នយោបាយ

ព្រះអង្គម្ចាស់ នរោត្តម ចក្រាវុធ យាងដឹកនាំហែក្បួនឃោសនានៅខេត្តកំពង់ធំ និងសៀមរាប

បានផុស

៣ years មុន

នៅ

ថ្ងៃព្រហស្បតិ៍ ២៦ ឧសភា ២០២២

ដោយ

នៅព្រហស្បតិ៍ ទី២៦ ខែឧសភា ឆ្នាំ២០២២ នេះ ដែលជាថ្ងៃទី៦ នៃការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តីទី៥នេះ ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ្វ៊ុនស៊ិនប៉ិច បានយាងចូលរួមហែក្បួនឃោសនាទ្រង់ទ្រាយធំនៅខេត្តកំពង់ធំ និងខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិចបានថ្លែងប្រាប់កម្ពុជាថ្មីនារសៀលថ្ងៃទី២៦ ខែឧសភា នេះថា នៅរសៀលនេះ ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ្វ៊ុនស៊ិនប៉ិច បានយាងដឹកនាំហែក្បួនឃោសនានៅក្រុងសៀបរាប ខេត្តសៀមរាប ដែលមានសកម្មជនចូលរួមប្រមាណ១០០០នាក់។ បើតាមលោក ញឿន រ៉ាដែន នៅថ្ងៃព្រឹកថ្ងៃនេះដែរ ព្រះអង្គបានយាងចុះជួបសួរសុខទុក្ខប្រជាពលរដ្ឋ សកម្មជន ក៏ដូចជាបេក្ខជន នៅតាមឃុំ សង្កាត់ មួយចំនួននៅខេត្តកំពង់ធំ។

សូមបញ្ជាក់ថា ថ្ងៃនេះ គឺជាថ្ងៃទី៦ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់។ ការបោះឆ្នោតនេះ នឹងប្រព្រឹត្តទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ ខាងមុខ ដោយចាប់ផ្តើមពីម៉ោង៧ ព្រឹក រហូតដល់ម៉ោង៣ រសៀល។ ក្នុងនោះមានគណបក្សនយោបាយចំនួន១៧ បានចូលរួម ហើយការឃោសនាមានរយៈពេល១៤ ថ្ងៃ ដោយចាប់ផ្តើមពីថ្ងៃទី២១ ខែឧសភា ដល់ថ្ងៃទី០៣ ខែមិថុនា ឆ្នាំ២០២២៕

ដោយ ៖ កោះកែវ