Connect with us

នយោបាយ

សម្ដេច ហ៊ុន ម៉ាណែត៖ កម្ពុជា មិនអនុញ្ញាតឱ្យមានមូលដ្ឋានយោធាបរទេសនៅលើទឹកដីរបស់ខ្លួនឡើយ

បានផុស

នៅ

ថ្លែងចេញពីមហាសន្និបាត លើកទី៧៨ របស់អង្គការសហ​ប្រជាជាតិ នៅទីក្រុងញូយ៉ក សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអះអាងយ៉ាងច្បាស់នូវគោលជំហរក្នុងការមិនអនុញ្ញាតជាដាច់ខាតការតាំងមូលដ្ឋានទ័ពបរទេសនៅលើទឹកដីរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសុន្ទរកថាមានរយៈពេលប្រមាណ១៥នាទី សម្ដេចធិបតី ហ៊ុន ម៉ាណែត បានថ្លែងថា កម្ពុជានឹងបន្ដដើរលើមាគ៌ានយោបាយការបរទេសឯករាជ្យ អព្យាក្រឹត ផ្អែកលើ​វិធាន​ច្បាប់ គោរពគ្នាទៅវិញទៅមកដោយស្មើភាព និងប្រកាន់ខ្ជាប់គោលការណ៍ធម្មនុញ្ញអង្គការ​សហ​ប្រជាជាតិ ដើម្បីលើកកម្ពស់ផលប្រយោជន៍ជាតិ ពង្រឹងមិត្តភាពមានស្រាប់ និងកសាង​មិត្តភាពបន្ថែមទៀត។ សម្ដេចធិបតី ហ៊ុន ម៉ាណែត ក៏បានប្រកាសប្រឆាំងជាដាច់ខាតចំពោះការគំរាមប្រើប្រាស់ ឬការប្រើប្រាស់កម្លាំង​ក្នុង​ទំនាក់ទំនងអន្ដរជាតិ ការជ្រៀតជ្រែកកិច្ចការផ្ទៃក្នុង និងការឈ្លានពានរដ្ឋឯករាជ្យណាមួយ។

នៅចំពោះមុខលោកប្រធានមហាសន្និបាត និងលោកអគ្គលេខាធិការអង្គការសហប្រជាជាតិ ក៏ដូចជាមេដឹកនាំនៃរដ្ឋជាសមាជិក សម្ដេចធិបតី ហ៊ុន ម៉ាណែត បានថ្លែងអះអាងយ៉ាងច្បាស់ថា៖ «កម្ពុជា មិនអនុញ្ញាតឱ្យមានមូលដ្ឋានយោធាបរទេសនៅលើទឹកដីរបស់ខ្លួន ដូចមានចែងច្បាស់​ក្នុង​រដ្ឋធម្មនុញ្ញ»។ ក្នុងន័យនេះ សម្ដេចនាយករដ្ឋមន្ត្រី ចង់បញ្ជាក់ថា កម្ពុជា មិនអនុញ្ញាតឱ្យប្រទេសណាមួយ ឬក្រុមណាមួយ ប្រើប្រាស់ទឹកដីកម្ពុជាប្រឆាំង​នឹងប្រទេសផ្សេងទៀតឡើយ។ សម្ដេច សង្កត់ធ្ងន់ថា កម្ពុជា នឹងខិតខំបន្ថែមទៀតក្នុងការពង្រឹង និងពង្រីកកិច្ចសហ​ប្រតិ​បត្តិការល្អជាមួយប្រជាជាតិទូទាំងពិភពលោក តាមរយៈក្របខណ្ឌទ្វេភាគី តំបន់ និងអន្ដរជាតិ ដើម្បី​រួមចំណែកដល់សន្ដិភាព សន្ដិសុខ ស្ថិរភាព ការអភិវឌ្ឍប្រកបដោយចីរភាព និងវិបុលភាព​រួមរបស់ពិភពលោក។

ដើម្បីសម្រេចបាន​​គោល​ដៅអភិវឌ្ឍន៍ប្រកបដោយចីរភាព សម្ដេចធិបតី ហ៊ុន ម៉ាណែត បានអំពាវនាវឱ្យសហគមន៍អន្ដរជាតិបង្កើន​កិច្ចខិត​ខំប្រឹងប្រែងពង្រឹងកិច្ចសហប្រតិបត្តិការ ការកសាងទំនុកចិត្ត និងភាពជឿជាក់ឡើងវិញ ដើម្បី​បញ្ចប់​សង្គ្រាម ដោះស្រាយឫសគល់នៃជម្លោះ ហើយពង្រឹងសាមគ្គីភាពសកលឡើងវិញ។

ក្នុងនាមជាប្រទេសបញ្ជូនកងទ័ពមួកខៀវ សម្ដេចធិបតី បានលើកឡើងថា កម្ពុជាគាំទ្រយ៉ាងពេញទំហឹងការបង្កើនជំនួយ​អភិវឌ្ឍន៍​ផ្លូវការ (ODA) សម្រាប់ទ្រទ្រង់សកម្មភាពកសាងសន្ដិភាព ហើយកម្ពុជា មានការប្ដេជ្ញាចិត្តខ្ពស់ចំពោះ​ប្រតិបត្តិការរក្សាសន្ដិភាពនេះ ដើម្បីរួមចំណែកដល់សន្ដិភាព សន្ដិសុខ និងស្ថិរភាពអន្ដរជាតិ ដែលជា​កត្តា​ចាំបាច់សម្រាប់ការអភិវឌ្ឍប្រកបដោយចីរភាព៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

មាស
ព័ត៌មានអន្ដរជាតិ៩ នាទីutes មុន

ធនាគារ Citi៖ តម្លៃមាសអាច​កើនដល់ ៣០០០ ដុល្លារ/អោន ឆ្នាំនេះ

ព័ត៌មានជាតិ២ ម៉ោង មុន

មន្ត្រីជាន់ខ្ពស់ ក្រើនរំលឹកយុវជនមកពីគ្រួសារក្រីក្រ និងងាយរងហានិភ័យ បង្កើនការចុះឈ្មោះចូលរៀនជំនាញដោយឥតគិតថ្លៃ

លោក សាយ សំអាល់
ព័ត៌មានជាតិ២ ម៉ោង មុន

រដ្ឋមន្ត្រីដែនដី​ អះអាងថា ក្បាលដីនៅសល់៥០ម៉ឺនក្បាលដីទៀត និងចុះបញ្ចប់នៅឆ្នាំ២០២៦ខាងមុខ

ព័ត៌មានជាតិ២ ម៉ោង មុន

សម្តេច ម៉ែន សំអន អរគុណក្រុមគ្រូពេទ្យស្ម័គ្រចិត្ត (CHPAA) ដែលព្យាបាលជំងឺជូនពលរដ្ឋ នៅកម្ពុជា ដោយឥតគិតថ្លៃ

ជីវិតកម្សាន្ដ២ ម៉ោង មុន

យុវតី សំនៀងស្រដៀងរាជិនីសំឡេងសារិកាមាស ធ្លាប់ប្រឡងកម្មវិធី The Kids Cambodia រដូវកាលទី២

Sokha Hotels

ព័ត៌មានពេញនិយម