សមាសភាពថ្នាក់ដឹកនាំបក្សភ្លើងទៀន ៤៥នាក់ ចុះចូលជាមួយគណបក្សប្រជាជនកម្ពុជា

សមាភាពថ្នាក់ដឹកនាំគណបក្សភ្លើងទៀនប្រចាំខណ្ឌច្បារអំពៅ រាជធានីភ្នំពេញ បានសម្រេចចិត្តដោះសម្លៀកបំពាក់ នឹងមួករបស់គណបក្សភ្លើងទៀនចោល នៅថ្ងៃទី ២៨ ខែឧសភា ដោយចូលរួមជីវភាពនយោបាយ​ជាមួយគណបក្សប្រជាជនកម្ពុជាវិញ។

យោងតាមប្រភពពីលោក សំ សុធារី មន្ត្រីប្រចាំការណ៍ខណ្ឌច្បារអំពៅ បានឲ្យដឹងថា សមាសភាពថ្នាក់ដឹកនាំគណបក្សភ្លើងទៀនប្រចាំខណ្ឌច្បារអំពៅចំនួន៤៥នាក់បាននាំគ្នាដោះអាវនិងមួកគណបក្សរួមទាំងផ្តួលរំលំស្លាកគណបក្សភ្លើងទៀនចេញហើយថែមទាំងសម្រេចចិត្តចាកចេញពីគណបក្សភ្លើងទៀនចាប់ពីថ្ងៃនេះ និងស្ម័គ្រចិត្តចូលរួមក្នុងជីវភាពនយោបាយជាមួយគណបក្សប្រជាជនកម្ពុជា។

លោក សំ សុធារី បានបន្ថែមថា ថ្នាក់ដឹកនាំគណបក្សភ្លើងទៀនប្រចាំខណ្ឌច្បារអំពៅដែលសម្រេចចិត្តចាកចេញពីបក្សភ្លើងទៀននេះ ក្នុងនោះមានលោក ថាន់ ឃុន សារិន ជាប្រធាន លោក ឡុង រ៉ា បេក្ខភាពចៅសង្កាត់ច្បារអំពៅទី២មកពីគណបក្សភ្លើងទៀន។

លោក ថាច់ ឃុនសារិន បានអះអាងថា លោកបម្រើការនយោបាយឲ្យបក្សប្រឆាំងអស់រយៈពេល២៣ឆ្នាំមកហើយ ហើយទីតាំងដែលលោកឈរជើងគឺស្ថិតក្នុងខណ្ឌច្បារអំពៅដែលពីមុនមកគឺខណ្ឌមានជ័យរាជធានីភ្នំពេញ។ លោកបញ្ជាក់ថា «ខ្ញុំឆ្អែតនឹងសំដីភូតភររបស់មេដឹកនាំបក្សប្រឆាំងដែលសន្យាបានតែមាត់ខណៈដែលខ្លួន មិនអាចចូលស្រុកបានផង៕នរា