នយោបាយ
អតីតអ្នកគាំទ្របក្សប្រឆាំង ១០៧នាក់នៅកោះកុង ចូលរួមជីវភាពនយោបាយ ជាមួយគណបក្សប្រជាជនកម្ពុជា
អតីតអ្នកគាំទ្រ នៃអតីតគណបក្សសង្រ្គោះជាតិចំនួន ១០៧នាក់ រស់នៅខេត្តកោះកុង បានស្ម័គ្រចិត្តចូលរួមជីវភាពនយោ បាយ ជាមួយគណបក្សប្រជាជនកម្ពុជា ក្រោមម្លប់ដ៏ត្រជាក់នៃសន្តិភាព និងស្ថេរភាពនយោបាយ ក្រោមការដឹកនាំដ៏ឈ្លេសវៃរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
ការប្រកាសស្ម័គ្រចិត្តចូលរួម របស់អតីតអ្នកគាំទ្រ នៃអតីតគណបក្សសង្គ្រោះជាតិនេះ បានធ្វើឡើងក្រោមវត្តមានលោកឧកញ៉ា លី សាម៉េត តំណាងសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលបានរៀបចំឡើងនៅសាលប្រជុំ គណបក្សប្រជាជនកម្ពុជាខេត្តកោះកុង នារសៀលថ្ងៃទី ២៥ ខែមីនា ឆ្នាំ២០២២នេះ។
ក្នុងឱកាសនោះលោកឧកញ៉ា លី សាម៉េត បានមានប្រសាសន៍ស្វាគមន៍ ទៅកាន់សមាជិក-សមាជិកា មកពីអតីតគណបក្សសង្គ្រោះជាតិ និងគណបក្សផ្សេងទៀត ក្នុងខេត្តកោះកុងចំនួន ១០៧នាក់ ដែលស្ម័គ្រចិត្តចូលរួមរស់ជីវភាពនយោបាយ ជាមួយគណបក្សប្រជាជនកម្ពុជា គឺការត្រឹមត្រូវបំផុតដែលដឹកនាំដោយសម្តេចតេជោ ហ៊ុន សែន។
លោកឧកញ៉ា លី សាម៉េត ជឿជាក់ថា សមាជិក-សមាជិកាថ្មី ទាំង ១០៧នាក់នេះ នឹងចូលរួមចំណែកកសាងអភិវឌ្ឍន៍សង្គមកម្ពុជា ឲ្យកាន់តែប្រសើរឡើង កាន់តែជឿនលឿនថែមទៀត ក្រោមម្លប់សន្តិភាព ស្ថេរភាព និងនយោបាយឈ្នះ-ឈ្នះ របស់រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា។
លោកឧកញ៉ា លី សាម៉េត ក៏បានពន្យល់ដែរថា ការចូលទៅរួមរស់ ជាមួយអតីតគណបក្សសង្រ្គោះជាតិកន្លងទៅ ពុំបានផ្តល់ចំណេញអ្វីដល់ក្រុមគ្រួសារ របស់ពួកគាត់នោះឡើយ ពោលគឺបម្រើបរទេសតែប៉ុណ្ណោះ ដោយមិនបានគិតគូរអំពីសុខទុក្ខរបស់ប្រជាពលរដ្ឋឡើយ។ ផ្ទុយទៅវិញមានថ្នាក់ដឹកនាំគណបក្សប្រជាជនកម្ពុជា គឺតែងតែរួមសុខរួមទុក្ខជាមួយប្រជាពលរដ្ឋ គ្រប់ពេលវេលា ដោះស្រាយទុក្ខលំបាកផ្សេងៗ ជូនប្រជាពលរដ្ឋជានិច្ច និងមិនដែលរត់ចោលប្រជាពលរដ្ឋឡើយនោះទេ ទោះក្នុងកាលៈទេសៈបែបណាក៏ដោយ។
លោកឧកញ៉ាបានឲ្យដឹងទៀតថា យើងមានសន្តិភាពស្ថេរភាពយើងមានអ្វីៗ ដូចសព្វថ្ងៃនេះ គឺមិនមែនជារឿងចៃដន្យទេ តែវាជាជួបវាសនាដ៏ល្អ ដែលប្រទេសកម្ពុជាមានសម្ដេចតេជោ ហ៊ុន សែន ជាប្រធានគណបក្សប្រជាជនកម្ពុជា និងជានាយករដ្ឋមន្ត្រី ដោយសម្តេចមិនដែលធ្វើឲ្យប្រជាពលរដ្ឋគ្រប់ គ្រប់ស្រទាប់វណ្ណៈ មានការខកចិត្តម្ដងណាឡើយ។ ដូច្នេះលោកឧកញ៉ា បានអំពាវរនាវដល់សមាជិកបក្សទាំងចាស់ ទាំងថ្មី ត្រូវរួមគ្នាថែរក្សាសន្តិភាពឲ្យបានដាច់ខាត ដោយមិនត្រូវឲ្យជនអគតិណាមួយ មកបំផ្លាញបានឡើយ៕
អត្តបទ៖ សិរីវឌ្ឍន:









-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?