នយោបាយ

នៅថ្ងៃច័ន្ទ និងថ្ងៃអង្គារ គ.ជ.ប នឹងមានកិច្ចប្រជុំចំនួន២ ស្ដីពីការអប់រំអ្នកបោះឆ្នោត និងផ្សព្វផ្សាយគោលនយោបាយគណបក្ស

បានផុស

៣ years មុន

នៅ

ថ្ងៃសៅរ៍ ៩ មេសា ២០២២

ដោយ

គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី០៩ ខែមេសា ឆ្នាំ២០២២ នេះ បានជម្រាបជូនដំណឹងដល់គណបក្សនយោបាយ ប្រព័ន្ធផ្សព្វផ្សាយរដ្ឋ និងឯកជន សមាគម អង្គការមិនមែនរដ្ឋាភិបាលជាតិ និងអន្តរជាតិថា គ.ជ.ប នឹងមានកិច្ចប្រជុំចំនួន២ ស្ដីពីការរៀបចំកម្មវិធីអប់រំអ្នកបោះឆ្នោត និងផ្សព្វផ្សាយគោលនយោបាយរបស់គណបក្សនយោបាយ ជូនសាធារណជន ក្នុងអំឡុងពេលយុទ្ធនាការឃោសនាបោះឆ្នោត សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២។

បើតាម គ.ជ.ប កិច្ចប្រជុំនេះ ប្រព្រឹត្តទៅនៅសាលប្រជុំអគ្គលេខាធិការដ្ឋាន គ.ជ.ប (ជាន់ទី៧) នៃទីស្ដីការ គ.ជ.ប ហើយសម្រាប់គណបក្សនយោបាយ នឹងធ្វើឡើងនៅថ្ងៃចន្ទ ទី១១ ខែមេសា ឆ្នាំ២០២២ វេលាម៉ោង៩ព្រឹក។ ចំណែកកិច្ចប្រជុំជាមួយប្រព័ន្ធផ្សព្វផ្សាយរដ្ឋ និងឯកជន សមាគម អង្គការមិនមែនរដ្ឋាភិបាលជាតិ និងអន្តរជាតិ នឹងធ្វើនៅថ្ងៃអង្គារ ទី១២ ខែមេសា ឆ្នាំ២០២២ វេលាម៉ោង៩ព្រឹក។

ជាមួយគ្នានោះ គ.ជ.ប បានអញ្ជើញតំណាងគណបក្សនយោបាយ ដែលមានបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ និងអគ្គនាយក អគ្គនាយិកា នៃប្រព័ន្ធផ្សព្វផ្សាយរដ្ឋ និងឯកជន ប្រធានសមាគម និងប្រធានអង្គការមិនមែនរដ្ឋាភិបាលជាតិ និងអន្តរជាតិទាំងអស់ចូលរួមផងដែរ៕

ដោយ ៖ កោះកែវ