អាជីព

ខ្ញុំមិនមែនជាមេដឹកនាំផង រៀនក្បួន ដោះស្រាយទំនាស់ធ្វើអ្វី?

បានផុស

៥ years មុន

នៅ

ថ្ងៃព្រហស្បតិ៍ ២៩ តុលា ២០២០

ដោយ

អត្ថប្រយោជន៍នៃការរៀនជំនាញ ដោះស្រាយបញ្ហា (problem-solving) គឺមានច្រើនហួសស្មាន។ កុំគិតថា ជំនាញនេះសម្រាប់តែអ្នកដែលជាមេដឹកនាំគេ។

មានហេតុផលមួយចំនួនដែលយើងគួរតែចាប់ផ្ដើមរៀនដំណោះស្រាយបញ្ហាគឺ៖

ការដោះស្រាយបញ្ហាធ្វើឲ្យផ្ដោតអារម្មណ៍

មនុស្សដែលគេចវ៉េសមិនរវីរវល់ឬយករួចខ្លួន នៅពេលជួបបញ្ហានឹងក្លាយជាទម្លាប់ខ្ជីខ្ជា មិន ផ្ដោត អារម្មណ៍ដូចពាក្យថា លំៗ មិនច្បាស់ត្រង់ណា ថែមទាំងមិនមានការជឿជាក់លើសមត្ថភាពខ្លួនក្នុងការគិត ការវិភាគ និងការអត់ធ្មត់។

ការដោះស្រាយបញ្ហាបង្កើនជំនាញហ៊ានសម្រេចចិត្ត

ទម្លាប់ថ្លឹងថ្លែង ពិភាក្សា ស្វែងយល់ សម្របសម្រួល និងកត់ត្រា វិភាគ ទាក់ទងនឹងការដោះស្រាយ បញ្ហា ផ្ដល់នូវប្រភពព័ត៌មានជាច្រើនជាបទពិសោធន៍ ដែលមិនទាក់ទងនឹងវ័យទេ ប៉ុន្តែទាក់ទងនឹងការហ៊ានឆ្លងកាត់ដែលធ្វើឲ្យមនុស្សខ្លះមានការយល់ដឹងលើសអ្នកដទៃ និងគួរឲ្យស្ញប់ស្ញែងក្នុងការដឹកនាំជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពដោះស្រាយបញ្ហាពង្រីកចំណេះដឹង

ការដោះស្រាយបញ្ហាមានឥទ្ធិពលដូចជាគណិតវិទ្យាដែរ តែងផ្ដល់ឲ្យយើងនូវឧបករណ៍ដើម្បីអនុវត្តចំណេះដឹងសម្មតិកម្មនិងបញ្ហាពិភពលោកជាក់ស្ដែង បង្កើនល្បឿនសកម្មភាពល្បឿនគំនិត ព្រោះពេលដែលពួកគេរកវិធីស្វែងរកបញ្ហានិងវាយតម្លៃបញ្ហាគេនឹងកាន់តែល្អិតល្អន់ ផ្ដោតអារម្មណ៍រកចម្លើយជាក់លាក់និងមាននូវសក្ដានុពលនៃសមត្ថភាពស្រាវជ្រាវបន្ថែម រហ័សជាងអ្នកដទៃក្នុងវ័យឬកម្រិតសិក្សាដូចគ្នា។

ពិតណាស់ថា មិនមែនរាល់បញ្ហា សុទ្ធតែអាចដោះស្រាយបានទេ ហើយក៏មិនមែនមានន័យថាគ្រប់ការដោះស្រាយនឹងនាំមកនូវ លទ្ធផលល្អដូចគ្នា ប៉ុន្តែការដោះស្រាយជាចំណេះ ដែលជាបទពិសោធន៍ក្នុងជីវិតមនុស្សគ្រប់គ្នានិងគ្រប់វិជ្ជាជីវៈ។

បញ្ហាតែងតែកើតមាន តែវាអាចធ្វើទុក្ខយើងបាន ឬមិនអាចរំខានយើង ដរាបណាយើងជឿជាក់លើខ្លួនឯងថា នឹងរកឃើញដំណោះស្រាយ ឬធ្វើឲ្យអស់ពីលទ្ធភាព។

ដោយ ៖ សុភា

ប្រភព ៖ Entertainer

ចុចអាន៖ប្រសិនសង្ស័យថា មិត្តភក្តិកំពុងលេងល្បិច កេងចំណេញលើយើង

ចុចអាន៖លេង FACEBOOK យ៉ាងណាកុំឲ្យសុខភាពផ្លូវចិត្តយុវវ័យរងការប៉ះពាល់?

Related Topics:អំពីមេដឹកនាំ