ឈ្មោះ ហេង ធឿន ភេទប្រុស កើតថ្ងៃទី២៨ ខែតុលា ឆ្នាំ១៩៦៤, ឈ្មោះ ប្រាក់ មុំ ភេទស្រី កើតថ្ងៃទី២ ខែមេសា ឆ្នាំ១៩៨៣។
ទី៧. លុបឈ្មោះ គង់ សាវ៉ាន់ ភេទប្រុស ថ្ងៃទី២ ខែមេសា ឆ្នាំ១៩៨៤ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១៤។ ពុំមានឈ្មោះក្នុងបញ្ជីបោះឆ្នោតនៅសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញទេ។
ទី៨. លុបឈ្មោះបេក្ខជន ២ (ពីរ) រូប ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០១៨ និងលេខ ០១៩ ដែលរួមមាន៖ ឈ្មោះ លឹម សុខជា ភេទប្រុស កើតថ្ងៃទី៦ ខែមេសា ឆ្នាំ១៩៨៨, ឈ្មោះ ចក់ សុភ័ណ ភេទប្រុស កើតថ្ងៃទី១ ខែឧសភា ឆ្នាំ១៩៧៧, លុបឈ្មោះ សុក សុវណ្ណដា ភេទប្រុស កើតថ្ងៃទី៩ ខែមីនា ឆ្នាំ១៩៨៨ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០២០ ដោយសារសាមីខ្លួនបានដាក់ពាក្យបណ្ដឹង ដើម្បីសុំលុបឈ្មោះរបស់ខ្លួនចេញពីបញ្ជីបេក្ខជនឈរឈ្មោះបោះឆ្នោតគណបក្សភ្លើងទៀន។
ទី១០. លុបឈ្មោះ សុខ សុវណ្ណារ៉ា ភេទប្រុស កើតថ្ងៃទី៣ ខែសីហា ឆ្នាំ១៩៨១ ចេញពីបញ្ជីបេក្ខជនដំបូងនៃគណបក្សភ្លើងទៀន ក្នុងសំណុំរឿងលេខ ០២១ ដោយសារសាមីខ្លួនបានដាក់ពាក្យបណ្ដឹង ដើម្បីសុំលុបឈ្មោះរបស់ខ្លួនចេញពីបញ្ជីបេក្ខជនឈរឈ្មោះបោះឆ្នោតគណបក្សភ្លើងទៀន។
ការសម្រេចខាងលើរបស់ក្រុមប្រឹក្សាជំនុំជម្រះ គ.ជ.ប ត្រូវបានធ្វើឡើងដោយយោងតាមចម្លើយរបស់សាមីខ្លួនថា ពួកគាត់ទាំងអស់ពិតជាមិនចេះអាន និងសរសេរអក្សរខ្មែរ ហើយក៏មិនបានបំពេញប្រវត្តិរូប និងសេចក្ដីប្រកាសយល់ព្រមឈរឈ្មោះជាបេក្ខជន ផ្ទាល់ដៃរបស់ពួកគាត់ និងមួយចំនួនមិនមានឈ្មោះក្នុងបញ្ជីបោះឆ្នោតនៅឃុំ សង្កាត់ ដែលខ្លួនបានដាក់ពាក្យឈរឈ្មោះជាបេក្ខជនគណបក្សនយោបាយ។
ផ្អែកតាមមាត្រា៣៥ នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងប្រការ ៦.១ នៃបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចែងថា ប្រជាពលរដ្ឋទាំងពីរភេទ ដែលមានបំណងឈរឈ្មោះជាបេក្ខជនសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ ត្រូវបំពេញលក្ខខណ្ឌ ចេះអាន ចេះសរសេរអក្សរខ្មែរ និងបានចុះឈ្មោះក្នុងបញ្ជីបោះឆ្នោតក្នុងឃុំ សង្កាត់ ដែលខ្លួនមានបំណងឈរឈ្មោះបោះឆ្នោត។
ផ្អែកតាមមាត្រា៤២ នៃច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងចំណុច ៦.៦.៣.៥ នៃបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចែងថា ជីវប្រវត្តិ និងសេចក្ដីប្រកាសយល់ព្រមឈរឈ្មោះរបស់បេក្ខជនត្រូវបំពេញផ្ទាល់ដៃរបស់បេក្ខជនម្នាក់ៗ។
ក្រុមប្រឹក្សាជំនុំជម្រះ គ.ជ.ប យល់ឃើញថា បេក្ខជនដែលមិនបំពេញតាមលក្ខខណ្ឌដូចមានចែងក្នុងច្បាប់ស្ដីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គប្បីគណៈកម្មាធិ-ការជាតិរៀបចំការបោះឆ្នោត សម្រេចលុបឈ្មោះចេញពីបញ្ជីបេក្ខជនដំបូង។
សូមបញ្ជាក់ថា សេចក្តីសម្រេចរបស់ក្រុមប្រឹក្សាជំនុំជម្រះ គ.ជ.ប ជាសេចក្តីសម្រេចស្ថាពរ បិទផ្លូវតវ៉ា៕
ដោយ ៖ កោះកែវ
នាយប៉ុស្តិ៍ទួលសង្កែទី១៖ ការផ្សព្វផ្សាយផលប៉ះពាល់គ្រឿងញៀន និងក្មេងទំនើងដល់អាណាព្យាបាលរបស់សិស្ស គឺជាអត្ថប្រយោជន៍មួយផ្នែកដល់សង្គម
អភិបាលខណ្ឌឫស្សីកែវ ដឹកនាំក្រុមការងារ ចុះរៀបចំសណ្ដាប់ធ្នាប់ក្នុងផ្សារច្រាំងចម្រេះ
ផ្ទុះឆេះរោងចក្រផលិតសារធាតុ«អាសេតូន» របស់រុស្ស៊ី ខណៈអ៊ុយក្រែនត្រូវគេសង្ស័យវាយប្រហារនេះ
មន្ទីរពេទ្យមិត្តភាពខ្មែរ-សូវៀត នឹងផ្តល់ការពិនិត្យជំងឺមហារីកមាត់ស្បូនឥតគិតថ្លៃដល់ស្ត្រី ២៥០នាក់ រយៈពេល៣ថ្ងៃ
Taylor Swift ទាញទម្លាក់ Beyoncé វិញ ក្លាយជាតារាស្រីលេខ១លើ Billboard
មេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
ក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
នាយឧត្តមសេនីយ៍ សៅ សុខា បញ្ជាឱ្យចាប់ឡានសារ៉ែនដែលបើកផ្លូវឱ្យអ្នកលក់អនឡាញឱ្យបាន
រថយន្ត ១ គ្រឿង ដឹកបុរសម្នាក់ ទម្លាក់ចោលមុខវត្តទួលសុភាឃួន ព្រឹកឡើងប្រទះឃើញស្លាប់បាត់បង់ជីវិត
២០២៤ គ្រោះធម្មជាតិកើតឡើងជាង ១ ពាន់លើក មានមនុស្សស្លាប់-របួស ជាង ២ រយនាក់ និងប៉ះពាល់ផ្ទះជាង ៦ ពាន់ខ្នង
-
ព័ត៌មានជាតិ២១ ម៉ោង agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា១ សប្តាហ៍ agoគ្រួសារលោកគ្រូ អេ ភូថង ជួបទុក្ខធំផ្ទួនៗ
-
ព័ត៌មានអន្ដរជាតិ១ សប្តាហ៍ agoអ្នកដំណើរមួយយន្តហោះ ជិះចេញពីព្រលាននៅឆ្នាំ២០២៥ តែចុះចតនៅឆ្នាំ២០២៤
-
ព័ត៌មានជាតិ២ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៦ ម៉ោង agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ