Connect with us

នយោបាយ

ប្រធានរដ្ឋសភាថា សន្ដិភាពនាំឱ្យស្ត្រីទទួលបានការគោរពនិងមានតួនាទីក្នុងសង្គម

បានផុស

នៅ

ប្រធានរដ្ឋសភាកម្ពុជា សម្ដេចសភាធិការធិបតី ឃួន សុដារី ថាការរក្សាបាននូវសន្ដិភាពក្នុងប្រទេសបានផ្ដល់ជូនស្ត្រីកម្ពុជាបច្ចុប្បន្នទទួលបានឱ្យតម្លៃ មានសិទ្ធិសេរីភាព ការគោរព និងមានឋានៈក្នុងសង្គម។ សម្ដេចថ្លែងបែបនេះក្នុងជំនួបជាមួយប្រតិភូសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មានព្រឹកថ្ងៃទី៦ ខែមីនា ឆ្នាំ២០២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបនោះសម្ដចសភាធិការធិបតី ឃួន សុដារី បានរម្លឹកថាការលើកកម្ពស់សិទ្ធិនារី ការផ្តល់ភាពអង់អាចជូនដល់ស្រ្តីនិងកុមារី ត្រូវបានអនុវត្តនៅកម្ពុជាតំាងពីក្រោយថ្ងៃរំដោះ៧មករាឆ្នាំ១៩៧៩មក ដោយសម្តេចតេជោ ហ៊ុន សែន បានចាត់ទុកស្រ្តីជាឆ្អឹងខ្នងសេដ្ឋកិច្ច ជួយស្រ្តីគឺជួយខ្លួនឯង ដូច្នេះហើយទើបក្រោយពេលដែលប្រទេសមានសន្ដិភាពសិទ្ធិស្ត្រី និងការផ្ដល់ឋានៈតួនាទី ត្រូវបានបង្កើនឡើងជាបន្តបន្ទាប់។

សម្ដេចថា៖ «តួនាទីនិងឋានៈរបស់ស្រ្តីនៅក្នុងសង្គមផ្សារភ្ជាប់ជាមួយស្ថានភាពនយោបាយរបស់សង្គមជាតិនីមួយៗ។ សង្គមជាតិមានសន្តិភាព ស្រ្តីមានសិទ្ធិ មានសេរីភាពនិងទទួលបានឋានៈនៅក្នុងសង្គម។ បើសង្គមជាតិជួបសង្រ្គាមគឺបាត់បង់សិទ្ធិទំាងអស់ សូម្បីសិទ្ធិជាមូលដ្ឋាននៃការរស់រានមានជីវិតក៏គ្មានដែរ»។

ប្រធានរដ្ឋសភាក៏បានបង្ហាញនូវការពេញចិត្តចំពោះរដ្ឋាភិបាលនីតិកាលទី៧ របស់សម្ដេចធិបតី ហ៊ុន ម៉ាណែត ផងដែរដែលមានឆន្ទៈក្នុងការដឹកនាំកម្ពុជាសម្រេចបាននូវគោលដៅអភិវឌ្ឍន៍ឆ្នាំ២០៣០និងឆ្នាំ២០៥០ បានផ្តល់អាទិភាពខ្ពស់ដល់ការលើកកម្ពស់សិទ្ធិ និងសមភាពស្រ្តី ដូចបានកំណត់ក្នុងយុទ្ធសាស្រ្តបញ្ចកោណដំណាក់កាលទី១។

របាយការណ៍ក្រសួងមុខងារសាធារណៈឆ្នាំ២០២៤កម្ពុជាមានមន្ត្រីរាជការសរុបជាង២២ម៉ឺននាក់ ក្នុងនោះមានស្ត្រីជាង៩ម៉ឺននាក់ដែលស្មើនឹង៤២ភាគរយ ដោយស្ត្រីជាង១ម៉ឺននាក់ត្រូវបានបម្រើការងារក្នុងតួនាទីសម្រេចចិត្តនៅថ្នាក់ជាតិ និងក្រោមជាតិ។

គួរឱ្យដឹងដែរថា កម្ពុជាបានបិទបញ្ចប់សង្គ្រាមហែកហួរគ្នាជាង៥០០ឆ្នាំក្នុងប្រវត្តិសាស្ត្រនៅថ្ងៃទី២៩ ខែធ្នូ ឆ្នាំ១៩៩៨ ក្រោមនយោបាយឈ្នះឈ្នះរបស់សម្ដេចតេជោ ហ៊ុន សែន ដែលនាំសន្ដិភាពពេញលេញរហូតមកដល់សព្វថ្ងៃនេះ។ ជានិច្ចជាកាលរដ្ឋាភិបាលតែងតែប្រកាសការពារនូវសន្តិភាពដែលរកបានដោយលំបាកនេះឱ្យខានតែបាន ទោះក្នុងតម្លៃណាក៏ដោយ ដើម្បីភាពសុខសាន្ត ការរីកចម្រើនរបស់ប្រជាជន និងប្រទេសជាតិ៕

អត្ថបទដោយ ហ៊ុន សិរីវឌ្ឍន៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ២០ វិនាទី មុន

ប្រធានរដ្ឋសភាថា សន្ដិភាពនាំឱ្យស្ត្រីទទួលបានការគោរពនិងមានតួនាទីក្នុងសង្គម

ករុណា ពេជ្រ
ជីវិតកម្សាន្ដ២២ វិនាទី មុន

ករុណា ពេជ្រ ត្រៀមយកបទ “តែងសេចក្តីអំពីពុក” បង្ហាញជាថ្មីថ្ងៃ ៨ មីនា ជាការលើកតម្លៃស្ត្រីគ្រប់រូប

ព័ត៌មានជាតិ៩ នាទីutes មុន

សមាគមធុរកិច្ចធំៗ​ពីរចាប់ដៃគ្នាដើម្បីលើកកម្ពស់​វិស័យ GFT និងភស្តុភារកម្មនៅកម្ពុជា

ព័ត៌មានអន្ដរជាតិ១៤ នាទីutes មុន

​​កង​​ទ័ព​យោធាមីយ៉ាន់ម៉ានិងចលនា​​តស៊ូ​បង្កើន​ការ​​ប្រយុទ្ធ​ដណ្តើម​កាន់កាប់តំបន់កំពង់ផែ​វិនិយោគ​​ដោយ​ចិន​​

ព័ត៌មានជាតិ១៥ នាទីutes មុន

សម្តេច ម៉ែន សំអន ៖ ស្ត្រីនៅគ្រប់អង្គភាព ពិតជាបានចូលរួមចំណែកយ៉ាងសំខាន់ ដើម្បីសម្រេចនូវសមិទ្ធផល និងជោគជ័យថ្មីៗ របស់ក្រសួង

Sokha Hotels

ព័ត៌មានពេញនិយម