កសិករដាំបន្លែបង្ហោះហ្វេសប៊ុក​ថាចង់ភ្ជួរសាលាដចោល១​ហិក​តា ត្រូវមន្ទីរចុះឱ្យធ្វើ​កិច្ចសន្យា​ដល់ផ្ទះ

លោក តៃ សុង កសិករដាំសាលាដ ក្នុងស្រុកស្អាង ខេត្តកណ្តាល បានទទួលស្គាល់កំហុស​រឿងបង្ហោះហ្វេសប៊ុកថាចង់ភ្ជួរសាលាដចោល១ហិកតា ដោយសារគ្មានឈ្មួញចុះទិញ ហើយលក់មិនដាច់ក្នុងពេលមានជំងឺកូវីដ១៩។

មន្ទីរកសិកម្មខេត្តកណ្តាល បានចុះដល់ផ្ទះរបស់លោក តៃ សុង ហើយណែនាំកុំឱ្យបង្ហោះព័ត៌​មានបែបញុះញង់ ធ្វើឱ្យសាធារណៈជនយល់ខុសពី​ការខិតខំរបស់អាជ្ញាធរ។

លោក តៃ សុង បានប្រាប់មន្ទីរកសិកម្មខេត្តកណ្តាល ពីដើមហេតុដែលលោកបានបង្ហោះហ្វេសប៊ុកថា ដោយសារជំងឺកូវីដ១៩ ធ្វើឱ្យឈ្មួញ និងក្រុមហ៊ុន ផ្អាកការបញ្ជាទិញ ធ្វើឱ្យកសិករខាតបង់គ្រប់គ្នា។

ម្យ៉ាងទៀត ការដែលលោកថាចង់ភ្ជួរសាលាដចោលនៅពេលនេះ គឺដោយសារតែគ្មានការបញ្ជាទិញពីឈ្មួញ ហើយអាយុកាលរបស់សាលាដដល់ពេលត្រូវកាត់ និងត្រូវភ្ជួរដីត្រៀមធ្វើវគ្គក្រោយ។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​មន្ទីកសិកម្មខេត្តកណ្តាល និងអាជ្ញាធរមូលដ្ឋានក៏បានស្នើសុំឲ្យលោក តៃ សុង ក៏ដូចជាកសិករឯទៀតធ្វើ​ការផ្ដល់ដំណឹងជូនអាជ្ញាធរពាក់ព័ន្ធជាមុន មុនឈានដល់ការបង្ហោះដែលប៉ះពាល់​ដល់ការខិតខំរបស់អាជ្ញាធរនាពេលកន្លងមក៕

អត្ថបទ៖ ឡេង ដេត