អាជីព

៥ សញ្ញាបង្ហាញថា អ្នកត្រូវតែកែលំអ សេវាកម្មអតិថិជន

បានផុស

៣ years មុន

នៅ

ថ្ងៃពុធ ១៧ វិច្ឆិកា ២០២១

ដោយ

អាជីវកម្មត្រូវប្រឈមមុខនឹងបញ្ហា ឬកំហុស ប៉ុន្តែអ្វីដែលសំខាន់ជាងនេះទៀតនោះគឺ របៀបដែលអ្នកដោះស្រាយវា និងធានាថា អាចរក្សាអតិថិជនស្មោះត្រង់ ជាជាងការជំរុញពួកគេចេញ តាមរយៈសេវាកម្មអតិថិជនអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលបានដំណោះស្រាយដ៏ល្អ លើសសេវាកម្មអតិថិជន អាចជារឿងពិបាក ប្រសិនបើអ្នកជាក្រុមតូច ឬប្រសិនបើអ្នកមិនច្បាស់ថា អតិថិជនកំពុងស្វែងរកអ្វីទាក់ទងនឹងសេវាកម្ម។ ទោះជាយ៉ាងណាក៏ដោយ មិនថាអ្នកស្ថិតក្នុងស្ថានភាពបែបណានោះទេ សេវាកម្មអតិថិជនល្អ គឺតែងតែអាចធ្វើទៅបាន ជាមួយនឹងការតាំងចិត្ត និងចំណេះដឹងត្រឹមត្រូវ ទោះបីជាអ្នកកំពុងប្រតិបត្តិការជាក្រុមតែមួយក៏ដោយ។

៥ សញ្ញាបង្ហាញថា សេវាអតិថិជនរបស់អ្នកត្រូវការការកែលំអ

១ អតិថិជនរបស់អ្នក បានប្រាប់ដោយផ្ទាល់ថា ពួកគេមិនសប្បាយចិត្តនឹងសេវាកម្មរបស់អ្នក។

២ អ្នកកំពុងតែតស៊ូក្នុងការដោះស្រាយសំណួរសេវាអតិថិជន ក្នុងបរិមាណច្រើន ដែលមានន័យថា អតិថិជនត្រូវបានទុកឲ្យរង់ចាំយូរពេក ឬប្រហែលជាខកខានទាំងស្រុង។

៣ អ្នកកំពុងផ្តល់ការទំនាក់ទំនងតែមួយ ឬពីរប៉ុណ្ណោះ សម្រាប់តម្រូវការសេវាកម្មអតិថិជន។

៤ អ្នកមិនមានតំណាងផ្នែកសេវាអតិថិជនពិសេស ឬក្រុម។

៥ អ្នកមានអារម្មណ៍ថា មិនបានភ្ជាប់ទំនាក់ទំនងជាមួយអតិថិជនច្រើន ដូចដែលអ្នកគួរធ្វើ។

វិធីកែលម្អសេវាកម្មអតិថិជនរបស់អ្នក

ស្វែងរកមតិអតិថិជនជានិច្ច ការស្ទង់មតិ មតិប្រតិកម្ម ពីសេវាកម្មអតិថិជន ពិតជាមានសារៈសំខាន់ខ្លាំងណាស់។ យើងមិនដឹងថា តើអតិថិជនមានអារម្មណ៍យ៉ាងណា ចំពោះសេវាកម្ម ប្រសិនបើអ្នកមិនលើកទឹកចិត្តដល់មតិកែលំអរបស់ពួកគេ ទោះជាវិជ្ជមាន ឬអវិជ្ជមាន។ ទាំងនេះជាចំនេះដឹងមួយ ក្នុងការយល់ដឹងពីអ្វីដែលអតិថិជនចង់បានពីសេវាកម្មរបស់យើង និងកន្លែងដែលយើងត្រូវកែលម្អ។

ត្រូវប្រាកដថា អ្នកកំពុងផ្តល់ជូនគ្រប់បណ្តាញទំនាក់ទំនង ពីមុនអតិថិជនអាចទូរស័ព្ទផ្ទាល់ ហើយនិយាយជាមួយអ្នកតំណាង។ ឥឡូវនេះ អតិថិជនរំពឹងថា នឹងមានជម្រើសជាច្រើនដែលត្រូវនឹងពួកគេ នៅពេលនិយាយអំពីវិធីទាក់ទងក្រុមសេវាកម្មអតិថិជនរបស់អ្នក។ ជាពិសេស នេះរួមបញ្ចូលទាំងជម្រើសអនឡាញ ដែលអតិថិជនអាចផ្ញើសារភ្លាមៗ ឬដោយផ្ទាល់ ជាជាងការហៅទូរស័ព្ទយ៉ាងសកម្ម។

មានតម្លាភាពជាមួយអតិថិជន ភាពស្មោះត្រង់គឺជាអ្វីគ្រប់យ៉ាង នៅពេលនិយាយអំពីការដោះស្រាយជាមួយអតិថិជន និងជាពិសេសសេវាកម្មអតិថិជន និងការត្អូញត្អែរ។ ប្រសិនបើអ្នកប្រកាសថា សំណួរនឹងតែងតែត្រូវបានដោះស្រាយក្នុងរយៈពេលជាក់លាក់មួយ អ្នកត្រូវតែធ្វើឲ្យប្រាដកពិតមែន! មិនមែនតែងតែមានលេស កុហកអតិថិជននោះទេ។

សេវាកម្មអតិថិជនល្អ មិនមែននិយាយអំពីការដោះស្រាយសំណួរឲ្យបានលឿនតាមដែលអាចធ្វើបានទេ ប៉ុន្តែការដោះស្រាយសំណួរឲ្យបានហ្មត់ចត់ និងតាមរបៀបត្រឹមត្រូវ មិនថាវាត្រូវចំណាយពេលយូរប៉ុណ្ណាក៏ដោយ។

ជាធម្មតា អតិថិជននឹងមានឆន្ទៈក្នុងការរង់ចាំរយៈពេលយូរសម្រាប់ដំណោះស្រាយពេញលេញ ជាជាងមានដំណោះស្រាយរហ័ស ដែលប្រហែលជាមិនត្រឹមត្រូវ។ ភាពស្មោះត្រង់តែងតែសំខាន់ ប្រសិនបើអ្នកជាក្រុមតូច ហើយសំណួរផ្នែកសេវាកម្មអតិថិជនត្រូវចំណាយពេលយូរបន្តិច ក្នុងការឆ្លើយតប សូមប្រាប់អតិថិជនរបស់អ្នកឲ្យដឹងពីពេលវេលាដ៏ស្មោះត្រង់ សម្រាប់ការឆ្លើយតបមួយ ដើម្បីឲ្យពួកគេដឹងតាំងពីដំបូងមក ៕

ប្រែសម្រួល៖ សាង ស្រីល័ក្ខ

ចុចអាន៖Business Cyber Security ៖ ៥ មូលដ្ឋាន ដែលម្ចាស់អាជីវកម្ម ឬពាណិជ្ជករធំៗ ត្រូវយល់ដឹងឲ្យច្បាស់

ចុចអាន៖ស្គាល់ឬនៅ ធនាគារដែលមានវ័យចំណាស់ជាងគេលើពិភពលោក បច្ចុប្បន្ននៅតែដំណើរការដូចដើម