នយោបាយ

តើឧកញ៉ាអគ្គនាយកក្រុមហ៊ុនណាខ្លះ ចូលរួមឃោសនាបោះឆ្នោតថ្ងៃចុងក្រោយនេះ?

បានផុស

៣ years មុន

នៅ

ថ្ងៃសុក្រ ៣ មិថុនា ២០២២

ដោយ

យុទ្ធនាឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី ៥ នឹងត្រូវបិទបញ្ចប់នៅថ្ងៃទី ៣ ខែមិថុនា ឆ្នាំ ២០២២នេះហើយ។ តាំងពីព្រឹកព្រលឹម នាថ្ងៃសុក្រនេះ គណបក្សនយោបាយនីមួយៗ បានរៀបចំពិធីបិទយុទ្ធនាការឃោសនាបោះឆ្នោត ទៅតាមទីតាំង ធនធាន និងសមាជិកា-សមាជិកដែលខ្លួនមានរៀងៗ។

អ្វីជាការកត់សម្គាល់នោះ គេសង្កេតឃើញថា មានឧកញ៉ាអគ្គនាយកក្រុមហ៊ុនជាច្រើនរូប បានចូលរួមយុទ្ធនាការឃោសនាបោះឆ្នោតថ្ងៃចុងក្រោយ ជាមួយគណបក្សប្រជាជនកម្ពុជា។ ឧកញ៉ាអគ្គនាយកក្រុមហ៊ុនទាំងនោះ រួមមាន៖

-ឧកញ៉ា សួរ វីរៈ អគ្គនាយកក្រុមហ៊ុនដឹកជញ្ជូន វីរៈប៊ុនថាំ អេចប្រេស។ ឧកញ៉ា សួរ វីរៈ បានសរសេរនៅលើគណនីហ្វេសប៊ុកថា « Always with CPP»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

-ឧកញ៉ា សឿ សុវណ្ណ ស្ថាបនិកក្រុមហ៊ុនអចលនទ្រព្យ ឃុន សឿ គ្រុប។ ឧកញ៉ា សួរ វីរៈ បានសរសេរនៅលើគណនីហ្វេសប៊ុកថា «រីករាយយុទ្ធនាការបិទការឃោសនាបោះឆ្នោត សម្រាប់អាណត្តិទី៥»។

-ឧកញ៉ា ផន វណ្ណិត ប្រធានប្រឹក្សាភិបាលក្រុមហ៊ុនអចនទ្រព្យ «រាជសន្តុសិត»។ ឧកញ៉ា ផន វណ្ណិត បានសរសេរនៅលើគណនីហ្វេសប៊ុកថា «រីករាយយុទ្ធនាការបិទការឃោសនាបោះឆ្នោត សង្កាត់អាណត្តិទី ៥ អរគុណសន្តិភាព!»។

-ឧកញ៉ា ជា តុងហ៊ួរ សហស្ថាបនិកក្រុមហ៊ុន Khmer Express Realty Co., Ltd។ ឧកញ៉ាវ័យក្មេង ជា តុងហ៊ួរ បានសរសេរនៅលើគណនីហ្វេសប៊ុកថា «រីករាយយុទ្ធនាការបិទការឃោសនាបោះឆ្នោត សង្កាត់អាណត្តិទី ៥ អរគុណសន្តិភាព ថ្ងៃទី០៣ ខែមិថុនា ឆ្នាំ២០២២។ ចូលរួមទាំងអស់គ្នា បោះឆ្នោតជូន គណបក្សប្រជាជនកម្ពុជា»។

-ឧកញ៉ា យ៉ន សេងហាន អគ្គនាយកក្រុមហ៊ុន សេងហាន ឯ.ក។ ឧកញ៉ា យ៉ន សេងហាន បានសរសេរនៅលើគណនីហ្វេសប៊ុកថា «ត្រៀមខ្លួនក្នុងយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅកោះពេជ្រម៉ោង៣រសៀល!»។

-ឧកញ៉ា នឹម វណ្ណៈអគ្គនាយិការក្រមហ៊ុន ACE GROUP។ -ឧកញ៉ា នឹម វណ្ណៈ បានសរសេរនៅលើគណនីហ្វេសប៊ុកថា «CPP ឈ្នះ ឈ្នះ បោះឆ្នោតជូនគណបក្សប្រជាជនកម្ពុជា ដូចបោះឆ្នោតអោយខ្លួនយើង ទីណាមានគណបក្សប្រជាជនកម្ពុជា ទីនោះមានសន្តិភាព គណបក្សប្រជាជនកម្ពុជា តែងតែនៅជាមួយប្រជាជនជានិច្ច»៕