នយោបាយ
នាយករដ្ឋមន្ត្រីផ្ញើសាររំលែកទុក្ខចំពោះសោកនាដកម្មភ្លើងឆេះព្រៃនៅរដ្ឋកាលីហ្វ័រញ៉ា
នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានផ្ញើសារលិខិតមួយច្បាប់ជូនប្រធានាធិបតីអាមេរិក Joe Biden ចូលរួមរំលែកទុក្ខ និងក្ដីអាណិតអាសូរដល់ពលរដ្ឋអាមេរិកដែលបានរងគ្រោះពីភ្លើងឆេះព្រៃនៅក្នុងទីក្រុង Los Angeles នៃរដ្ឋកាលីហ្វ័រញ៉ា។
ក្នុងលិខិតចុះថ្ងៃទី១១ មករា ឆ្នាំ២០២៥ សម្ដេចធិបតី ហ៊ុន ម៉ាណែត ថាស្ថានភាពភ្លើងឆេះព្រៃនៅរដ្ឋកាលីហ្វ័រញ៉ាដើមឆ្នាំនេះជាសោកនាដកម្ម និងការបំផ្លាញដ៏ធំធេង ដែលធ្វើឱ្យប៉ះពាល់ដល់អាយុជីវិតមនុស្ស ហើយមនុស្សរាប់ពាន់នាក់ត្រូវបានជម្លៀសចេញពីផ្ទះសម្បែង និងសហគមន៍របស់ពួកគេ។

សម្ដេចថា៖ «ក្នុងឱកាសដ៏ក្រៀមក្រំនេះ ខ្ញុំសូមចូលរួមរំលែកទុក្ខយ៉ាងក្រៀមក្រំក្នុងនាមរាជរដ្ឋាភិបាលកម្ពុជា ចំពោះក្រុមគ្រួសារនៃសព និងតាមរយៈលោកប្រធានាធិបតី ជូនចំពោះប្រជាជនសហរដ្ឋអាមេរិក ជាពិសេសអ្នកដែលរងគ្រោះដោយផ្ទាល់ដោយគ្រោះមហន្តរាយដ៏សោកនាដកម្មនេះ»។
សម្ដេចនាយករដ្ឋមន្ត្រីជឿជាក់ថាសហរដ្ឋអាមេរិកនិងយកឈ្នះលើបញ្ហានេះ ហើយនឹងរឹងមាំជាងពេលណាទាំងអស់។
គិតត្រឹមព្រឹកថ្ងៃចន្ទទី១៣ ខែមករា ឆ្នាំ២០២៥ ចំនួនមនុស្សស្លាប់ដោយសារវិនាសកម្មភ្លើងឆេះព្រៃនៅទីក្រុង Los Angeles បានកើនដល់២៤នាក់ហើយ ប៉ុន្តែមន្ត្រីក្នុងតំបន់ព្រមានថា តួលេខអាចហក់ឡើងជាបន្តទៀត។

អ្នកនាំពាក្យក្រសួងការបរទេសកម្ពុជាលោក ជុំ សន្ទរី បានប្រាប់កម្ពុជាថ្មីកាលពីចុងសប្ដាហ៍មុនថាមិនមានជនជាតិខ្មែរណាម្នាក់រងគ្រោះពីឧបទ្ទវហេតុនេះទេ ខណៈនិស្សិត៣នាក់ដែលកំពុងសិក្សានៅទីក្រុង Santa Monica ត្រូវបានអាជ្ញាធរអាមេរិកជម្លៀសចេញទៅទីតាំងសុវត្ថិភាព។
ជនជាតិខ្មែរនៅរដ្ឋកាលីហ្វ័រញ៉ាមានជាង៣០ម៉ឺននាក់ ភាគច្រើនរស់នៅទីក្រុងឡុងប៊ិចមិនរងផលប៉ះពាល់ពីភ្លើងឆេះព្រៃនេះទេ។

ពេលនេះ អគ្គិភ័យនៅ Los Angeles បានឆាបឆេះលើផ្ទៃដីសរុប ១៥ ៧៨២ហិកតាហើយ ដោយបំផ្លាញសំណង់អគារនិងផ្ទះសម្បែងជាង ១២ ០០០ខ្នង និងជំរុញឲ្យមនុស្ស ១៨០ ០០០នាក់ ត្រូវជម្លៀសខ្លួន។
ក្នុងនោះភ្លើងឆេះព្រៃ Palisades គឺជាអគ្គិភ័យឆេះមុនគេនិងមានទំហំធំជាងគេបង្អស់ ពោលគឺវាចាប់ផ្តើមកាលពីថ្ងៃទី៧ខែមករា ក្នុងតំបន់Pacific Palisades ហើយឥឡូវ វាបានឆាបឆេះដុតកម្ទេចលើផ្ទៃដី ៩ ៥១០ហិកតា ខណៈក្រុមពន្លត់ទើបគ្រប់គ្រងបាន១១%ប៉ុណ្ណោះ៕
អត្ថបទដោយ ហ៊ុន សិរីវឌ្ឍន៍


-
ព័ត៌មានអន្ដរជាតិ១៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?