អាជីព
កសិករ២គ្រួសារងាកមកចាប់របរដាំឈូករកចំណូលបានរាល់ថ្ងៃ
ប្រជាកសិករ២គ្រួសារ បានផ្លាស់ប្ដូរពីរបរធ្វើស្រែ មកចាប់យករបរដាំឈូក នៅលើផ្ទៃដី ៥ ហិកតា ស្ថិតនៅអាងភាស ស្រុកឯកភ្នំ ខេត្តបាត់ដំបង ធ្វើឱ្យសេដ្ឋកិច្ចគ្រួសាររបស់ពួកគាត់មានភាពប្រសើរជាងមុន។
![](https://www.kampucheathmey.com/wp-content/uploads/2023/03/Screenshot_20230323_103955_2.jpg)
ក្នុងសកម្មភាពកំពុងប្រមូលផលឈូក លោក ពុយ ភារុន និងលោកស្រី ក្រេប ដារ៉ា ដែលអ្នកទាំង ២គ្រួសារនេះ រស់នៅក្នុងឃុំពាមឯក ស្រុកឯកភ្នំ ខេត្តបាត់ដំបង បានឲ្យដឹងថា វាលដំណាំឈូកដែលជាកម្មសិទ្ធអ្នកទាំងពីរគ្រួសារនេះមានទំហំ ៥ ហិកតាដោយបានផ្លាស់ប្តូរពីស្រូវមកដាំដំណាំឈូករួមគ្នាបានជាង ៣ឆ្នាំ កន្លងមកហើយ ក្រោយពីធ្វើដំណាំស្រូវ មិនសូវមានលទ្ធផលល្អសម្រាប់ផ្គត់ផ្គង់គ្រួសារកន្លងមក។
លោក ពុយ ភារុន បានប្រាប់ថា ដំបូងឡើយ ក្រោយពីទិន្នផលស្រូវ មិនសូវបានហុចកម្រៃចំណេញដោយសារតែទីផ្សារ ឡើងចុះតាមមាត់ឈ្មួញ លោកក៏សម្រេចចិត្ត ផ្លាស់ប្តូរមុខរបរ ដោយលោកសង្កេតឃើញទីផ្សាររបស់ដំណាំឈូកល្អ ម្យ៉ាង ទៀតលោកថានៅតំបន់ខាងលើនេះ មិនមានអ្នកដាំឈូកផង ទើបលោក និងអ្នកស្រី ក្រេប ដារ៉ា សម្រេចចិត្តនាំគ្នាដាំឈូក តែម្តង ដែលរហូតមកដល់ពេលនេះជាង ៣ឆ្នាំហើយ។
![](https://www.kampucheathmey.com/wp-content/uploads/2023/03/Screenshot_20230323_103800_2.jpg)
លោកស្រី ក្រេប ដារ៉ា បានឲ្យដឹងដែរថា ក្រោយពីលោកស្រីប្រកបរបរ ដាំឈូកនេះ គ្រួសាររបស់លោកស្រីមិនសូវដាច់លុយចាយនោះទេ គឺលុយចូលជាបន្តបន្ទាប់តាមរយៈផលដំណាំឈូកនេះ ហើយអតិថិជនគេមកទិញដល់កន្លែង ទាំងគ្រាប់ទុំទាំង ផ្លែចាស់ ខ្ចី មិនដែលលោះថ្ងៃនោះទេ។
ដោយលោកស្រីបញ្ជាក់ថា ក្នុងមួយថ្ងៃអ្នកស្រីអាចរកចំណូលបានចន្លោះពី ៦ ដល់ ១០ មុឺនរៀលគ្រាន់បើជាងដំណាំស្រូវខ្លាំងណាស់បើទោះបីមានការហត់នឿយបន្តិចជាងធ្វើដំណាំស្រូវ ក៏លោកស្រីសប្បាយចិត្តដែរ។ លោកស្រីបន្តថា រាល់ថ្ងៃសសីលលោកស្រីបានយកផ្កា និងស្លឹកទៅលក់នៅតាមទីផ្សារបានមួយផ្នែកទៀតផងជាពិសេស ក្រអៅឈូក ក៏ត្រូវការល្អដែរសម្រាប់ធ្វើជាម្ហូបអាហារយ៉ាងឆ្ងាញ់តាមតែអ្នកច្នៃប្រឌិត។
![](https://www.kampucheathmey.com/wp-content/uploads/2023/03/Screenshot_20230323_104112_2.jpg)
លោកស្រីបន្តថា៖ «ខ្ញុំអត់បោះបង់ទេការដាំឈូកនេះ ខ្ញុំចូលចិត្ត បើទោះបីហត់នឿយបន្តិចមែន តែមានលុយចាយ មិនដែលដាច់ទេ។ កាលពីខ្ញុំធ្វើស្រែ មិនត្រឹមចាយមិនគ្រាន់ទេ ព្រមទាំងជំពាក់គេទៀត ដោយសារតែចំណាយសព្វគ្រប់ ដូច ជាថ្លៃ ជី ភ្ជួរ រាស់ ជាដើម ហើយបានផលលក់មិនបានតាមតម្រូវការទៀត ឈ្មួញចេះតែទម្លាក់ថ្លៃ ចុះឡើង ឡើងចុះ មិនចេះចប់ ចឹងហើយទើបជំពាក់គេ តែដំណាំឈូកគឺល្អ បានជីវភាពគ្រប់គ្រាន់ មិនជំពាក់គេ លុយចាយមិនដាច់ ចឹងហើយទើបខ្ញុំ មិនបោះបង់មុខរបរថ្មីនេះចោល ហើយឈូក ទទួលផលបាន២ទៅ ៣ ដងក្នុងមួយឆ្នាំ»។
ដូចគ្នាដែរ លោក ពុយ ភារុន រម្លឹកថា៖ «កាលពីធ្វើស្រូវលុយអត់សល់ក្នុង ១ រដូវៗ ថ្លៃស្រូវធ្លាក់ច្រើនជាង ឡើងថ្លៃរាល់ឆ្នាំ ហើយទិញជីគីមីមកប្រើប្រាស់ឲ្យបានទិន្នផលច្រើន តែតម្លៃទាប មិនចង់គ្រប់ថ្លៃជីផង។ ម្យ៉ាងទៀត ជី គីមី អាចធ្វើឲ្យខូចគុណភាពដី ថែមទៀត ហើយតម្លៃជីក៏ថ្លៃ»។
![](https://www.kampucheathmey.com/wp-content/uploads/2023/03/Screenshot_20230323_104009_2.jpg)
លោកបន្តថា៖ «ជាង៣ឆ្នាំហើយដែលខ្ញុំបានធូរស្រាលជីវភាពតាមរយៈមុខរបរដាំឈូកនេះ ហើយពួកខ្ញុំទាំង២គ្រួសារនេះ ក្នុងការដាំឈូកមិនមានជំនាញពីខាងណាទេ គឺដាំតាមគេឯង ដែលបានដាំមុនៗ ហើយសម្រាប់ការប្រឈម និងផលអាក្រក់នោះគឺ សត្វខ្យង និងដង្កូវវាមក បំផ្លាញ តែខ្ញុំបានប្រើថ្មាំ សម្លាប់ ហើយខ្ញុំទុកទឹកត្រឹមជង្គង់ប៉ុណ្ណោះ មិនឲ្យទឹកជ្រៅពេកទេ»។
លោកថា បច្ចុប្បន្នឈូករបស់លោក មិនពិបាករកទីផ្សារទេ ដោយសារមានអតិថិជនមកទិញដល់កន្លែង ជាពិសេសអ្នកមកលេងកម្សាន្ដនៅអាងភាស និងមើលកម្សាន្តវាលឈូក ពេលត្រឡប់ទៅវិញពួកគេក៏ទិញផ្ញើសាច់ញាតិ។
![](https://www.kampucheathmey.com/wp-content/uploads/2023/03/Screenshot_20230323_104048_2.jpg)
បើទោះបីយ៉ាងណាលោកក៏សំណូមពរដល់មន្ត្រីនៃមន្ទីរជំនាញកសិកម្មជួយជំរុញបច្ចេកទេសដាំដល់កសិករដែលប្រកបមុខរបរមួយនេះឲ្យកាន់តែប្រសើឡើង ខណៈពួកគាត់លើកឡើងថា ការដាំគឺធ្វើឡើងតៗគ្នាប៉ុណ្ណោះមិនមានជំនាញផ្នែកដាំណាមួយនោះទេ។ មន្ត្រីកសិកម្មអះអាងថា មន្ទីរកសិកម្មមិនទាន់មានគោលការណ៍ណាមួយពាក់ព័ន្ធនឹងដំណាំឈូកនៅឡើយនោះទេ៕
អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?