អាជីព
សម្ភាសតួនាទីចាប់ពីថ្នាក់គ្រប់គ្រងឡើង ត្រៀមចម្លើយសំណួរ ៥ នេះបានសិន ចាំទៅ!
ក្រៅពីក្រុមសំណួរដែលយើងធ្លាប់ឮ មានដូចជា តើអ្នកអាចប្រាប់ខ្ញុំបន្តិចអំពីខ្លួនអ្នកបានទេ?តើអ្នកបានដឹងអំពីការជ្រើសរើសនេះតាមរយៈអ្វី?តើអ្នកដឹងអ្វីខ្លះអំពីក្រុមហ៊ុនយើង?ហេតុអ្វីអ្នកត្រូវការការងារនេះ? តើអ្នកអាចពន្យល់ពីមូលហេតុដែលអ្នកផ្លាស់ប្តូរអាជីព?។ល។ នៅមានសំណួរសំខាន់មួយចំនួនដែលគួរត្រៀមចម្លើយទុកមុន ពីព្រោះពិន្ទុរបស់ចម្លើយនៃសំណួរដ៏ស្មុគស្មាញទំាងនេះគឺគេដាក់មកដើម្បីកំណត់តែម្តងថា អ្នកនឹងជាប់ឬធ្លាក់សម្ភាស។
សំណួរស្មុគស្មាញទី១ អ្វីខ្លះធ្លាប់ជាចន្លោះប្រហោង ឬជាចំណុចខ្សោយក្នុងការងារចាស់របស់អ្នក?
![](https://kampucheathmey.com/wp-content/uploads/2020/10/pixta_62408375_M-1.jpg)
ការចាប់ឱ្យយើង និយាយអំពីចំណុចខ្សោយរបស់ខ្លួនឯងគឺជាចេតនា ។ ភាគច្រើនមនុស្សព្យាយាមការពារខ្លួនឯងប៉ុន្តែមិនមែនពេលសម្ភាសឡើយ។ ប្រសិនបើយើងរកមិនឃើញចំណុចខ្សោយ ក្នុងបុគ្គលិកលក្ខណៈរបស់ខ្លួនឯងឬមិនចង់លាតត្រដាងវា យើងអាចរកចំណុចខ្សោយផ្នែកបច្ចេកទេសឬការងារធ្លាប់បរាជ័យណាមួយមកនិយាយបាន។ មនុស្សគ្រប់គ្នាមានចំណុចខ្សោយតែចំណុចខ្សោយផ្នែកចរិតគឺពិបាកកែ ម្ល៉ោះហើយមិនសូវមានអ្នកណាហ៊ានទទួលយកមនុស្សចរិតមិនល្អមកធ្វើការទេ។ចូរស្វែងរកចំណុចខ្សោយផ្នែកជំនាញមកនិយាយក្នុងករណីយើងប្រឈមនឹងសំណួរមួយនេះ។
សំណួរស្មុគស្មាញ ទី២ ឥឡូវអ្នកមានការងារធ្វើឬទំនេរ?
ប្រសិនបើអ្នកគ្មានការងារធ្វើ ចូរនិយាយតាមត្រង់។ តេត្រូវត្រៀមប្រាប់អំពីសកម្មភាពដែលយើងបានធ្វើជាប្រយោជន៍ក្នុងពេលទំនេរនេះ ដូចជាការសរសេរប្លក់ឬចូលរៀនអ្វីមួយដែលយល់ថាសំខាន់ទាក់ទងនឹងបទសម្ភាស។ មនុស្សជាច្រើនបានជ្រើសរើសយកការនិយាយកុហកប៉ុន្តែវាធ្វើឱ្យគេលំបាកនៅពេលក្រោយព្រោះគ្មានអ្វីដែលជាអាថ៌កំបាំងលើលោកនេះទៀតឡើយក្នុងសម័យកាលមួយនេះ។ សូមដកដង្ហើមវែងឆ្ងាយហើយពន្យល់ដល់អ្នកគ្រប់គ្រងដែលនឹងជួលយើងនោះថា ហេតុអ្វីបានជាយើងសម្រេចចិត្តចាកចេញ។
សំណួរទីបី ប្រសិនបើទទួលបានតួនាទីនេះ តើរយៈពេលពី៣០ទៅ៩០ថ្ងៃដំបូង អ្នកអាចនឹងធ្វើបានអ្វីខ្លះ?
យើងមិនអាចឆ្លើយបានល្អទេចំពោះសំណួរមួយនេះប្រសិនបើយើងមិនបានទទួលព័ត៌មានជាមុនថា អ្វីខ្លះដែលយើងមានភារកិច្ចទទួលខុសត្រូវ ? តើមានបុគ្គលិកណាខ្លះទៀតដែលយើងត្រូវដោះស្រាយ? តើបញ្ហាអ្វីដែលអ្នកមុនបានបន្សល់ទុក?យើងគួរតែមានការស្រាវជ្រាវ តែក៏អាចសួរបកវិញភ្លាមៗនៅនឹងកន្លែងដែរមុនពេលដែលអាចនឹងឆ្លើយសំណួរនេះចេញ។
សំណួរទី៤ តើអ្វីទៅជាភាពខ្លាំងខាងវិជ្ជាជីវៈរបស់អ្នក?
![](https://kampucheathmey.com/wp-content/uploads/2020/10/pixta_62429737_S.jpg)
សំណួរនេះសាមញ្ញ តេពិបាកឆ្លើយបន្តិចដែរ។ នៅពេលឆ្លើយសំនួរនេះ ចូរត្រៀមបង្ហាញនូវចំណុចខ្លាំងរបស់អ្នកដែលមានឧទាហរណ៍ជាក់លាក់ ព្រោះពេលអ្នកអួតចប់ គេនឹងសុំឧទាហរណ៍។ បែងចែកចំណុចខ្លាំងនោះទៅជាផ្នែកៗតូចងាយនឹងពន្យល់ ឧទាហរណ៍ ចំណុចខ្លាំងគួរតែជាអ្វីដែលគេកំពុងត្រូវការបំផុតក្នងពេលបច្ចុប្បន្ន ដូចជា ជំនាញប្រាស្រ័យទាក់ទង សិល្បៈបញ្ចុះបញ្ចូល ការកសាងបណ្តាញ ការចេះរបៀបទំនាក់ទំនង ការដោះស្រាយបញ្ហា។ល។ ប្រសិនជាយើងមិនខ្លាំងពូកែក្នុងការនិយាយជាសាធារណៈឬសរសេរអ៊ីម៉េល ភាសាបរទេស។ល។ ចូរកុំអាលប្រញាប់សារភាពវារង់ចាំ ពេលគេសួរអំពីចំណុចខ្សោយរបស់យើងចាំប្រាប់។
សំណួរទី៥ តើអ្នកមើលឃើញខ្លួនឯងនៅទីណាក្នុងរយៈពេលប្រាំឆ្នាំទៅមុខ?
ប្រសិនបើសួរសំណួរនេះកើតមានឡើងមែន យើងក៏គ្មានវិធីអ្វី ក្រៅតែពីឆ្លើយដោយស្មោះត្រង់។ គោលដៅអនាគតមនុស្សម្នាក់ៗបង្ហាញពីសមត្ថភាពបច្ចុប្បន្នរបស់គេច្បាស់ទែង។ មនុស្សខ្សោយៗមិនដែលមានផែនការច្បាស់ទេ។ គេលោតចុះឡើងតាមអ្នកដទៃ ។ ការរំពឹងទុករបស់យើង ដែលទាក់ចិត្តអ្នកសួរ នឹងធ្វើឱ្យយើងទទួលបានពិន្ទុច្រើន។ មនុស្សឆ្លាតវៃតែងចេះភ្ជាប់ការរំពឹងទុករបស់ខ្លួនទៅនឹងទស្សនៈវិស័យឬគុណតម្លៃនៃក្រុមហ៊ុនដែលខ្លួនកំពុងចង់បម្រើការនោះ។
សំណាងល្អក្នុងការធ្វើសម្ភាសណា៎!
ប្រែសម្រួល៖ សាយ ពេជ្រ
ចុចអាន៖ យកជំនាញ ៨ នេះបានលុយធំនៅរង់ចាំ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)