នយោបាយ
តំណាងគណបក្សប្រជាជនកម្ពុជា ពេញចិត្តលេខរៀងទី ១៨ នៅលើសន្លឹកឆ្នោត
តំណាងគណបក្សប្រជាជនកម្ពុជា បានបង្ហាញការពេញចិត្តក្រោយគណបក្សរបស់ខ្លួន ទទួលបានលេខរៀងទី ១៨លើសន្លឹកឆ្នោត។ ការបង្ហាញការពេញចិត្តបែបនេះ បន្ទាប់ពីគណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី ២៩ ខែឧសភានេះ បានរៀបចំពិធីចាប់ឆ្នោត ដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោត នៅលើសន្លឹកឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី ៧ ឆ្នាំ ២០២៣។

ពិធីនេះ ធ្វើឡើងក្រោមព្រះរាជាអធិបតីភាពសម្ដេចព្រះសង្ឃរាជទាំងពីរគណៈ និងក្រោមអធិបតីភាពលោក ប្រាជ្ញ ចន្ទ ប្រធាន គ.ជ.ប ព្រមទាំងមានការចូលរួមពីក្រសួង-ស្ថាប័នពាក់ព័ន្ធ តំណាងគណបក្សនយោបាយ តំណាងអង្គការ-សមាគម ព្រមទាំងអ្នកសារព័ត៌មានជាច្រើនរូបទៀត។ ជាលទ្ធផលបង្ហាញថា គណបក្សប្រជាជនកម្ពុជា ទទួលបានលេខរៀងទី ១៨ នៅលើសន្លឹកឆ្នោត។

លោក អ៊ុក គឹមហាន តំណាងគណបក្សប្រជាជនកម្ពុជា មានប្រសាសន៍ប្រាប់អ្នកសារព័ត៌មាននៅ គ.ជ.ប ថា លោកពេញចិត្តចំពោះលេខរៀងទី ១៨ ដែលគណបក្សប្រជាជនកម្ពុជាទទួលបាន ក្រោយការចាប់ឆ្នោតនៅពេលនេះ។ ប៉ុន្តែអ្វីដែលសំខាន់នោះ គឺប្រជាពលរដ្ឋខ្មែរនៅទូទាំងប្រទេស បានស្គាល់អំពីឡូហ្គោរបស់គណបក្សប្រជាជនកម្ពុជា។
តំណាងគណបក្សប្រជាជនកម្ពុជា មានប្រសាសន៍បែបនេះថា «ខ្ញុំពេញចិត្ត ទោះស្ថិតនៅកន្លែងណា ក៏ខ្ញុំពេញចិត្តដែរ ព្រោះវាសំខាន់ដូចខ្ញុំបញ្ជាក់អញ្ចឹង គឺប្រជាពលរដ្ឋ លោកស្គាល់ លោកដឹង ឡូហ្គោហ្នឹង (ឡូហ្គោគណបក្សប្រជាជនកម្ពុជា) លោកគូសទៅ វាអត់ខុសទេ»។
លោក អ៊ុក គឹមហាន បានបញ្ជាក់ថា ក្រោយពីទទួលបានលេខរៀងទី ១៨ នៅលើសន្លឹកឆ្នោតហើយ គឺក្រុមការងារគណបក្សប្រជាជនកម្ពុជាគ្រប់លំដាប់ថ្នាក់ នឹងចុះជម្រាបជូនប្រជាពលរដ្ឋម្ចាស់ឆ្នោតដល់មូលដ្ឋាន ជាពិសេសនៅក្នុងអំឡុងពេលនៃយុទ្ធនាការឃោសនាបោះឆ្នោត ចាប់ពីថ្ងៃទី ១ ខែកក្កដា ឆ្នាំ ២០២៣តទៅ។
សូមជម្រាបថា ការបោះឆ្នោតជ្រើសតាំង តំណាងរាស្រ្ដ នីតិកាលទី ៧ នឹងប្រព្រឹត្តទៅនៅថ្ងៃអាទិត្យ ទី ២៣ ខែកក្កដា ឆ្នាំ២០២៣។ គណបក្សប្រជាជនកម្ពុជា បានចុះបញ្ជីគណបក្សនយោបាយឈរឈ្មោះបោះឆ្នោត នៅគ្រប់មណ្ឌលបោះឆ្នោតទាំង ២៥រាជធានី-ខេត្ត ដែលមាន ១២៥លើ ១២៥អាសនៈ ហើយមានបេក្ខជនសរុប ២៧៤រូប៕
អត្ថបទ៖ ឃួន សុភ័ក្រ


-
ព័ត៌មានអន្ដរជាតិ១៥ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?