អាជីព
៦ យ៉ាងដែលមិនសមរម្យនឹងនិយាយនៅកន្លែងការងារ
គ្រប់គ្នាតែងតែចង់បង្កើតទំនាក់ទំនងល្អជាមួយមិត្តរួមការងារតាមរយៈការសន្ទនាស្និទ្ធស្នាល ប៉ុន្តែតាមពិតទៅ មានប្រធានបទមួយចំនួនដែលគួរចៀសវាងប្រសិនមិនចង់ត្រូវគេវាយតម្លៃ។
ប្រធានបទភាពយន្ត តន្ត្រីនិងអាហារ ការហាត់ប្រាណ ការអានសៀវភៅ ការត្រៀមវិស្សមកាលអាចថាល្អ តែប្រធានបទផ្សេងទៀតដូចជា សាសនានិងនយោបាយអាចមានលក្ខណៈឆ្គង។ ប្រសិនបើនិយាយអំពីរឿងទាំងនេះច្រើនពេកមិត្តរួមការងាររបស់អាចស្វែងរកវិធីចៀសវាងយើង ឬប្រកែកគ្នា បែកបាក់មិត្តភាព ឈានដល់មើលមុខគ្នាមិនចំ ព្រោះមនុស្សម្នាក់ៗមិនមានជំនឿសាសនា ឬនិន្នាការនយោបាយដូចគ្នាទេ។
១ សាសនា
សាសនាគឺជារឿងផ្ទាល់ខ្លួន ហើយមនុស្សជាច្រើនមានជំនឿខ្លាំង ខ្សោយតាមទម្លាប់របស់ពួកគេ។ យើងមិនចាំបាច់លាក់បាំងការជឿសាសនា ឬក៏ធ្វើពុតថា គ្មានជំនឿទេ ប៉ុន្តែកុំអួតសាសនាខ្លួនបង្អាប់អ្នកដទៃ។ ជំនឿជាការគោរពរបស់មនុស្សហើយជំនឿជាផ្នែកនៃជីវិតរស់នៅរបស់ពួកគេគ្មានប្រយោជន៍អ្វីក្នុងការនិយាយអំពីប្រធានបទនេះឡើយ។
២ នយោបាយ
សូម្បីតែការលើកឡើងពីអ្នកដែលយើងចង់បោះឆ្នោតឱ្ ឬការចង្អុលគ្នាថាគាំទ្រខាងណេះខាងណោះ ជាទង្វើលាបពណ៌គ្នាបង្កថ្នាំងថ្នាក់ ដែលមនុស្សមានកម្រិតយល់ដឹងល្អគេមិនធ្វើដាច់ខាត។ តើវាមានប្រយោជន៍អ្វីក្នុងការបែកបាក់ក្រុមការងារដោយសារតែរឿងនេះ ហេតុអ្វីមិនគោរពគំនិតគ្នា ទុកសិទ្ធរៀងខ្លួនទៅ?
៣ ការរួមភេទ
មនុស្សខ្វះសីលធម៌ និយមអំពីជីវិតផ្លូវភេទទុកជារឿងធម្មតា ខណៈអ្នកផ្សេងមិនអាចទទួលយកបាននោះទេ។ ការនិយាយយូរទៅក្លាយជាជំងឺ និងសិលធម៌អន់ថយដោយខ្លួនឯង។ នៅក្នុងច្បាប់ ប្រសិនបរិយាកាសការងារដែលមានការនិយាយរឿងភេទមិនសមរម្យ អ្នករងគ្រោះអាចដាក់ពាក្យបណ្តឹងពីការយាយីផ្លូវភេទប្រឆាំងនឹងយើងបានពិតមែន។
៤ បញ្ហានៅផ្ទះ
ប្រសិនបើចង់ចែករំលែកបញ្ហាផ្ទាល់ខ្លួនជាមួយមិត្តរួមការងារឬចៅហ្វាយព្រោះកំពុងតុកសិកខ្លាំងត្រូវការយោបល់ និងសម្តីលើកទឹកចិត្ត ត្រូវអញ្ជើញពួកគេជជែកក្រោយម៉ោងការងារ ។ ទម្លាប់ដែលរអ៊ូរទាំ ឬនិយាយអំពីបញ្ហានៅផ្ទះ វិបត្តិផ្ទាល់ខ្លួន ពេលខ្លះក៏អាចបណ្តាលឱ្យយើងក្លាយជាប្រធានបទនៃការនិយាយដើមក្រោយខ្នង នាំដល់ទំនាស់ខាតបង់ចរិយាសម្បត្តិនៃក្រុមការងារមានវិន័យល្អ។
៥ សេចក្តីប្រាថ្នាអាជីព
ប្រហែលជាពេលខ្លះយើងស្ថិតក្នុងស្ថានភាព មើលឃើញការងារបច្ចុប្បន្នរបស់ខ្លួនជាជំហានចម្លងទៅរកអ្វីដែលធំជាងនេះ ។ ល្អណាស់ដែលយើងមានគោលដៅប៉ុន្តែក៏មិនចាំបាច់ចែករំលែកព័ត៌មានទាំងនោះជាមួយមិត្តរួមការងារដែរ ព្រោះថៅកែ មេដឹកនាំដែលកំពុងបណ្តុះបណ្តាលយើង និងដែលមានចិត្តចង្អៀត អាចនឹងចាប់ផ្តើមអាក់អន់ចិត្តលែងទុកយើងជាបុគ្គលសំខាន់។ មិនទាន់ទាំងឮផ្គរផងចាក់ទឹកភ្លៀងចោលបែបនេះគឺខាតបង់ធ្ងន់តែម្តង។
ប្រសិនបើមានគម្រោងផ្លាស់ប្តូរនាយកដ្ឋាននៅក្នុងវិសាលភាពក្រុមហ៊ុនបច្ចុប្បន្ន សូមអង្គុយចុះនិយាយផ្ទាល់ជាមួយមេគ្រប់គ្រងយើង ឬខាងធនធានមនុស្ស ឬជាមួយថៅកែជាលក្ខណៈ (ឯកជន) ហើយពិភាក្សាវិញល្អជាង។ មានតែពួកគេប៉ុណ្ណោះដែលអាចជួយសម្រេចគោលដៅរបស់យើង។
ចំណែកឯការមានគម្រោងផ្លាស់ទៅក្រុមហ៊ុនផ្សេងសូមកុំអោយអ្នកទីពីរណាដឹងរហូតដល់ពេលចាកចេញ។ ប្រសិនបើចៅហ្វាយក្នុងអាជីវកម្មខ្នាតតូច ដឹងរឿងនេះហើយយើងមិនទាន់មានកន្លែងផង ពួកគេអាចចាប់ផ្តើមរកហេតុផលដើម្បីឱ្យយើងចាកចេញទាំងទោមនស្ស។
៧ រឿងប្រាក់ខែ
មនុស្សជាច្រើនចង់ប្រកួតប្រជែងខាងអារម្មណ៍ ដោយនិយម អួតអាង ឬដេញដោលគ្នាថាតើបានប្រាក់ខែប៉ុន្មាន។ប្រសិនបើមាននរណាម្នាក់ដឹងប្រាក់ខែយើងចេញពីមាត់យើង នោះវាលែងជាការសម្ងាត់ហើយ។ គណនេយ្យនឹងធនធានមនុស្សមិនអាចនិយាយរឿងនេះទេព្រោះជាវិន័យតឹងរឹង។ ប្រសិនបើអ្នករួមការងារដឹងថា យើងបានលើសពួកគេអាចចាប់ផ្តើមអាក់អន់ចិត្ត បង្កើតសកម្មភាពប្រជែងបែបអវិជ្ជមាន រីឯ បើយើងបានតិចជាងគេនឹងឡកលើយមាក់ងាយ តើចំណេញត្រង់ណា?
ដោយ សុភា
ប្រភព HRB

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?