ព័ត៌មានជាតិ
ប្រធានគណបក្សមួយថា សម រង្ស៊ី និង មួរ សុខហួរ ប្រើល្បិចដដែលៗ ដើម្បីបោកប្រាស់អ្នកគាំទ្រ ដោយគ្រាន់តែប្ដូរតួសម្ដែង
ប្រធានគណបក្សយុវជនកម្ពុជាលោក ពេជ្រ ស្រស់ បានអះអាងថា លោកសម រង្ស៊ី និងលោកស្រី មួរ សុខហួរ តែងតែបោកបញ្ឆោតអ្នកគាំទ្រខ្លួន និងសាធារណៈជននូវកលល្បិចដដែលៗ ហើយពួកនោះចែកគ្នាដើរតួជា អ្នកក្លាហានចូលស្រុកខ្មែរ ប៉ុន្តែមិនដែលឃើញធ្វើតាមការសន្យាម្តងណាឡើយ។
ការលើកឡើងរបស់លោក ពេជ្រ ស្រស់ តាមរយៈលិខិតចំហររបស់ខ្លួន ដែលកម្ពុជាថ្មីទើបទទួលបាននៅថ្ងៃនេះ។
លោក ពេជ្រ ស្រស់ ឲ្យដឹងថា “មានក្រុមអ្នកនយោបាយពហុសញ្ជាតិនៅក្រៅ ប្រទេសមួយចំនួន បើនិយាយឲ្យចំទៅ គឺលោក សម រង្ស៊ី និងលោកស្រី មួរ សុខហួរ ព្រមទាំងបក្ខពួកមួយដំបរស្វាតែង តែបោកបញ្ឆោតអ្នកគាំទ្រខ្លួន និងសាធារ ណៈជន នៅកលល្បិចដដែលៗ ហើយពួកនោះចែកគ្នាដើរតួជាអ្នកក្លាហានចូលស្រុកខ្មែរ ប៉ុន្តែមិនដែលឃើញធ្វើតាមការសន្យាម្តងណាឡើយ”។
លោក ពេជ្រ ស្រស់ បានហៅលោក សម រង្ស៊ី ថាជាតួឯក និងលោកស្រី មួរ សុខហួរ ជាតួរង ដែលកំពុងបណ្ដាក់សេណារីយោគ្នា យ៉ាងស៊ីសង្វាក់ ក្នុងគោលបំណងប្រមូលលុយពីអ្នកគាំទ្រងប់ងុលរបស់ខ្លួនហើយបោកបញ្ឆោតអ្នកនៅក្នុង ស្រុកខ្មែរក្រោមប្រធានបទ ធ្វើមាតុភូមិនិវត្តន៍ ទាំងពួកនោះដឹងច្បាស់ហើយថា ការចូលទៅប្រទេសណាមួយ គឺត្រូវមានលិខិតចេញ-ចូលត្រឹមត្រូវ (VISA) តែពួកនោះគ្មាន VISA ចូលស្រុកខ្មែរទេ ថែមទាំងផាស័រខ្មែរក៏ត្រូវបានបិទទៀត។
លោក ពេជ្រ ស្រស់ ដាក់ជាសំណួរថា ”ចុះហេតុអ្វី បានជាត្រូវពួកនោះកញ្ជ្រោលខ្លាំងម៉្លេះ អំពីការចូលមកស្រុកខ្មែរនេះ ? ទង្វើនេះសបញ្ជាក់ឲ្យឃើញថា ជាទង្វើបោកប្រាស់សុទ្ធសាធ ជាពិសេសជាទង្វើធ្វើពាណិជ្ជកម្មលើអ្នកគាំទ្រ ងប់ងលមួយចំនួននិងបោកបញ្ឆោតសតិអារម្មណ៍មហាជនយ៉ាងច្រើនផងដែរ”។
ជាមួយគ្នានោះ លោក ពេជ្រ ស្រស់ បានអំពាវនាវឲ្យបងប្អូនជនរួមជាតិ ជាពិសេសបងប្អូនលង់ខ្លួនជឿអស់លោក លោកស្រីដែលមានពហុសញ្ជាតិទាំងនោះ ត្រូវភ្ញាក់រលឹកឡើង ពីព្រោះថា លោក សម រង្ស៊ី និងលោកស្រី មូរ សុខហួរ កំពុងតែបោកប្រាស់បងប្អូនដោយមិនអាចប្រកែកបានឡើយ ដូច្នេះពួកលោក សម រង្ស៊ី និងលោកស្រី មួរ សុខហួរ ព្រមទាំងបក្ខពួក គឺគ្មានថ្ងៃបន្តជីវិតនយោបាយបានទៀតឡើយ។
លោកស្រី មួរ សុខហួរ និងអ្នកស្ម័គ្រស្មោះមួយចំនួន បានរៀបចំឆាកល្ខោនមួយដោយអះអាងថា នឹងធ្វើដំណើរមកប្រទេសកម្ពុជា ដោយចាកចេញពីសហរដ្ឋអាមេរិកនៅថ្ងៃទី១៥ ហើយនឹងមកដល់ប្រទេសកម្ពុជានៅថ្ងៃទី១៧ ខែមករា ប៉ុន្តែនៅពេលដល់ព្រលានយន្តហោះអន្តរជាតិ Los Angeles នាទីក្រុង los angeles រដ្ឋ california ខាងក្រុមហ៊ុនយន្តហោះមិនអនុញ្ញាតឲ្យឡើងយន្តហោះទេដោយសារទៅគ្មានឯកសារផ្លូវច្បាប់គ្រប់គ្រាន់ និយាយរួមគឺអត់ visa ប៉ុន្តែគេដឹងច្បាស់ហើយថា ក្រុមហ៊ុនអាកាសចរណ៍ និងមិនអនុញ្ញាតឲ្យឡើងយន្តហោះទេ បើគ្មាន visa នេះ ប៉ុន្តែដើម្បីបោកប្រាស់ក្រុមអ្នកជ្រុលនិយមនៅសហរដ្ឋអាមេរិក ក៏ដូចជានៅប្រទេសកម្ពុជានោះ លោកស្រីបានខិតខំសម្ដែងឈុតឆាកដ៏គួរឱយអស់សំណើចនៅក្នុងព្រលានយន្តហោះ ដើម្បីឲ្យអ្នកគាំទ្រជឿជាក់លើខ្លួនថា ជាមនុស្សក្លាហានក្នុងការត្រឡប់មកប្រទេសកម្ពជា។
ឈុតឆាកដ៏អស់សំណើចរបស់លោកស្រី មួរ សុខហួរ នេះត្រូវបានអ្នកតាមដាននយោបាយក៏ដូចជាអ្នកវិភាគនយោបាយបានអះអាងថា វាគ្រាន់តែជាការបង្កើតព្រឹត្តិការណ៍មួយ ដើម្បីអោយមនុស្សជ្រុលនិយមមួយចំនួនចាប់អារមមណ៍មកលើខ្លួន ហើយឧបត្ថម្ភលុយកាក់ដើម្បីបានស៊ីចាយនៅក្រៅប្រទេសតែប៉ុណ្ណោះ៕
កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ