នយោបាយ

ថ្ងៃទី១ គ.ជ.ប ទទួលបានសម្ភារៈ ឯកសារ ដែលបម្រើឱ្យការបោះឆ្នោតពីខេត្តចំនួន៧

បានផុស

៣ years មុន

នៅ

ថ្ងៃសុក្រ ១០ មិថុនា ២០២២

ដោយ

លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា សម្រាប់ថ្ងៃទី១ ឬថ្ងៃទី១០ ខែមិថុនា នេះ គ.ជ.ប បានទទួលកញ្ចប់ “ឃ” ពិសេស ពីរាជធានីខេត្តចំនួន៧ រួមមាន៖ ខេត្តកំពង់ចាម, ខេត្តកំពត, ខេត្តព្រៃវែង, ខេត្តរតនគិរី, ខេត្តស្វាយរៀង, ខេត្តកែប និងខេត្តប៉ៃលិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅថ្ងៃស្អែក ឬថ្ងៃទី១១ ខែមិថុនា លោក សោម សូរីដា អះអាងថា គ.ជ.ប នឹងទទួលសម្ភារៈ និងឯកសារ បម្រើឱ្យការបោះឆ្នោត ពីខេត្តចំនួន៧ទៀត ដែលមាន៖ ខេត្តកំពង់ឆ្នាំង, ខេត្តកំពង់ស្ពឺ, ខេត្តកណ្តាល, រាជធានីភ្នំពេញ, ខេត្តពោធិសាត់, ខេត្តស្ទឹងត្រែង និងខេត្តតាកែវ។

សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) នឹងធ្វើការទទួលសម្ភារៈ និងឯកសារ ដែលបម្រើឱ្យកិច្ចប្រតិបត្តិការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៥ មកពីគណៈកម្មការរាជធានី ខេត្ត រៀបចំការបោះឆ្នោត (គធ.ខប) ទាំង២៥ រយៈពេល៥ ថ្ងៃ គឺចន្លោះពីថ្ងៃទី១០ ដល់ថ្ងៃទី១៤ ខែមិថុនា ឆ្នាំ២០២២ នៅឃ្លាំង គ.ជ.ប ដែលបរិវេណក្រុមហ៊ុនគ្រីនឌូដ ផ្លូវជាតិលេខ៥ សង្កាត់គីឡូម៉ែត្រលេខ៦ ខណ្ឌឫស្សីកែវ៕

ដោយ ៖ កោះកែវ