នយោបាយ
អនុប្រធាន និងជាអ្នកនាំពាក្យបក្សសម្ព័ន្ធដើម្បីប្រជាធិបតេយ្យ ប្រកាសលាឈប់ពីសមាជិក និងតំណែងទាំងអស់នៅក្នុងបក្ស
អនុប្រធាន និងជាអ្នកនាំពាក្យរបស់គណបក្សសម្ព័ន្ធដើម្បីប្រជាធិបតេយ្យ ហៅកាត់ LDP លោក អ៊ី សាំងឡេង បានប្រកាសលាឈប់ពីសមាជិក និងតំណែងទាំងអស់ក្នុងគណបក្ស។ នេះបើតាមលិខិតប្រកាសលាឈប់របស់លោក អ៊ី សាំងឡេង ផ្ញើទៅកាន់ប្រធានគណបក្សសម្ព័ន្ធដើម្បីប្រជាធិបតេយ្យ នារសៀលថ្ងៃទី១៣ ខែមិថុនា ឆ្នាំ២០២៤នេះ។
បើតាមលិខិតប្រកាសលាឈប់ដែលបង្ហោះនៅលើគណនីហ្វេសប៊ុកផ្ទាល់ខ្លួនលោក អ៊ី សាំងឡេង នៅថ្ងៃនេះ គឺលោកមិនបានបញ្ជាក់ឱ្យដឹងពីមូលហេតុនៃការលាឈប់របស់លោកនេះឡើយ។ លិខិតនោះ គ្រាន់តែសរសេរដូច្នេះថា៖«សូមប្រកាសលាឈប់ពីសមាជិក និងតួនាទីទាំងអស់នៅក្នុងគណបក្សសម្ព័ន្ធដើម្បីប្រជាធិបតេយ្យ»។
ជាការកត់សម្គាល់ មួយរយៈនេះ ទំនាក់ទំនងលោក អ៊ី សាំងឡេងជាមួយលោក ខឹម វាសនា ដែលជាប្រធានគណបក្ស និងសមាជិកមួយចំនួនទៀត មានភាពរកាំរកូសជាបន្តបន្ទាប់។ លោក ខឹម វាសនា និងលោក អ៊ី សាំងឡេង ក៏លែងមានរូបភាពបង្ហាញពីភាពស្និតស្នាលនឹងគ្នាយូរគួរសមហើយដែរដែលធ្វើឱ្យមានងឿងឆ្ងល់ និងមន្ទិលសង្ស័យពីភាពបែកបាក់គ្នានៃថ្នាក់ដឹកនាំគណបក្សសម្ព័ន្ធដើម្បីប្រជាធិបតេយ្យ ហៅកាត់ LDP។ ម្តងម្តាល គេសង្កេតឃើញលោក ខឹម វាសនា បានសរសេរផុសនៅលើហ្វេសប៊ុករបស់លោកនិយាយដល់លោក លោក អ៊ី សាំងឡេង និងសមាជិកបក្សមួយចំនួនទៀត ដែលមានន័យហាក់ដូចជាពួកគេកំពុងឆ្ងាយ ឬដើរផ្លូវផ្សេងពីរូបលោកដែលកំពុងស្នាក់នៅជាមួយសមាជិក និងអ្នកគាំទ្រមួយចំនួននៅដីចម្ការមួយកន្លែងនៅក្នុងខេត្តសៀមរាប។
ប៉ុន្តែ បញ្ហាក្បាលម៉ាស៊ីនគណបក្សសម្ព័ន្ធដើម្បីប្រជាធិបតេយ្យនេះ ត្រូវបានទម្លាយឱ្យដឹងនៅថ្ងៃទី០៦ ខែមិថុនា កន្លងទៅ។ លោក អ៊ី សាំងឡេង ដែលជាមនុស្សសំខាន់ម្នាក់នៅក្នុងគណបក្ស និងដែលបានបាត់យូរក្រែលហើយដែរ បានចេញមកនិយាយពីបញ្ហាគណបក្សសម្ព័ន្ធដើម្បីប្រជាធិបតេយ្យ និងទំនាក់ទំនងរវាងរូបលោក និងលោក ខឹម វាសនា តាមរយៈការផ្សាយផ្ទាល់នៅលើគណនីហ្វេសប៊ុក។ នៅក្នុងការផ្សាយផ្ទាល់រយៈពេលប្រមាណ១ម៉ោងនោះ លោក អ៊ី សាំងឡេង និយាយពីបញ្ហាដែលរូបលោកជំពាក់ថវិកាជាមួយសកម្មជនគណបក្សសម្ព័ន្ធ ដើម្បីប្រជាធិបតេយ្យ, បញ្ហាលោក ខឹម វាសនា ធ្លាក់ខ្លួនឈឺ និងការបញ្ជូនទៅព្យាបាលនៅក្រៅប្រទេស, ការចោទពីសំណាក់សកម្មជនបក្ស ថារូបលោក ចង់ដណ្ដើមអំណាចធ្វើជាប្រធានគណបក្ស ស្របពេលលោក ខឹម វាសនា ធ្លាក់ខ្លួនឈឺ និងកំពុងព្យាបាលជំងឺ និងបញ្ហាសេដ្ឋកិច្ចក្នុងគណបក្សដែលស្ថិតក្នុងតំបន់ភ្នំគូលែន និងបញ្ហាខ្វែងគំនិតគ្នាមួយចំនួនទៀតជាដើម។
ក្រោយការផ្សាយផ្ទាល់នេះ លោក ខឹម វាសនា ក៏បានប្រើប្រាស់ទំព័រហ្វេសប៊ុកដង្ហោយហៅលោក អ៊ី សាំងឡេង ឱ្យទៅជួប ឬក៏លោកមកជួបក៏បាន ដើម្បីជជែកឱ្យយល់គ្នា និងដោះស្រាយបញ្ហាទាំងឡាយ។ ប៉ុន្តែ មិនឃើញមានការជួបជជែកគ្នាដោយផ្ទាល់ណាមួយកើតឡើងនោះទេ ស្រាប់តែនៅពេលនេះ លោក អ៊ី សាំងឡេង បានប្រកាសលាឈប់ពីសមាជិក និងតំណែងទាំងអស់ក្នុងគណបក្សតែម្តង៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ