នយោបាយ
លោក ញឹក ប៊ុនឆៃថា ការមិនចូលរួមបោះឆ្នោត ឃុំ សង្កាត់ របស់គណបក្សមួយចំនួននោះ មិនមានអ្វីប្លែក
ប្រធានគណបក្សខ្មែររួបរួមជាតិលោក ញឹក ប៊ុនឆៃ បានមានប្រសាសន៍ប្រាប់កម្ពុជាថ្មីថា នៅក្នុងការបោះឆ្នោតក្រុមប្រឹក្សា ឃុំ សង្កាត់ អាណត្តិទី៥នេះ មានគណបក្សជាង១០ប៉ុណ្ណោះ បានដាក់បេក្ខភាពចូលរួមប្រកួតប្រជែង លោកហៅការមិនចូលរួមបោះឆ្នោតរបស់បក្សនយោបាយទាំងនោះថា ជារឿងធម្មតា មិនមានអ្វីប្លែក ពីព្រោះអាចមកពីការដាក់បេក្ខភាព ឬលទ្ធភាពនៃការចូលរួម។
លោក ញឹក ប៊ុនឆៃ បានបញ្ជាក់យ៉ាងដូច្នេះថា “នេះមិនមែនជាលើកទី១ទេ ដែលមានការរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ ហើយគណបក្សនយោបាយ ដែលមានឈ្មោះនៅក្នុងបញ្ជីក្រសួងមហាផ្ទៃ ក៏មិនបានចូលរួមទាំងអស់នោះដែរ។ កាលបោះឆ្នោតលើកមុន ក្នុងចំណោមគណបក្សជាង៥០ ចូលរួមបានតែជាង១០គណបក្សប៉ុណ្ណោះ ហើយលើកនេះ ក្នុងចំណោមគណបក្សជាង៤០ ដែលបានចុះបញ្ជីនៅក្រសួងមហាផ្ទៃ ចូលរួមបានតែជាង១០ប៉ុណ្ណោះ។ ករណីនេះមិនមានជាបញ្ហាអ្វីប្លែកនោះទេ”។
លោក ញឹក ប៊ុនឆៃ អះអាងថា នេះអាស្រ័យទៅលើការយល់ឃើញរបស់ពួកគេ ឬមកពីការរៀបចំបេក្ខភាពមិនបាន ពីព្រោះឃើញមានគណបក្សខ្លះ ដាក់បេក្ខភាពបានតិចតួចដែរ ដូច្នេះអាចបណ្ដាលមកពីលទ្ធភាពក៏អាចថាបាន។
បើតាមលោក ញឹក ប៊ុនឆៃ គណបក្សខ្មែររួបរួមជាតិ ដាក់បេក្ខភាពដើម្បីចូលរួមនៅក្នុងការបោះឆ្នោតក្រុមប្រឹក្សា ឃុំ សង្កាត់ អាណត្តិទី៥ នេះ បានចំនួន៥៩៩ ឃុំ សង្កាត់។ លោកថា ដំបូងលោកដាក់បាន៦៥០ ឃុំ សង្កាត់ តែដោយសាមានបញ្ហាមួយចំនួនទាក់ទងបេក្ខភាព ក៏ដូចជាបច្ចេកទេស ទើបនៅសល់ប៉ុណ្ណេះ។
ដើម្បីឲ្យការបោះឆ្នោតជ្រើសរើសក្រុមប្រឹក្សា ឃុំ សង្កាត់ នេះបានប្រព្រឹត្តទៅដោយរលូន តម្លាភាព និងយុត្តធម៌ ត្រឹមត្រូវ ទទួលយកបានទាំងអស់គ្នា លោក ញឹក ប៊ុនឆៃ បានស្នើឲ្យគណៈកម្មាធិការជាតិរៀបចំការបោះឆ្នោត អនុវត្តតាមច្បាប់ ស្ដីពីការបោះឆ្នោតឲ្យបានប្រសើរ និងធ្វើយ៉ាងណា ឱ្យបរិយាយកាសនៃការបោះឆ្នោតប្រព្រឹត្តទៅដោយរលូន កុំឱ្យមានបញ្ហាអ្វីកើតឡើង ឬឧបសគ្គអ្វីមួយកើតឡើង ដើម្បីជៀសវាងការវាយតម្លៃថា បរិយាកាសនៃការបោះឆ្នោតនេះប្រព្រឹត្តទៅដោយមិនល្អ។
ជាមួយគ្នានោះ លោកបានសុំឲ្យអាជ្ញាធរមូលដ្ឋាន ជួយសម្របសម្រួលដល់ប្រជាពលរដ្ឋ ដែលចូលរួមបោះឆ្នោត ធ្វើយ៉ាងណាឲ្យពួកគាត់មានសិទ្ធិសេរីភាព ក្នុងការចូលរួមបោះឆ្នោតដោយសេរី ជៀសវាងមានការគំរាមកំហែង និងបំភិតបំភ័យផ្សេងៗ។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នឹងប្រព្រឹត្តិទៅនៅថ្ងៃទី០៥ ខែមិថុនា ឆ្នាំ២០២២ ក្នុងនោះមានគណបក្សនយោបាយចំនួន១៧ បានចុះឈ្មោះប្រកួតប្រជែងនៅក្នុងការបោះឆ្នោតនេះ ហើយការឃោសនាបោះឆ្នោតនេះមានរយៈពេល១៤ថ្ងៃ ដោយចាប់ពីថ្ងៃទី២១ ខែឧសភា រហូតដល់ថ្ងៃទី០៣ ខែមិថុនា ៕
ដោយ ៖ កោះកែវ
តំបន់ទេសចរណ៍នៅស្រុកស្រែអំបិល ត្រូវបានភ្ញៀវទេសចរកក់ស្ទើរតែជិត១០០% សម្រាប់ឆ្លងឆ្នាំ
បង្ហាញខ្លួន៤ថ្ងៃ «Squid Game» វគ្គ២ មានតួសុទ្ធតែតារាជួរមុខ ពេលនេះជាប់លេខ១នៅគ្រប់ប្រទេស
បណ្ណាល័យគំនិតផ្ដល់សម្ភារៈសិក្សា និងអាហារសាមគ្គីដល់កុមារសាលាបឋមសិក្សាមួយក្នុងខេត្តពោធិ៍សាត់
ការរំលឹកខួបនៃសន្តិភាពនៅកម្ពុជា គឺដើម្បីរំលឹកពីស្នាដៃ បំផុសក្តីស្រឡាញ់ និងបណ្តុះចិត្តស្អប់ខ្ពើមសង្រ្គាមដល់ពលរដ្ឋកម្ពុជា
ពិធីក្រុងពាលីមុនបើកព្រឹត្តិការណ៍បាល់ទាត់អបអរសាទរទិវាសន្តិភាពនៅកម្ពុជា ដែលគ្រោងមានអ្នកចូលទស្សនា ៥ម៉ឺននាក់
ធ្លាក់យន្តហោះនៅកូរ៉េខាងត្បូងព្រឹកមិញ ក្នុងនោះក៏មានថៃ២នាក់ដែរ
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់
តារាសម្តែងស្រី នី មុន្នីនាថ បង្ហាញក្តីបារម្ភ ខណ:ការបរិច្ចាគឈាមមកកាន់មូលនិធិឈាមនាង ជួបការខ្វះខាត
៤វិធីងូតទឹកឲ្យត្រឹមត្រូវ មិនបាច់បារម្ភខ្លាចស្លាប់ភ្លាមៗ
-
សន្តិសុខសង្គម៤ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៥ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៣ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៤ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៥ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៦ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ៦ ថ្ងៃ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល
-
សន្តិសុខសង្គម៥ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន