ព្រឹកនេះ គ.ជ.ប បើកសវនាការជំនុំជម្រះ លើបណ្តឹងតវ៉ារបស់គណបក្សភ្លើងទៀន

នៅព្រឹកថ្ងៃទី២៤ ខែមីនា ឆ្នាំ២០២២នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានបើកសវនាការជាសាធារណៈ ដើម្បីជំនុំជម្រះលើសំណុំរឿងលេខ០៧១ ដល់លេខ០៧៥ ចុះថ្ងៃទី២១ ខែមីនា ឆ្នាំ២០២២ ។ សមាសភាពក្រុមប្រឹក្សាជំនុំជម្រះមានលោក ប្រាជ្ញ ចន្ទ ប្រធាន គ.ជ.ប ជាប្រធាន លោក នុត សុខុម អនុប្រធាន គ.ជ.ប និងសមាជិក គ.ជ.ប ចំនួន៧ រូបទៀត ជាសមាជិកក្រុមប្រឹក្សាជំនុំជម្រះ។

សូមបញ្ជាក់ថា ពាក្យបណ្តឹងទាំងអស់ខាង លើនេះ មានកម្មវត្ថុប្ដឹងតវ៉ានឹងសេចក្ដី សម្រេចរបស់គណៈកម្មការរៀបចំការបោះ ឆ្នោតខេត្តកំពង់ចាម លើពាក្យសុំចុះបញ្ជីបេក្ខជនរបស់គណបក្សភ្លើងទៀន នៅឃុំចំការអណ្ដូង ស្រុកចំការលើ និងសង្កាត់វាលវង់ សង្កាត់កំពង់ចាម សង្កាត់បឹងកុក និងសង្កាត់សំបួរមាស ក្រុងកំពង់ចាម នៃខេត្តកំពង់ចាម ដែលមានដើមបណ្ដឹងឈ្មោះ វ៉ាត់ ធារិត រស់នៅភូមិស្ពឺកើត ឃុំស្ពឺ ស្រុកចំការលើ ខេត្តកំពង់ចាម៕

ដោយ ៖ កោះកែវ