នយោបាយ
លោក ញឹក ប៊ុនឆៃ បង្ហាញគោលនយោបាយមួយចំនួនសម្រាប់ការបោះឆ្នោតក្រុមប្រឹក្សា ឃុំ សង្កាត់ ផ្ដោតសំខាន់លើមូលដ្ឋាន
ថ្លែងប្រាប់កម្ពុជាថ្មីទាក់ទងទៅនឹងការបោះឆ្នោតក្រុមប្រឹក្សា ឃុំ សង្កាត់ ដែលនឹងប្រព្រឹត្តិទៅនាពេលខាងមុខ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានមានប្រសាសន៍ថា នៅក្នុងការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ នាពេលខាងមុខនេះ គណបក្សរបស់លោកបានដាក់ចេញនូវគោលនយោបាយមួយចំនួន ដោយផ្ដោតសំខាន់ទៅលើមូលដ្ឋាន ជាពិសេសទាក់ទងទៅនឹងសេវាកម្ម។
បើតាមលោក ញឹក ប៊ុនឆៃ ទី១, បញ្ហាសេវាកម្មនៅមូលដ្ឋាន គឺនឹងមិនឲ្យមានអំពើពុករលួយ ដូចជានៅពេលប្រជាពលរដ្ឋទៅធ្វើអត្តសញ្ញាណប័ណ្ណ ធ្វើសំបុត្រកំណើត ធ្វើលិខិតអាពាហ៍ពិពាហ៍ លិខិតមរណភាព ឬលិខិតបញ្ជាក់ពីមេភូមិ មេឃុំ ដើម្បីខ្ចីលុយធនាគារជាដើម គឺសេវាកម្មនេះ មិនត្រូវមានអំពើពុករលួយឡើយ ក្នុងនោះក៏មានទាក់ទងទៅនឹងបញ្ហាសុខាភិបាលផងដែរ។
ទី២, បញ្ហាមនុស្សចាស់ជរា គឺប្រជាពលរដ្ឋចាស់ជរាក្រីក្រនៅតាមមូលដ្ឋាន ត្រូវព្យាបាលដោយមិនយកលុយ។
ទី៣, រកទីផ្សារសម្រាប់លក់កសិផលរបស់ប្រជាកសិករ ដែលពួកគាត់បានដាំដំណាំផ្សេងៗ គឺត្រូវខិតខំរកទីផ្សារ ដើម្បីឲ្យពួកគាត់លក់ដូរបានតម្លៃថ្លៃសមរម្យ ឬលក់បានបានចំណេញ ពីព្រោះកន្លងមក មានផលិតផលមួយចំនួន ដែលមានស្រូវជាដើម ប្រជាពលរដ្ឋធ្វើបានហើយ តែលក់បានតម្លៃថោក។
ទី៤, សេដ្ឋកិច្ចគ្រួសារគ្រប់គ្រាន់ ដែលបញ្ហានេះចង់ផ្តោតថវិកា ដែលកន្លងមករាជរដ្ឋាភិបាលបានផ្ដល់ថវិកា ដើម្បីអភិវឌ្ឍ ឃុំ សង្កាត់ ហើយមកដល់ពេលនេះថវិកានេះក៏បានបង្កើនបន្ថែមទៀត ដូច្នេះត្រូវយកទុននេះ ទៅជួយលើប្រជាពលរដ្ឋនៅតាមភូមិវិញ ដោយជួយឲ្យពួកគាត់បង្កើតមុខរបរផ្សេងៗ ដូចជាចិញ្ចឹមសត្វ ចិញ្ចឹមត្រី ដាំដំណាំ បន្លែ ផ្សេងៗជាដើម ហើយលក់នៅក្នុងភូមិក្នុងតម្លៃមួយសមរម្យ ដូចជាការបើកជាទីផ្សារសហគមន៍ជាដើម។ ការធ្វើបែបនេះ គឺដើម្បីឱ្យជីវភាពរបស់ពួកគាត់បានធូរធារ និងប្រសើរឡើង។
ទី៥, មូលដ្ឋានមួយដែលមានយុត្តិធម៌ ស្អាតស្អំ ដែលបញ្ហានេះ លោកចង់និយាយពីបញ្ហាដីធ្លី និងបញ្ហាផ្សេងៗទៀត ដែលកំពុងតែមាន ឬកំពុងតែប្រឈមនៅតាមមូលដ្ឋាន ដើម្បីកុំឲ្យអ្នកក្រីក្រចាំតែរងគ្រោះ។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នឹងប្រព្រឹត្តិទៅនៅថ្ងៃទី០៥ ខែមិថុនា ឆ្នាំ២០២២ ក្នុងនោះមានគណបក្សនយោបាយចំនួន១៧ បានចុះឈ្មោះប្រកួតប្រជែងនៅក្នុងការបោះឆ្នោតនេះ ហើយការឃោសនាបោះឆ្នោតនេះមានរយៈពេល១៤ថ្ងៃ ដោយចាប់ពីថ្ងៃទី២១ ខែឧសភា រហូតដល់ថ្ងៃទី០៣ ខែមិថុនា។
បើតាមលោក ញឹក ប៊ុនឆៃ គណបក្សខ្មែររួបរួមជាតិ ដាក់បេក្ខភាពដើម្បីចូលរួមនៅក្នុងការបោះឆ្នោតក្រុមប្រឹក្សា ឃុំ សង្កាត់ អាណត្តិទី៥ នេះ បានចំនួន៥៩៩ ឃុំ សង្កាត់ ប៉ុណ្ណោះ ហើយដើម្បីឲ្យការបោះឆ្នោតជ្រើសរើសក្រុមប្រឹក្សា ឃុំ សង្កាត់ នេះបានប្រព្រឹត្តទៅដោយរលូន តម្លាភាព និងយុត្តធម៌ ត្រឹមត្រូវ ទទួលយកបានទាំងអស់គ្នា លោក ញឹក ប៊ុនឆៃ បានស្នើឲ្យគណៈកម្មាធិការជាតិរៀបចំការបោះឆ្នោត អនុវត្តតាមច្បាប់ ស្ដីពីការបោះឆ្នោតឲ្យបានប្រសើរ និងធ្វើយ៉ាងណា ឱ្យបរិយាយកាស នៃការបោះឆ្នោតប្រព្រឹត្តទៅដោយរលូន កុំឱ្យមានបញ្ហាអ្វី ឬឧបសគ្គអ្វីមួយកើតឡើង ដើម្បីជៀសវាងការវាយតម្លៃថា បរិយាកាសនៃការបោះឆ្នោតនេះប្រព្រឹត្តទៅដោយមិនល្អ។
ជាមួយគ្នានោះ លោកបានសុំឲ្យអាជ្ញាធរមូលដ្ឋាន ជួយសម្របសម្រួលដល់ប្រជាពលរដ្ឋ ដែលចូលរួមបោះឆ្នោត ធ្វើយ៉ាងណាឲ្យពួកគាត់មានសិទ្ធិសេរីភាព ក្នុងការចូលរួមបោះឆ្នោតដោយសេរី ជៀសវាងមានការគំរាមកំហែង និងបំភិតបំភ័យផ្សេងៗ៕
ដោយ ៖ កោះកែវ
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៣ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៤ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក