អាជីព
ប្រភេទបុគ្គលិក៥យ៉ាង ដែលពូកែយ៉ាងណាគង់តែមេដឹកនាំចង់ដកចោល
កុំឆ្ងល់ថា ហេតុអ្វីយើងពូកែជាងអ្នកដទៃតែមិនសូវមានការធ្វើជាប់លាប់? កុំឆ្ងល់ថាហេតុអ្វីយើងឆ្លាតណាស់ដែរតែគ្មានការឲ្យតម្លៃស្មើកម្រិតមួយដែលយើងគិតថាយើងកំពុងមាន?
ពិនិត្យសិន យើងមានចំណុចទាំងប៉ុន្មាននេះដែរអត់?
១ ការងារមិនដែលបន្សល់ទុកលទ្ធផល
![](https://www.kampucheathmey.com/wp-content/uploads/2021/04/wcms_650467.png)
មនុស្សខ្លះពូកែណាស់ដែរ តែក្នុងជីវិតមិនមានលទ្ធផលទេ ព្រោះពូកែតែមិនព្យាយាម ឬព្យាយាមមិនត្រូវក្បួន អាចមួយទៀតគឺធ្វើការចង់បានលទ្ធផលបណ្តោះអាសន្នដែលច្រើនតែលុបបាត់ទៅតាមពេលវេលា បានជាពិបាកនឹងទទួលបានការឲ្យតម្លៃខ្ពស់។ ម្យ៉ាងវិញទៀតអ្នកខ្លះពូកែដែរតែច្រើនមានលេសមកទម្រន់ ឬដកឃ្លាខ្លាចធ្វើលើសកម្រៃក៏គង់តែគ្មានមេដឹកនាំណាគេពេញចិត្តចង់បានឱ្យនៅជាមួយនោះដែរ។
២ គ្មានភាពស្មោះត្រង់
ទម្លាប់និយាយកុហកសូម្បីរឿងតូចល្អិត រហូតដល់រឿងធំ ។ មនុស្សកុហកជាមនុស្សដែលពិបាកទទួលយកណាស់ក្នុងសង្គមការងារ។ មេដឹកនាំមិនដែលមានពេលមកតាមដានឬរុករកការពិតទេ ។យកមនុស្សកុហកមកនៅក្បែរខ្លួនមានតែរវល់អំពល់អត់ប្រយោជន៍ថែម។
៣ ច្រណែនមើលបំណាំ
មនុស្សច្រណែន ដំបូងច្រណែនមនុស្សប្រហែលគ្នា ក្រោយឡើងចេះច្រណែនសូម្បីមេកោយខ្លួន ឬបុគ្គលខ្ពស់ជាង ហើយចុងក្រោយកូនក្មេង ឬកូនចៅទើបចូលថ្មីឋានៈក្រោមខ្លួនក៏មានចិត្តទៅប្រៀបធៀបបង្កបានជារឿងយកមកឲ្យអាក់អន់ចិត្តរវាងគ្នាបានដែរ។ មានបុគ្គលនេះនៅទីណេថ្នាក់លើចំណាយពេលដោះស្រាយតែរឿងគាត់ម្នាក់ហ្នឹង ក៏ខាតពេលវេលាយកទៅធ្វើការសំខាន់អស់។
៤ ឌឺដងដៀមដាម
![](https://www.kampucheathmey.com/wp-content/uploads/2021/04/asian-bad-angry-boss-yelling-business-man-sad-depressed-employee-reprimand_18497-269.jpg)
មនុស្សដែលនិយាយត្រង់ទៅត្រង់មក ឬចេះសិល្បៈនៃការសន្ទនា ក្នុងសម័យកាលនេះសែនមានតម្លៃខ្លាំងបំផុតព្រោះមានតែការជជែកតទល់គ្នានិងបើកចំហរទេទើបដោះស្រាយបញ្ហាគ្រប់យ៉ាងបាន។ មនុស្សដែលចូលចិត្តដៀមដាមបញ្ឆិតបញ្ឆៀង មិនដែលចង់និយាយអ្វីៗតាមសម្រួលនិងបើកចំហររកដំណោះស្រាយទេ ពេលប្រជុំផ្លូវការគ្មានពាក្យនិយាយតែពេលឆីត្រាវគឺសម្បូរគំនិត និងមានមុខជានិច្ច។ នេះរាប់ទុកជា ឥរិយាបថការងារដ៏អន់ថយដែលឈានទៅសម្លាប់អាជីពទំាងស្រុងបាន។
៥ ប្រវត្តិការងារមិនល្អ
![](https://www.kampucheathmey.com/wp-content/uploads/2021/04/Untitled-1-1.jpg)
ប្រវត្តិរូបសំខាន់ណាស់។ ត្បិតតែមនុស្សគ្រប់គ្នាមានសិទ្ធិទទួលបានឱកាសកែប្រែ តែបើមេដឹកនាំចាស់ៗពីរបីនាក់នាំគ្នាប្រាប់ធនធានមនុស្សថ្មីដែលទូរសព្ទមកសួរបញ្ជាក់ ថាយើងមានចរិតលំបាក យើងប្រហែលជាពិបាកនឹងទទួលបានការងារថ្មីបំផុត។ មនុស្សជាច្រើនត្រូវចូលនិវត្តទំាងដែលនៅពេញកម្លាំងធ្វើការ ព្រោះតែចរិតលក្ខណៈទាំំងប៉ុន្មាននេះ៕
ប្រែសម្រួល៖តុងឡុង
ចុចអាន៖សម្តី៤យ៉ាងនេះ គេអាចនឹងចាត់យើងក្នុងចំណោមបុគ្គលិកយ៉ាប់ភ្លាម
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៤ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៤ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច