អាជីព

អាជីព ៥ ទទួលបានប្រាក់ខែខ្ពស់បំផុត

បានផុស

២ years មុន

នៅ

ថ្ងៃសុក្រ ២៥ សីហា ២០២៣

ដោយ

មកដល់សម័យបច្ចុប្បន្ននេះ អាជីពដែលមានប្រាក់ខែខ្ពស់ជាច្រើនតែងនៅក្នុងឧស្សាហកម្មផ្សេងៗគ្នា។ នោះអាចបង្កើតចំណូលបានច្រើនសម្រាប់មនុស្សម្នាក់។ សូមចំណាំថាសក្ដានុពលនៃការរកប្រាក់ចំណូល អាចប្រែប្រួលដោយផ្អែកលើកត្តាដូចជាទីតាំង បទពិសោធន៍ ការអប់រំ និងតម្រូវការជំនាញជាក់លាក់។

នេះគឺជាឧទាហរណ៍មួយចំនួននៃអាជីពដែលមានប្រាក់ខែខ្ពស់បំផុត៖

១ អ្នកជំនាញផ្នែកវេជ្ជសាស្ត្រ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត គ្រូពេទ្យវះកាត់ អ្នកប្រើថ្នាំសន្លប់ និងអ្នកជំនាញផ្នែកវេជ្ជសាស្ត្រផ្សេងទៀត។ ជារឿយៗទទួលបានប្រាក់បៀវត្សរ៍ខ្ពស់ដោយសារតែការអប់រំ និងការបណ្ដុះបណ្ដាលទូលំទូលាយ ដែលត្រូវការសម្រាប់តួនាទីរបស់ពួកគេ។

២ ទន្តបណ្ឌិត

នេះជាការពិត ជាពិសេសនៅក្នុងជំនាញពិសេសដូចជា គ្រូពេទ្យវះកាត់មាត់ ឬគ្រូពេទ្យធ្មេញ។ អាចបង្កើតប្រាក់ចំណូលបានច្រើន។ ប្រសិនបើអ្នកចេះជំនាញពិតប្រាកដ និងយកវិជ្ជាជីវៈទៅប្រកួតប្រជែងនៅសង្គមដែលពួកគេធ្វើការ។

៣ ឱសថការី

ឱសថការីដែលចែកចាយថ្នាំ និងផ្តល់ដំបូន្មានវេជ្ជសាស្រ្តអាចទទួលបានប្រាក់ខែប្រកួតប្រជែង។ យ៉ាងណាមិញ ប្រសិនបើអ្នកមានឱសថការីខ្លួនឯង នោះកាន់តែបង្កើនប្រាក់ចំណូលលើសនេះផងដែរ។

៤ អ្នកគ្រប់គ្រងផ្នែកព័ត៌មានវិទ្យា

អ្នកគ្រប់គ្រងផ្នែកបច្ចេកវិទ្យាព័ត៌មាន (IT) ដែលគ្រប់គ្រងប្រព័ន្ធបច្ចេកវិទ្យា បណ្ដាញ និងក្រុមការងារអាចទទួលបានប្រាក់ខែខ្ពស់ ដោយសារតែសារៈសំខាន់នៃបច្ចេកវិទ្យាក្នុងអាជីវកម្ម។

៥ វិស្វករក្នុងឧស្សាហកម្មប្រេង

Petroleum Engineer ឬ វិស្វករក្នុងឧស្សាហកម្មប្រេង ជាពិសេសអ្នកដែលពាក់ព័ន្ធនឹងការរុករក និងទាញយករ៉ែ។ អាចទទួលបានប្រាក់ខែច្រើនដោយសារលក្ខណៈនៃការងារលំបាករបស់ពួកគេ។

ទោះយ៉ាងណាក៏ដោយ វាជារឿងសំខាន់ក្នុងការកត់សម្គាល់ថា ការរកប្រាក់ចំណូលពីអាជីពតែម្នាក់ឯងអាចនឹងមិននាំទៅដល់ការពេញចិត្តការងាររយៈពេលវែងនោះទេ។ ចំណុចនេះគួរត្រូវយកមកពិចារណា នៅពេលជ្រើសរើសផ្លូវអាជីព។ លើសពីនេះ ទីផ្សារការងារ និងរចនាសម្ព័ន្ធប្រាក់ខែអាចផ្លាស់ប្តូរតាមពេលវេលាថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖៤ កត្តាធំៗ ជាឧបសគ្គរារាំង ពេលដាក់ពាក្យស្វែងរកការងារ