អាជីព

គំនិតរឹងរូសទាំង៥ ដែលនាយកប្រតិបត្តិភាគច្រើនប្រកាន់យករហូតបរាជ័យ

បានផុស

៤ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

ក្នុងរយៈពេលប៉ុន្មានឆ្នាំចុងក្រោយនេះ យើងបានឃើញការធ្លាក់ចុះនៃភាពជាអ្នកដឹកនាំគួរឲ្យកត់សម្គាល់ ដែលការស្ទង់មតិនៅ Forbes ឃើញថា៦៣ ភាគរយនៃនិយោជិកមិនទុកចិត្តនាយកប្រតិបត្តិរបស់ពួកគេសោះ។

៨២ ភាគរយនៃកម្មករ ហាក់មិនទុកចិត្តថៅកែថានិយាយការពិត ហើយនិយោជិក ៦៤ភាគរយនៃនិយោជិកនៅអាមេរិកជឿជាក់ថាអ្នកដឹកនាំរបស់ពួកគេមិនធ្វើគ្រប់យ៉ាងដោយភាពស្មោះត្រង់ឡើយ។ និយោជិក ៦៥ ភាគរយចង់មានថៅកែផ្សេងនៅពេលត្រូវបានសាកសួរ។ បើប្រៀបធៀបនឹងប្រាក់ខែថ្មីច្រើន មានតែ៣៣ភាគរយ តែប្ដូរថៅកែតែម្ដងបែរជាមានច្រើន។

តាមពិតមេដឹកនាំទាំងអស់ដែលខ្វះប្រសិទ្ធិភាព អាចបណ្ដាលមកពីផ្នត់គំនិតមានៈពួកគេទាំង៥ចំណុច ខាងក្រោមដែរ៖

១ យើងមានលុយជួល គេមិនចង់នៅទៅឃាត់ធ្វើអ្វី

ផ្នត់គំនិតនេះហើយដែលមេដឹកនាំនោះទទួលបានតែបុគ្គលិកទ័លលុយនិងទន់ខ្សោយព្រោះមិនដឹងទៅណា។

២ យើងជោគជ័យមកដល់នេះហើយចាំបាច់ស្ដាប់សម្ដីពួកបុគ្គលិកដែរ?

នៅពេលមេដឹកនាំមានគំនិតថាខ្លួនមានចំណុចខ្លាំងបំបែកមិនបាន បុគ្គលិកជាច្រើននឹងចាកចេញ ព្រោះមេខ្លាំងស្រាប់ហើយ ពួកគេមិនឃើញខ្លួនឯងសំខាន់ឬមានកត្តាជំរុញទឹកចិត្ត អ្វីថ្មីនឹងនៅធ្វើការសស្រាក់សស្រាំទៀតទេ។ មនុស្សត្រូវការឲ្យតម្លៃ និងលើកទឹកចិត្តជានិច្ចហើយនេះជាតួនាទីរបស់មេដឹកនាំ។

៣ ខ្លួនឯងតែងតែត្រូវ

នៅពេលមេដឹកនាំមានផ្នត់គំនិតបិទជិត ពួកគេបិទខ្លួនឯងចេញពីគំនិតនិងយោបល់របស់អ្នកដទៃ ពួកគេសន្មតថាពួកគេត្រូវ ហើយពួកគេរឹងចចេសនិងមិនយល់ច្បាស់អំពីទស្សនៈផ្ទាល់ខ្លួននឹងមើលឃើញថាបុគ្គលិកខ្លួនឯងគ្មានសមត្ថភាព។ ផ្នត់គំនិតនេះបណ្ដាលឲ្យមេដឹកនាំដឹកនាំមិនដំណើរការប្រព័ន្ធការងារបានល្អ ការមិនចុះសម្រុង ការគំរាមកំហែងឬការប៉ុនប៉ងធ្វើឲ្យអន្តរាយដល់សិទ្ធិអំណាចតួនាទីនីមួយៗ គឺមេតែម្នាក់ឯង ជំរុញឲ្យពួកគេទទួលបានតែជម្លោះនិងបរាជ័យ។

៤ ផ្នត់គំនិតការពារមនុស្សដែលសម្របនឹងគាត់

ផ្នត់គំនិតនេះមិនដំណើរការទេ ព្រោះនៅពេលអ្នកដឹកនាំផ្ដោតការពារបុគ្គលិកឬក្រុមមនុស្សហៃអើ ទីបំផុតគេនឹងទទួលបានតែក្រុមហៃអើ។

៥ រវល់ខ្លាំង

មិនដឹកនាំការប្រជុំបានល្អ មិនសូវជាក់លាក់ម៉ោងពេល ភាពមមាញឹករបស់ពួកគេមិនត្រូវបានដឹកនាំក្នុងទិសដៅជាក់លាក់ណាមួយឡើយ។ តាមពិតអ្វីដែលនឹងលេចឡើងនៅចុង បញ្ចប់គឺថា អ្នកដឹកនាំចង់បានច្រើនហើយមួយណាក៏មិនច្បាស់ទាំងអស់ ជាហេតុធ្វើឲ្យបុគ្គលិកមើលមិនឃើញគោលដៅ ស្រពិចស្រពិលទាំងអស់គ្នា៕

ប្រែសម្រួល៖ សុភា

ប្រភព ៖TD

ចុចអាន៖សម័យនេះ វ័យក្រោម ២៥ ឆ្នាំងាយក្លាយជាសេដ្ឋី តែក៏ងាយចាញ់បោកគេ

ចុចអាន៖ការស្រាវជ្រាវ៖ ពណ៌ខ្មៅមិនបានស្រូបយកកម្ដៅព្រះអាទិត្យ ចូលមករាងកាយឡើយ

Related Topics: