អាជីព

២ យ៉ាងធំៗ ជាមេរោគធ្វើឲ្យយើងមិនផ្ដោតលើការងារ

បានផុស

៣ years មុន

នៅ

ថ្ងៃសុក្រ ១៥ កក្កដា ២០២២

ដោយ

តើអ្នកមានដឹងទេថា ចំណុចតូចមួយក្នុងជីវិតយើងពេលខ្លះ អាចបំផ្លាញសមត្ថភាពផ្តោតលើការងាររបស់អ្នកបានយ៉ាងងាយស្រួល។ នេះជាការពិត ពេលខ្លះយើងអត់បានចាប់អារម្មណ៍សូម្បីតែបន្តិច តែវាតែងនៅជាមួយយើង ជាពិសេសបុគ្គលិកដែលបំពេញការងារតាមស្ថាប័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ មានមេរោគ២យ៉ាង ដែលនាំឲ្យបុគ្គលនោះមិនងាកមកផ្ដិតអារម្មណ៍ជាមួយការងារសោះ៖

១ លេងប្រព័ន្ធផ្សព្វផ្សាយសង្គម

ស្មាតហ្វូន ថេប្លេត ឧបករណ៍ទាំងនេះកំពុងនាំយើងចូលទៅក្នុងពិភពប្រព័ន្ធផ្សព្វផ្សាយសង្គមយ៉ាងឆាប់រហ័ស។ មនុស្សជាច្រើនចូលប្រើប្រព័ន្ធផ្សព្វផ្សាយសង្គមច្រើនជាង ១២ ម៉ោងក្នុងមួយថ្ងៃ។ ជាលទ្ធផល យើងខ្ជះខ្ជាយពេលវេលា និងទទួលបានព័ត៌មានយ៉ាងច្រើន។ វាជះឥទ្ធិពលអវិជ្ជមានដល់យើង មិនអាចផ្ដោតលើការងាររបស់យើងបានល្អ ដូចដែលគួរធ្វើឡើយ។

២ ការប្រជុំច្រើនពេក

ក្រុមហ៊ុនជាច្រើនចំណាយពេលមួយថ្ងៃរបស់ពួកគេក្នុងការប្រជុំការងារ ហើយមិនធ្វើអ្វីផ្សេងទៀតឡើយ។ ការស្រាវជ្រាវបានបង្ហាញថា ការប្រជុំច្រើនពេកគឺមិនល្អសម្រាប់ខួរក្បាល។ វាបណ្តាលឲ្យមានការថយចុះសក្តានុពលការងារ។ ជាការពិតណាស់ វាធ្វើឲ្យមនុស្សផ្តោតលើការងារកាន់តែអាក្រក់វិញទេ។

បើសួរថា ត្រូវដោះស្រាយយ៉ាងម៉េច បើឆ្លើយថាប្រើបណ្ដាញសង្គមតិច។ ធ្វើឲ្យមានការប្រជុំខ្លីជាង និងមានប្រសិទ្ធភាពជាងនេះ នឹងមានផលប៉ះពាល់តិចតួច។ នៅក្នុង Harvard Business Review នេះគឺជាការផ្តល់យោបល់មួយចំនួនដែលបុគ្គលិកគ្រប់រូបគួរធ្វើដាច់ខាត៖

១ សមាធិ ប្រតិបត្តិសតិ សមាធិសាមញ្ញ គ្រាន់តែដកដង្ហើមវែងៗពីរបីនាទី រហូតដល់ ៣០ នាទី អាចនាំឲ្យមានការផ្តោតអារម្មណ៍កាន់តែច្រើន។ យើងអាចដោះស្រាយបញ្ហាកាន់តែមានប្រសិទ្ធភាព ហើយេជាពិសេសក៏ធ្វើឲ្យយើងមានភាពវៃឆ្លាតខាងផ្លូវអារម្មណ៍ និងធ្វើការសម្រេចចិត្តបានល្អប្រសើរ។

២ រៀបចំកិច្ចការ និងពេលវេលា ការងារដែលត្រូវការថាមពលគិតច្រើន ទាមទារការច្នៃប្រឌិតខ្លះៗ ដូចជាការឆ្លើយអ៊ីមែល ការជម្រះឯកសារ ត្រូវចេះបែងចែកពេលវេលាឲ្យច្បាស់ ហើយគិតថាគួរធ្វើមួយណាទុកមួយណា។ បើយើងរៀបចំ ហើយបែងចែក នោះយើងនឹងឆ្លាតវ៉ៃក្នុងការធ្វើការងារ។

៣ រៀបចំតុ អេក្រង់ទូរសព្ទ អេក្រង់កុំព្យូទ័រ ការរក្សាវាឲ្យមានរបៀបរៀបរយ នឹងធ្វើឲ្យវាកាន់តែងាយស្រួលសម្រាប់យើងក្នុងការផ្តោតលើការងាររបស់យើង។ កាន់តែងាយស្រួលស្វែងរកអ្វីដែលអ្នកចង់បានថែមមួយកម្រិតទៀត។

យ៉ាងណាមិញ អាចសាកល្បងការណែនាំទាំងនេះ។ យើងខ្ញុំជឿជាក់ថា នឹងធ្វើឲ្យអ្នកផ្ដោតលើការងាររបស់អ្នកកាន់តែខ្លាំងជាមុន៕

ប្រែសម្រួល៖ សាង ស្រីល័ក្ខ

ចុចអាន៖មិត្តរួមការងារ ៥ ប្រភេទ តែងធ្វើឲ្យជីវិតការងារកាន់តែស្មុគស្មាញ

ចុចអាន៖គន្លឹះ ៥ យ៉ាង ជួយពង្រឹងផ្លូវអាជីពឲ្យកាន់តែរឹងមាំ និងប្រសើរជាងមុន