គណបក្សប្រជាជនកម្ពុជារៀបចំសន្និបាតគណៈកម្មាធិការកណ្តាលលើកទី៤៥ អាណត្តិទី៥

គណបក្សប្រជាជនកម្ពុជា​បាន​រៀបចំសន្និបាតគណៈកម្មាធិការកណ្ដាលរបស់ខ្លួនលើទី៤៥ អាណិត្តិទី៥ ព្រឹកថ្ងៃទី២៥ ខែមករា ឆ្នាំ២០២៤នេះ ដោយមានការចូលរួមពីប្រធានគណបក្សសម្ដេចតេជោ ហ៊ុន សែន និងប្រធានកិត្តិយស សម្ដេចពញាចក្រី ហេង សំរិន ផងដែរ។

សន្និបាតគណៈកម្មាធិការកណ្តាលគណបក្ស លើកទី៤៥ អាណត្តិទី៥ មានរយៈពេលពីរថ្ងៃនៅវិមាន៧មករា រាជធានីភ្នំពេញ។

គួរឱ្យដឹងដែរថាសន្និបាតគណៈកម្មាធិការកណ្តាលគឺជាកិច្ចប្រជុំដ៏ធំប្រចាំឆ្នាំរបស់គណបក្សប្រជាជនកម្ពុជាដើម្បីកំណត់នូវយុទ្ធសាស្ត្រ និងកិច្ចការពាក់ព័ន្ធរបស់បក្សក្នុងការដឹកនាំបន្ត។

ក្នុងអង្គសន្និបាតលើកទី៤៤ កាលពីឆ្នាំ២០២៣ គណបក្សបានសម្រេចបោះឆ្នោតជ្រើសរើសតាំងសម្ដេចមហាបវរធិបតី ហ៊ុន ម៉ាណែត ជាអនុប្រធានគណបក្ស នឹងបានបន្ថែមសមាជិកគណៈកម្មាធិការកណ្ដាលចំនួន៤៩៦នាក់ ដែលធ្វើឱ្យ គណៈកម្មាធិការកណ្តាលគណបក្សប្រជាជនកម្ពុជាបច្ចុប្បន្នមានសមាជិកសរុបរហូតដល់ ១ ៣១២រូប៕

អត្ថបទដោយ ហ៊ុន សិរីវឌ្ឍន៍