អាជីព

៥ ចំនុច និស្សិតត្រូវដឹង មុនពេលចុះកម្មសិក្សា នៅកន្លែងការងារផ្នែកច្បាប់

បានផុស

៣ years មុន

នៅ

ថ្ងៃអង្គារ ១៦ វិច្ឆិកា ២០២១

ដោយ

និស្សិតច្បាប់ភាគច្រើន ត្រូវបានលើកទឹកចិត្តឲ្យធ្វើកម្មសិក្សារបស់ពួកគេ នៅកន្លែងណាមួយ។ ខណៈដែលការទទួលបានគុណវុឌ្ឍិសិក្សា គឺចាំបាច់ក្នុងការទទួលបានអាជីពផ្នែកច្បាប់ អ្នកក៏ត្រូវការបទពិសោធន៍ជាក់ស្ដែងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនច្បាប់ជាច្រើន ផ្តល់កន្លែងសម្រាប់និស្សិត និងនិស្សិតបញ្ចប់ការសិក្សាភ្លាមៗ ប៉ុន្តែត្រូវមាននិន្នាការប្រកួតប្រជែងគ្នាខ្លាំងដែរ។

នេះគឺជារឿង ៥ ដែលនិស្សិតច្បាប់ត្រូវដឹង មុនពេលអ្នកទៅដល់ទីនោះ ៖

១ តំបន់នៃច្បាប់

ជាដំបូង ត្រូវដឹងថា មានផ្នែកផ្សេងៗជាច្រើននៅក្នុងវិស័យច្បាប់។ តើក្រុមហ៊ុនច្បាប់នេះអនុវត្តអ្វីខ្លះ? វាជាគន្លឹះដើម្បីដឹងរឿងនេះ ហើយធ្វើការស្រាវជ្រាវ មុនពេលអ្នកចាប់ផ្តើមទៅកន្លែងនោះ ដាក់ច្បាប់កម្មសិក្សាឬធ្វើការ។ ស្វែងយល់ពីប្រភេទនៃច្បាប់ ដែលពួកគេដោះស្រាយ ហើយត្រូវប្រាកដថា អ្នកមានអារម្មណ៍ជឿជាក់លើចំណេះដឹងរបស់ខ្លួនឯងមុនសិន។

២ មនុស្សជួបដំបូង

តើអ្នកនឹងធ្វើការជាមួយអ្នកណា? មនុស្សដំបូងគឺជាឱកាសសំខាន់ៗមួយចំនួន នៅក្នុងការិយាល័យថ្មីរបស់អ្នក។ កុំភ្លេចថា ពួកគេគឺជាទ្វារសម្រាប់យើង ដូច្នេះត្រូវមានអាកប្បកិរិយាល្អបំផុត ជាមួយអ្នកដែលយើងដើរជួបដំបូង មិនថាជាដៃគូឬនរណាម្នាក់។

៣ លេខកូដសំគាល់ខ្លួន

ក្រុមហ៊ុនច្បាប់ភាគច្រើនមានកូដសំលៀកបំពាក់ផ្ទាល់ខ្លួន។ នេះមិនមានន័យថា ថ្ងៃដំបូងទៅដល់ទីនោះយើងស្លៀកពាក់ភាពសាមញ្ញពេក ឬពាក់ស្បែកជើងផ្ទាត់ឡើយ។ ដូច្នេះក៏គួរចៀសវាងគ្រឿងអលង្ការ និងពាក្យស្លោកហួសហេតុសម្រាប់ខ្លួនឯងផងដែរ។ ជាទូទៅ ការពាក់ស្បែកជើងកវែង ឬខោជើងវែង និងអាវ ស គឺជារឿងល្អដែលទាក់ទាញចំណាប់អារម្មណ៏អ្នកច្បាប់ដូចគ្នា។ ត្រូវប្រាកដថា សំលៀកបំពាក់អ្នកស្លៀក គឺចុះចំណោមជាមួយគេឯង និងមិនរញ៉េរញ៉ៃខុសពីគេ។ ដែលទាំងនេះគេហៅថា លេខកូដសំគាល់ខ្លួន របស់ក្រុមហ៊ុនច្បាប់។

៤ ធ្វើការលើសម៉ោង

មេធាវីភាគច្រើន ធ្វើការច្រើនម៉ោង ដែលអាចមានន័យថា បើទោះបីជាយើងកំពុងស្ថិតក្នុងអំឡុងចុះកម្មសិក្សា ក៏ត្រូវតែទៅជាមួយពួកគេដែរ។ ប្រសិនបើអ្នកមានឆន្ទៈក្នុងការបត់បែនម៉ោងពេលវេលា គឺជារឿងល្អបំផុតក្នុងអាជីពមួយនេះ។ ត្រូវប្រាកដថា មិនថាមានរឿងអី្វ អ្នកអាចធ្វើបាន ព្រោះការងារផ្នែកច្បាប់មិនរើសពេលវេលា ក្នុងការដោះស្រាយបញ្ហាឡើយ។

៥ ការរំពឹងទុក

អ្នកប្រហែលជាព្រួយបារម្ភអំពីអ្វីដែលរំពឹងទុក ក្នុងអំឡុងពេលដាក់ច្បាប់នៅកន្លែងនោះ។ តើការងារនឹងពិបាកពេកទេ? នេះនឹងមានន័យថា កាតព្វកិច្ចរដ្ឋបាល និងការឆុងតែឬកាហ្វេក៏ជាអ្នកដែរ។ អ្នកប្រហែលជាអាចទទួលយកទំនួលខុសត្រូវមួយចំនួនបន្ថែមទៀត បន្តិចម្តងៗ។ ប៉ុន្តែត្រូវចងចាំថា បើនិស្សិតច្បាប់អាចឆ្លងកាត់ ៥ចំនុចនេះបាន នោះពួកគេក៏មានឱកាសល្អៗជាច្រើន កំពុងរង់ចាំ ឬអាចថា បានធ្វើការជាមុខតំណែងណាមួយនៅកន្លែងនោះមិនខាន៕

ប្រែសម្រួល៖ សាង ស្រីល័ក្ខ

ចុចអាន៖ភាពខុសគ្នារវាងបុគ្គលិកបញ្ចេញមតិ និងបុគ្គលិក Yes/OK

ចុចអាន៖Business Cyber Security ៖ ៥ មូលដ្ឋាន ដែលម្ចាស់អាជីវកម្ម ឬពាណិជ្ជករធំៗ ត្រូវយល់ដឹងឲ្យច្បាស់