អាជីព
ចង់ក្លាយជាលេខាធិការនៃកម្រិតអគ្គនាយក ត្រូវរៀនអ្វីខ្លះ?
លេខាធិការមេដឹកនាំកំពូលៗតែងទទួលខុសត្រូវលើកិច្ចការរដ្ឋបាល ផែនការនិងការរៀបចំអង្គភាព ដែលពាក់ព័ន្ធនឹងការថែរក្សាមូលដ្ឋានរឹងមាំនៃអាជីវកម្ម។ ពួកគេមានកិច្ចការប្រចាំថ្ងៃជាច្រើនប្រភេទ ឈឺក្បាល ដូចជារៀបចំទូរស័ព្ទ រៀបចំណាត់ជួប និងរៀបចំកម្មវិធីប្រជុំ រៀបចំប្រព័ន្ធឯកសារ និងរៀបចំអ៊ីមែល។ ភាគច្រើនលេខាធិការ ធ្វើការសម្រាប់អាជីវកម្មច្បាប់ឬការិយាល័យវេជ្ជសាស្ត្រ មន្ទីរពេទ្យ ធុរកិច្ចធំៗ ប៉ុន្តែមុខតំណែងខ្លះអនុញ្ញាតឱ្យលេខាធិការធ្វើការពីផ្ទះជាជំនួយការបានដូចគ្នា។
លេខាធិការភាគច្រើនមានកាលវិភាគពេញម៉ោង ទោះបីជាអ្នកដែលធ្វើការពីផ្ទះអាចមានកាលវិភាគដែលអាចបត់បែនបានយ៉ាងណានៅតែរវល់ និងស្មុគស្មាញ។ លេខាធិការតែងត្រូវគ្រប់គ្រងព័ត៌មានសម្ងាត់របស់នាយចៅហ្វាយ ដូច្នេះពួកគេត្រូវតែចេះគោរពវិន័យខ្ជាប់ខ្ជួន។
នៅឆ្នាំ ២០១៩ កន្លងមកនេះ ការិយាល័យស្ថិតិការងារសហរដ្ឋអាមេរិកបានរាយការណ៍ពីប្រាក់ចំណូលជាមធ្យមសម្រាប់លេខាធិការនិងជំនួយការរដ្ឋបាល មានប្រមាណជា ៣,៩៨៥ ដុល្លារប្រចាំខែ។
តម្រូវការអាជីព
ដើម្បីក្លាយជាលេខាធិការគ្រប់គ្នាត្រូវការសញ្ញាបត្រមធ្យមសិក្សា។ សញ្ញាបត្រកម្រិតឧត្តម (មហាវិទ្យាល័យ) ជាធម្មតាមិនត្រូវបានទាមទារប៉ុន្មានទេ សម្រាប់មុខតំណែងការិយាល័យទូទៅ ប៉ុន្តែលើកលែងតែនៅស្ថាប័នច្បាប់និងវេជ្ជសាស្ត្រ។ ពួកគេរមែងតែងតែទទួលបានការបណ្តុះបណ្តាលការងារបន្ថែម ដើម្បីជួយអ្នកឱ្យប្រើនីតិវិធីការិយាល័យល្អ ខណៈជំនាញសំខាន់ៗដែលត្រូវការសម្រាប់អាជីពនេះរួមមាន៖
ជំនាញរៀបចំអង្គភាពការទំនាក់ទំនងលាយល័ក្ខអក្សរ
សមត្ថភាពភាសាកាន់តែច្រើនរឹតល្អ សម្រួលក្នុងជួយបកប្រែការសម្ងាត់នានាបាន
សុចរិតភាព ទុកចិត្តបាន
ភាពរាក់ទាក់ បុគ្គលិកលក្ខណៈថ្លៃថ្នូរ
ចំណេះដឹងអំពីកម្មវិធីកុំព្យូទ័រការិយាល័យស្ទាត់រហ័ស។
ជំហានដើម្បីក្លាយជាលេខានៃអគ្គនាយកបាន
ជំហ៊ានទាំង ៥ ដែលអាចរុញខ្លួនឯងទៅដល់តួនាទីជាលេខាធិការនៅកំពូលការិយាល័យ៖
១ បញ្ចប់វគ្គសិក្សាការងារការិយាល័យ
ជាញឹកញាប់និស្សិតបញ្ចប់ការសិក្សានៅវិទ្យាល័យ ដែលបានចូលរៀនវគ្គសិក្សាមានលក្ខណៈសម្បត្តិគ្រប់គ្រាន់សម្រាប់ការងារកម្រិតចូលដំបូង។ វគ្គសិក្សាទាំងនេះជាធម្មតាត្រូវបានបង្ហាញឱ្យរៀនតាមរយៈកម្មវិធីវិជំនាញការិយាល័យមូលដ្ឋាន។
២ រើសវិស័យណាមួយដែលយើងចង់
លេខាធិការធ្វើការនៅក្នុងបរិស្ថានជាច្រើនប្រភេទខុសគ្នា អាចជាធនាគារ ខាងទូរទស្សន៍ ខាងឌីជីថល ខាងភេសជ្ជៈគ្រឿងឧបភោគ ប៉ុន្តែភាគច្រើនត្រូវបានជួលឱ្យធ្វើការនៅក្នុងស្ថាប័នច្បាប់វេជ្ជសាស្ត្រឬអង្គភាពអាជីវកម្ម។ លេខាធិការដែលមានសេចក្តីប្រាថ្នាច្បាស់លាស់ គួរតែសម្រេចចិត្តជ្រើសរើសមុខវិជ្ជាណាដែលពួកគេចាប់អារម្មណ៍សិន មុនពេលបន្តការបណ្តុះបណ្តាលឬដាក់ពាក្យសុំការងារ។ ដោយសារការងារទាំងនេះជាច្រើនអាចត្រូវការការបណ្តុះបណ្តាលលើសពីអ្វីដែលបានរៀននៅវិទ្យាល័យ និស្សិតអាចនឹងត្រូវចូលរៀននៅមហាវិទ្យាល័យមុនពេលទទួលបានតំណែង។ ក៏មានប្រយោជន៍ផងដែរក្នុងការទទួលបានចំណេះដឹងមួយចំនួនដែលពាក់ព័ន្ធនឹងវិស័យខ្លួនចង់ទៅនេះ។
៣ បន្តយកសញ្ញាបត្រក្រោយអនុវិទ្យាល័យឬវិញ្ញាបនបត្រ
មហាវិទ្យាល័យសហគមន៍ជាច្រើនផ្តល់កម្មវិធីរយៈពេលមួយឆ្នាំនិងពីរឆ្នាំក្នុងមុខជំនាញការគ្រប់គ្រងការិយាល័យ។ និស្សិតដែលឆ្លងកាត់វគ្គសិក្សាទូទៅដូចជា ការគ្រប់គ្រងការិយាល័យ ការសរសេររបាយការណ៍ ការថែរក្សាគណនេយ្យ ការសរសេរពាក្យ ការបោះពុម្ពលើតុនិងទំនាក់ទំនងអាជីវកម្ម គួរតែបន្តរៀនជំនាញដែលផ្តល់កម្មវិធីជួផ្នែកវេជ្ជសាស្ត្រឬពាក្យបច្ចេកទេសនិងនីតិវិធី។ល។
៤ ស្វែងរកតំណែងលេខាធិការ
ការិយាល័យជាច្រើនប្រភេទ ស្វែងរកជួលលេខាធិការមកជានិច្ច រួមមានការិយាល័យពាណិជ្ជកម្មកន្លែងពេទ្យនិងក្រុមហ៊ុនច្បាប់។ លេខាធិការក៏អាចបើកអាជីវកម្មនៅផ្ទះផ្ទាល់ខ្លួនដោយធ្វើការជាជំនួយការនិម្មិតដែរទៅថ្ងៃមុខ។ ក៏អាចមានទីភ្នាក់ងារធនធានមនុស្សច្រើនទៀតដែលយើងអាចដាក់ CV នៅនឹងគេ ដើម្បីឱ្យគេជួយរកការងារឱ្យ។
៥ បន្តឈានមុខគេក្នុងវិស័យដែលកំពុងធ្វើ
បន្ទាប់ពីទទួលបានបទពិសោធ និងធ្វើជាម្ចាស់លើមុខតំណែងតួនាទីលេខាធិការហើយ មនុស្សជាច្រើនអាចឈានទៅរកមុខតំណែងជាអ្នកត្រួតត្រាឬប្រតិបត្តិតែម្តង ដោយសារសមត្ថភាពរៀនសូត្ររបស់ពួកគេ។ មុខតំណែងទាំងនេះផ្តល់ប្រាក់ខែល្អប្រសើរជាងមុនហើយជាទូទៅមានការទទួលខុសត្រូវច្រើនជាងមុន រួមទាំងការគ្រប់គ្រងបុគ្គលិកផ្សេងៗទៀតដែលគេមានបទពិសោធន៍នឹងបានឃើញមកស្រាប់។
ប្រែសម្រួល ៖ សុភា
ប្រភព ៖ study.com
ចុចអាន៖ ជំនាញទំនាក់ទំនង៖ កសាងមិត្តភាពល្អនៅកន្លែងធ្វើការ
ចុចអាន៖ ជំនាញទន់ ៖ ឥរិយាបថដឹកនាំក្រុម Team Player Attitude អាចរៀនបាន
ម្ចាស់ផលិតកម្ម LD ប្រកាសថា បើជំនួបវិនិយោគរឿងរបស់ Allan មិនជោគជ័យ មករកលោក
កូនស្រី ខាន់ ជេមស៍ ដើរតាមគន្លងធម៌ និងស្ដាប់ដំបូន្មានឪពុក-ម្ដាយ ខណៈអាជីពសិល្បៈរីកដុះដាល
កូនស្រី ខាន់ ជេមស៌ ដើរតាមគន្លងធម៌និងស្ដាប់ដំបូន្មាន ខណ:អាជីពសិល្ប:ក៏រីកដុះដាល
អ្នកធ្វើដំណើរមកពីប្រទេសកម្ពុជានឹងមានជម្រើសហោះហើរទៅកាន់អាមេរិកខាងជើង
ទោះសម្រាកតិច គ្រូ Pathum រំពឹងឈ្នះព្រះខ័នរាជស្វាយរៀងយប់នេះ
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
មន្ត្រីជំនាញកំពុងជួសជុលផ្លូវបេតុងដែលបាក់ស្រុតនៅប្រឡាយស្ទឹងមានជ័យយ៉ាងយកចិត្តទុកដាក់ និងឆាប់រហ័សជូនពលរដ្ឋ
លោក លៀក លីដា ចាត់ទុកការរិះគន់របស់ Allan ជារឿងដែលល្ងង់
-
ព័ត៌មានជាតិ៦ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៦ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ១ សប្តាហ៍ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ២ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២២ ម៉ោង agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ