អាជីព
មនុស្ស ៨ ប្រភេទមាននៅស្ថាប័នណាពិបាកដល់កន្លែងនោះ
កន្លែងការងារណាក៏ដោយ តម្រូវឲ្យមានមនុស្សធ្វើការស្រុះស្រួលគ្នា ទើបស្ថាប័នអាចអនុវត្តការងារប្រកបដោយសមិទ្ធផលខ្ពស់។ ផ្ទុយទៅវិញ បើសម្បូរមនុស្សអវិជ្ជមាន ឬមនុស្សចរិតយ៉ាប់ៗច្រើន កន្លែងនោះច្បាស់ជាមិនសូវរីកចម្រើនឡើយ។
អវិជ្ជមាន៖ មានបញ្ហាតែបន្តិចពួកគេគិតតែលើរឿងមិនល្អហើយបាក់កម្លាំងចិត្ត និងថែមទាំងទាញសមាជិកក្រុមឲ្យមានគំនិតអវិជ្ជតាមខ្លួនទៀត។ ពួកគេចូលចិត្តសំឡឹងមើលបញ្ហា ជាជាងជួយរកដំណោះស្រាយ។
ឆាប់រំជួលចិត្ត៖ ឆាប់បាក់ទឹកចិត្ត ឆាប់អន់ចិត្ត និងងាយណាស់ហូរទឹកភ្នែកនៅពេលដែលមានរឿងឬត្រូវគេណែនាំពីកំហុសរបស់ខ្លួន។ ជាមនុស្សដែលពិបាកធ្វើការជាមួយ ដោយសារពេលខ្លះគេមិនហ៊ានប្រាប់ត្រង់ពីចំណុចអវិជ្ជមាន ព្រោះខ្លាចគាត់រំជួលចិត្តយំយែក។
ចង់ឈ្នះចង់ចាញ់៖ បុគ្គលនេះរមែងធ្វើឲ្យគេធុញ ព្រោះសូម្បីតែរឿងតិចតួចប៉ុណ្ណាក៏ចង់ធ្វើលើសគេដែរ។ ជាមនុស្សនិយមឈ្នានីស ធ្វើអីបើអន់ជាងគេតែបន្តិច គាត់នៅមិនសុខ បក់មិនល្ហើយទេ។

លេងសើចច្រើនពេក៖ សូម្បីមានរឿងសំខាន់យ៉ាងណា ក៏នៅតែអាចរករឿងនិយាយលេងបានដែរ។ និយាយច្រើនឥតប្រយោជន៍ស្ទើរតែគ្រប់ពេល មិនដឹងមួយណាពិតមួយណាលេងសើចទេ យូរៗទៅអ្នកនៅជុំវិញខ្លួនលែងជឿសម្ដីរបស់គាត់ទៀត។
ស្ងៀមស្ងាត់ជ្រុល៖ មិនចូលចិត្តបញ្ចេញយោបល់ ឬហ៊ានការពារគំនិតរបស់ខ្លួនឡើយព្រោះខ្លាចប៉ះពាល់ដល់អារម្មណ៍អ្នកដទៃ។ មិនចូលចិត្តប្រឆាំង រហូតគេមិនអាចមើលឃើញពីសមត្ថភាពពិតរបស់គាត់។
អួតខ្លួនពូកែជាងគេ៖ ជាប្រភេទមនុស្សបានតែសម្ដី ចូលចិត្តធ្វើខ្លួនជាអ្នកខ្លាំង ទើបអ្នកធ្វើការជាមួយមិនសូវរាប់រកឡើយ ព្រោះគេជ្រេញឬកពេក។
លាក់ពុតត្បុត៖ នៅនឹងមុខជាមនុស្សផ្សេង នៅក្រោយខ្នងជាមនុស្សផ្សឹង។ ជាបុគ្គលដែលចាស់ៗនិយមនិយាយថា បាតដៃខ្នងដៃ ចូលចិត្តនិយាយល្អ តែតាមពិតមានគំនិតមិនសូវល្អប៉ុន្មានទេ។
មិនស្ដាប់យោបល់៖ កុំថាឡើយមិត្តរួមក្រុម សូម្បីថ្នាក់លើប្រាប់អ្វី ក៏មិនងាយធ្វើតាមដែរ ព្រោះយល់ថាខ្លួនចេះគ្មានសល់។ ដោយសារតែបែបនេះ ទើបពេលខ្លះគាត់ធ្វើខុស គ្មានអ្នកមកជួយកែសម្រួល ព្រោះទោះជាយ៉ាងណាក៏គាត់មិនព្រមស្ដាប់យោបល់របស់គេ៕
ប្រែសម្រួល៖ សន្យា
ប្រភព៖ Entrepreneur
ចុចអាន៖មានអារម្មណ៍ថា មេដឹកនាំមានចរិតលំអៀង?
ចុចអាន៖ហេតុផលដែលមេដឹកនាំល្អ កម្រប្រើពាក្យ «why» ពេលសន្ទនាជាមួយបុគ្គលិក

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់