នយោបាយ
បេក្ខជនបក្សភ្លើងទៀន ជាង៤០នាក់ក្នុងខេត្តកំពង់ចាម មកសុំចូលរួមជីវភាពនយោបាយជាមួយគណបក្សប្រជាជនកម្ពុជា
គណបក្សប្រជាជនកម្ពុជាខេត្តកំពង់ចាម កាលពីល្ងាចថ្ងៃទី០៣ ខែឧសភា ឆ្នាំ២០២២ បានរៀបចំពិធីបញ្ចូលសមាជិកគណបក្សថ្មីចំនួន ៤២រូប ដែលជាអតីតសមាជិកមកពីគណបក្សភ្លើងទៀន។ ពិធីនេះធ្វើឡើងក្រោមអធិបតីភាពលោក អ៊ុន ចាន់ដា សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្ត និងលោក ខ្លូត ផន អនុប្រធានប្រចាំការគណបក្សខេត្ត គណៈប្រចាំការ ប្រធាន អនុប្រធានគណបក្ស ក្រុងកំពង់ចាម ស្រុកចំការលើ និងមន្ត្រីគណបក្សពាក់ព័ន្ធមួយចំនួនទៀត។

អតីតសមាជិកគណបក្សភ្លើងទៀនទាំង៤២រូបនោះ សុទ្ធជាបេក្ខជនឈរឈ្មោះបោះឆ្នោតក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ របស់គណបក្សភ្លើងទៀន ដែលមានបេក្ខជពេញសិទ្ធិ ០៩រូប និងបម្រុង ៣៣រូប ក្នុងនោះមកពីក្រុងកំពង់ចាម ៣០រូប ស្រុកចំការលើ ០៦រូប និងស្រុកផ្សេងទៀត ០៦ រូប។

លោក អ៊ុន ចាន់ដា ប្រធានគណបក្សខេត្ត បានស្វាគមន៍ចំពោះសមាជិកថ្មីដែលមានស្មារតីភ្ញាក់រលឹកមករួមរស់ជាមួយគណបក្សប្រជាជនកម្ពុជា ដោយមើលឃើញ និងជឿជាក់ថា មានតែសម្តេចតេជោ ហ៊ុន សែន ប្រធានគណបក្សប្រជាជនកម្ពុជាតែមួយគត់ ដែលមានសមត្ថភាពគ្រប់គ្រាន់ក្នុងការដឹកនាំប្រទេសមានសុខសន្តិភាព និងការរីកចម្រើន ដែលពុំមានគណបក្សណាអាចធ្វើបាន។

លោក អ៊ុន ចាន់ដា ក៏បានស្នើឱ្យពួកគេរួមរស់ដោយរីករាយ និងស្មោះត្រង់ជាមួយគណបក្សប្រជាជនកម្ពុជា និងទៅបោះឆ្នោតជូនគណបក្សប្រជាជនកម្ពុជាឱ្យបានគ្រប់គ្នា ស្របតាមទិសស្លោក” សមាជិកគណបក្សម្នាក់ ជាសន្លឹកឆ្នោតគាំទ្រគណបក្ស១សន្លឹក” និងសូមចលនាសាច់ញាតិមិត្តភក្ត្រួទៅចូលរួមបោះឆ្នោតជូនគណបក្សប្រជាជនកម្ពុជាផងដែរ ដើម្បីគណបក្សប្រជាជនកម្ពុជាមានលទ្ធភាពបន្តដឹកនាំកសាងអភិវឌ្ឍមាតុភូមិក្នុងគន្លងសុខសន្តិភាព និងការរីកចម្រើនជាលំដាប់ ក្រោមការដឹកនាំដ៏ខ្ពង់ខ្ពស់ ប្រកបដោយកិត្តិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា៕
ដោយ ៖លោក ឡេក ចាន់ពេជ្រ

-
សេចក្ដីជូនដំណឹង១ សប្តាហ៍ ago
រៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ