អាជ្ញាធរ​ក្រុងស្ទឹងសែន​​ថ្កោលទោស​ ទណ្ឌិត សម រង្ស៊ី​ ប្រមាថព្រះមហាក្សត្រជាច្រើនដង

អាជ្ញាធរក្រុងស្ទឹងសែន ​ខេត្តកំពង់ធំនៅថ្ងៃទី ២៧ ខែតុលានេះ​បានចេញញត្តិ​ថ្កោលទោស​យ៉ាងដាច់​អហង្ការចំពោះ ​“ជនក្បត់បីជំនាន់ សម រង្ស៊ី” ​ដែលបានបន្តប្រមាថចំពោះអង្គព្រះមហាក្សត្រ ជាទីគោរពសក្ការៈរបស់ប្រជារាស្ត្រខ្មែរ។

ញត្តិរបស់អាជ្ញាធរក្រុងស្ទឹងសែន​ជាច្រើន​មានខ្លឹមសារ​ប្រហាក់ប្រហែលគ្នាថា «​ក្នុងនាមប្រជាពលរដ្ឋខ្មែរ យើងខ្ញុំពិតជាមិនអាចទទួលយកបានជាដាច់ខាតចំពោះ​ការប្រមាថម្តង​ហើយម្តងទៀតរបស់ជនក្បត់ជាតិរូបនេះ ទៅលើអង្គព្រះមហាក្សត្របានឡើយ។ យើងខ្ញុំទាំងអស់គ្នាសូមធ្វើការប្រកាសថ្កោលទោសយ៉ាងដាច់អហង្ការចំពោះ “ជនក្បត់ជាតិ ៣ជំនាន់ សម រង្ស៊ី” ហ៊ានប្រមាថដល់អង្គព្រះមហាក្សត្រជាទីគោរពសក្ការៈ​ដ៏ខ្ពង់ខ្ពស់​បំផុត​នៃប្រ​ជារាស្ត្រខ្មែរ។ ការប្រមាថដោយចោទប្រកាន់ព្រះមហាក្សត្រនៃព្រះរាណាចក្រកម្ពុជា ព្រះប្រមុខរដ្ឋ នឹងជារដ្ឋបុរសស្នេហាជាតិដ៏ខ្ពង់ខ្ពស់​ចំផុតរបស់ប្រជាជាតិខ្មែរ គឺជាការប្រមាថដ៏ធ្ងន់ធ្ងរបំផុត ដែលមិនអាចអត់ឱនឲ្យបានជាដាច់ខាត»។

អាជ្ញាធរក្រុងស្ទឹងសែន​ក៏ប្រកាស​ដង្ហែរតាមអង្គព្រះមហាក្សត្រជានិច្ចនិរន្តរ៍ ពីព្រោះព្រះអង្គគឺជាឥស្សរជនស្នេហាជាតិកំពូល និងជាទីគោរពសក្ការៈដ៏ខ្ពង់ខ្ពស់បំផុត និងគាំទ្រចំពោះយុទ្ធនាការរបស់សម្តេចតេជោ ហ៊ុន សែន ក្នុងការកម្ចាត់ចោលនយោបាយជ្រុលនិយមរបស់ជនក្បត់ជាតិ ៣ជំនាន់ឲ្យអស់ពីកម្ពុជា ដើម្បីរក្សាសន្តិភាព ស្ថិរភាពសង្គម និងសេចក្តីសុខសាន្តរបស់ប្រជាពលរដ្ឋខ្មែរ៕

អត្ថបទ៖ ឈាង មករា