នយោបាយ
ទូតរុស្ស៊ី បញ្ជាក់ថា កម្ពុជា និងរុស្ស៊ីនៅតែជា«មិត្ត» ត្បិតកម្ពុជាបោះឆ្នោតប្រឆាំងខ្លួនរឿងធ្វើសង្រ្គាមនៅអ៊ុយក្រែនក្តី
ស្ថានទូតរុស្ស៊ីប្រចាំនៅកម្ពុជានៅព្រឹកថ្ងៃទី២៧ ខែមេសានេះ បានធ្វើសន្និសីទសារព័ត៌មានបកស្រាយជុំវិញបញ្ហាសង្រ្គាមរបស់រុស្ស៊ីនៅក្នុងប្រទេសអ៊ុយក្រែនតាមប្រព័ន្ធZoom។ ស្ថានទូតរុស្ស៊ីថា ការធ្វើប្រតិបត្តិការយោធាពិសេសនៅក្នុងប្រទេសអ៊ុយក្រែន ជារឿងចាំបាច់ បើទោះបីប្រទេសជាច្រើនក្នុងលោករួមទាំងកម្ពុជាផងបានរួមគ្នាបោះឆ្នោតប្រឆាំងក៏ដោយ។ ប៉ុន្តែ ស្ថានទូតរុស្ស៊ី ក៏បានគូសបញ្ជាក់ដែរថា ការប្រឆាំងរបស់កម្ពុជានេះ មិនធ្វើឲ្យប៉ះពាល់ដល់ទំនាក់ទំនងទ្វេភាគីរវាងកម្ពុជា និងរុស្ស៊ី ឡើយ។
ឆ្លើយតបនឹងសំណួររបស់អ្នកសារព័ត៌មាន«កម្ពុជាថ្មី» លោក Rafael IANGAREEV តំណាងស្ថានទូតរុស្ស៊ីប្រចាំនៅកម្ពុជាបានអះអាងថា រុស្ស៊ីគោរពអធិបតេយ្យភាពរបស់កម្ពុជាក្នុងការសម្រេចចិត្តបោះឆ្នោតមិនគាំទ្រការធ្វើប្រតិបត្តិការយោធាពិសេសរបស់រុស្ស៊ីនៅក្នុងប្រទេសអ៊ុយក្រែន។ លោកថា បើទោះបីកម្ពុជាធ្វើបែបនេះក៏ដោយ ក៏វាមិនប៉ះពាល់ដល់ទំនាក់ទំនងទេ្វភាគីរវាងកម្ពុជា និងប្រទេសរុស្ស៊ីដែរ ពោល គឺកម្ពុជា និងរុស្ស៊ី នៅតែជាមិត្តនឹងគ្នាដដែល ព្រោះប្រទេសទាំងពីរមានទំនាក់ទំនងជាមួយគ្នាជាយូរមកហើយ។
ការលើកឡើងរបស់ស្ថានទូតរុស្ស៊ីនេះ គឺជាការឆ្លើយតបទៅកាន់រាជរដ្ឋាភិបាលកម្ពុជាដែលបានបោះឆ្នោតប្រឆាំងនឹងការធ្វើសង្រ្គាមរបស់រុស្ស៊ីនៅក្នុងប្រទេសអ៊ុយក្រែននៅអង្គការសហប្រជាជាតិជាមួយប្រទេសប្រមាណជាង១៤០ទៀតកាលពីថ្ងៃទី០២ ខែមីនា ឆ្នាំ២០២២។ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ធ្លាប់បានបញ្ជាក់ម្តងជាពីរដងថា ការបោះឆ្នោតនេះ គឺជារឿងចាំបាច់ ព្រោះកម្ពុជា មិនគាំទ្រឡើយដែលប្រទេសមួយលើកទ័ពទៅឈ្លានពានប្រទេសមួយទៀតបែបនេះ។ ជាមួយនឹងការលើកឡើងនេះ សម្តេចប្រមុខរាជរដ្ឋាភិបាលកម្ពុជា បានបង្ហាញការរំពឹងថា រុស្ស៊ី នឹងយោគយល់ដល់កម្ពុជាចំពោះបញ្ហានេះ។
កាលពីចុងខែមីនា កន្លងទៅ សម្តេចតេជោ ហ៊ុន សែន ក៏បានចេញមកគូសបញ្ជាក់ជាថ្មីម្តងទៀតអំពីជំហរមិនគាំទ្ររុស្ស៊ីដែលធ្វើសង្រ្គាមនៅក្នុងប្រទេសអ៊ុយក្រែន។ សម្តេចនាយករដ្ឋមន្រ្តី បានសង្កត់ធ្ងន់បន្ថែមពីលើលើកមុនថា បើទោះបីត្រូវបោះឆ្នោតប៉ុន្មានដងទៀត ក៏កម្ពុជានៅបោះឆ្នោតប្រឆាំងការឈ្លានពានរបស់រុស្ស៊ីនៅអ៊ុយក្រែនដែរ ហើយមិនមែនតែរុស្ស៊ីទេ ប្រទេសណាក៏ដោយ ឲ្យតែលើកទ័ពទៅឈ្លានពានគេ ក៏កម្ពុជាប្រឆាំងដូចគ្នា។ សម្រាប់សម្តេចតេជោ ហ៊ុន សែន ការគោរពដល់ឯករាជ្យ និងអធិបតេយ្យរបស់អ៊ុយក្រែន មានតម្លៃស្មើនឹងការគោរពដល់ឯករាជ្យ និងអធិបតេយ្យរបស់កម្ពុជាដូចគ្នាដែរ៕
ដោយ ៖ វណ្ណ សុគន្ធា
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
ក្រសួងការងារ ៖ សមភាពរវាងបុរស និងស្ត្រី ជាកិច្ចការស្នូលគោលនយោបាយរាជរដ្ឋាភិបាលកម្ពុជា
សម្តេចតេជោ ហ៊ុន សែន “អត់ធ្មត់ អត់ធ្មត់ និងអត់ធ្មត់ នេះជាមេរៀនរបស់ខ្ញុំ ក្នុងវ័យ៣៧ ឆ្នាំ”
បុណ្យសពលោក ប៉ែន ច័ន្ទសិទ្ធ រៀបចំធ្វើនៅ វត្តតាំងក្រសាំងខាងជើង រាជធានីភ្នំពេញ
ថៃ ពិចារណាសង់ជញ្ជាំងព្រំដែនប្រវែងជាង៥០គីឡូម៉ែត្រជាមួយកម្ពុជា
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង
ពលរដ្ឋចោទជនជាតិចិនមួយក្រុមនៅក្រុមហ៊ុនចម្ការចេកខេត្តក្រចេះ បាញ់សត្វគោក្របីអ្នកស្រុកលេីកដាក់ឡានយ៉ាងអានាធិបតេយ្យ
រុស្ស៊ី បាញ់មីស៊ីលពន្លិចកប៉ាល់ដឹកទំនិញមួយគ្រឿង សង្ស័យដឹកអាវុធអង់គ្លេស យកទៅឲ្យអ៊ុយក្រែន
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានអន្ដរជាតិ៦ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ៥ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៧ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ៦ ម៉ោង agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ព័ត៌មានអន្ដរជាតិ១ សប្តាហ៍ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម៣ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
សន្តិសុខសង្គម៣ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់