អាជីព

បាត់ការគោរពនៅកន្លែងធ្វើការ ដោយសារសកម្មភាពទាំង ៤ យ៉ាងនេះ

បានផុស

៤ years មុន

នៅ

ថ្ងៃពុធ ៤ វិច្ឆិកា ២០២០

ដោយ

មានដែលឆ្ងល់ទេ ថាម៉េចគេផ្សេងធ្វើការរួមជាមួយយើង តែងតែទទួលបានការគោរពពីមនុស្សជុំវិញខ្លួន ជាពិសេស ការឱ្យតម្លៃពីចៅហ្វាយពិសេសតែម្ដង ចំណែកយើងវិញខំធ្វើការឡើងជិតដុះស្នឹមហើយ តែបែរជាគ្មានបានការមើលឃើញ?

Kpt Plus នឹងបង្ហាញនូវចំណុច ៤ យ៉ាង ដែលបុគ្គលិកម្នាក់ៗគួរពិចារណា បើចង់ឲ្យអ្នកជុំវិញខ្លួនគោរពនិងផ្ដល់តម្លៃនៅកន្លែងធ្វើការ៖

១. ផ្ញើអ៊ីមែលរញ៉េរញ៉ៃមិនច្បាស់លាស់

បើយើងចូលចិត្តបង្កើតទម្លាប់ផ្ញើអ៊ីមែលឬសារវែងឆ្ងាយដូចកំណាព្យ ហើយថែមទាំងលាយឡំនឹងកំហុស នោះគេនឹងចាប់ផ្ដើមធុញទ្រាន់។ ប្រការល្អគួរបង្កើតអ៊ីមែលច្បាស់ៗ ខ្លីនិងគ្មានកំហុសនៅកន្លែងធ្វើការ នោះយើងនឹងមានជំហររឹងមាំចាប់ពីវិនាទីនេះទៅ។

នាយកប្រតិបត្តិរបស់ក្រុមហ៊ុន ១៦ ពាន់លានដុល្លារ លោកស្រី Julie Sweet មានប្រសាសន៍ថា ថៅកែយកចិត្តទុកដាក់ចំពោះរបៀបដែលបុគ្គលិកធ្វើការទំនាក់ទំនងតាមអ៊ីមែល។ ទោះបីជាលោកស្រីជានាយកប្រតិបត្តិកំពូលក៏ដោយ ក៏លោកស្រីនៅតែចំណាយពេលរាល់ឆ្នាំដើម្បីធ្វើឲ្យប្រសើរឡើងនូវជំនាញទំនាក់ទំនងនេះ។

យោងតាមទិន្នន័យដែលបានចងក្រងដោយ Monster ពីការផ្សព្វផ្សាយការងារចំនួន ៩៤៣,០០០ កន្លែង នៅទូទាំងទីផ្សារបានឲ្យដឹងថា ការប្រាស្រ័យទាក់ទងគ្នាបានល្អ គឺជាជំនាញទន់ទូទៅ ដែលនិយោជិកកំពុងស្វែងរក។

២. តែងតែសង្ស័យលើខ្លួនឯង

តាមការស្រាវជ្រាវបង្ហាញថា មនោសញ្ចេតនាឆ្លងរាលដាលលឿន បើយើងមានអារម្មណ៍អន់ចិត្តខ្លួនឯង នោះអ្នកដទៃអាចចាប់ផ្ដើមកត់សម្គាល់ឃើញ។ Brian Wong អាយុ ២៦ ឆ្នាំជាសហគ្រិនម្នាក់ដែលធ្វើការជាមួយក្រុមហ៊ុនកំពូលៗ ដូចជា Pepsi និង McDonald និយាយថា ទំនុកចិត្តមានសារៈសំខាន់ណាស់ក្នុងការកសាងកេរ្តិ៍ឈ្មោះល្អ។ ហើយការថែរក្សាខ្លួនឯងឲ្យមានទំនុកចិត្តច្រើនជាងមុននៅកន្លែងធ្វើការ គឺជាការអភិវឌ្ឍទំនុកចិត្ត និងបំបាត់រាល់ការសង្ស័យលើខ្លួនឯង។

៣. មិនដែលជួយសម្រាលទុក្ខចៅហ្វាយឬមិត្តរួមការងារ

បើយើងទម្លាប់ប្រកាន់ខ្លួន ធ្វើតែការងាររបស់ខ្លួន មិនចង់ជួយចៅហ្វាយឬអ្នកជុំវិញខ្លួនទេ ដូចកំពុងតែធ្វើឲ្យខូចកេរ្តិ៍ឈ្មោះ ឬអាជីពរបស់ខ្លួនកាន់តែអាក្រក់ប៉ុណ្ណោះ។

មហាសេដ្ឋី Warren Buffett មានប្រសាសន៍ថា “ ភាពខុសគ្នារវាងមនុស្សជោគជ័យនិងមនុស្សមិនជោគជ័យ គឺថាមនុស្សដែលជោគជ័យមិនដែលទម្រន់ការងារ និងតែងជួយអ្នកជុំវិញខ្លួនជានិច្ច” ។ ចំពោះចៅហ្វាយការស្នើសុំជំនួយរបស់ពួកគេ ដូចផ្ដល់អាទិភាពដល់ការងាររបស់យើង ហើយក៏អាចកាត់បន្ថយភាពតានតឹង ឬបន្ទុកធ្ងន់ករបស់គាត់ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលយើងមានអាទិភាពលើការងារ មិនត្រឹមតែជោគជ័យនោះទេ ហើយក៏ជាវិធីល្អមួយដែលមេនឹងដំឡើងឋានៈការងារនិងប្រាក់ខែដល់យើងដែរ។

៤. មិនដែលជួយសង្គមឬផ្លាស់ប្ដូរការគិត

ទោះបីជាអង្គុយនៅតុធ្វើការពេញមួយថ្ងៃងាយស្រួលក៏ដោយ ក៏ត្រូវតែដើរចេញទៅក្រៅ ដើម្បីកម្សាន្តឬជួបមនុស្សថ្មីៗដែរ។ អ្នកស្រាវជ្រាវនិងអ្នកនិពន្ធលក់ដាច់បំផុតលោក Shawn Achor បានរកឃើញថា មនុស្សដែលបង្ហាញការគាំទ្រសង្គមដល់អ្នកដទៃ ដូចបានជួយអាជីពរបស់ពួកគេនៅក្នុងដំណើរការនេះបានច្រើនរាប់មិនអស់។

លោកសរសេរថា“ យើងម្នាក់ៗគឺដូចជាមេអំបៅដែលមានឥទ្ធិពល” ហើយការផ្លាស់ប្ដូរតូចៗ ឆ្ពោះទៅរកផ្នត់គំនិតវិជ្ជមាន អាចបញ្ជូនឥទ្ធិពលវិជ្ជមានតាមរយៈអង្គការ ក្រុមគ្រួសារ និងសហគមន៍របស់យើង៕

ចុចអាន៖ក្បួនពិសេសទាំង ៥ សម្រាប់យុវវ័យក្នុងការជ្រើសរើសអាជីពឬការងារ

ចុចអាន៖៥ ចំណុចគួរធ្វើបើចង់ទាក់ទាញបុគ្គលិកល្អនៅធ្វើការយូរអង្វែង

ប្រែសម្រួល៖ សាងស្រីល័ក្ខ

ប្រភព៖ cnbc

Related Topics:បង្កើនសមត្ថភាពខ្លួន