អាជីព

អ្វីដែលមិនគួររំលងនៅក្នុងcvដាក់ពាក្យសុំការងារ

បានផុស

៤ years មុន

នៅ

ថ្ងៃព្រហស្បតិ៍ ៥ វិច្ឆិកា ២០២០

ដោយ

មនុស្សគ្រប់គ្នាត្រូវការប្រវត្តិរូបសង្ខេប មិនថាពួកគេកំពុងដាក់ពាក្យសុំការងារ ឬគ្រាន់តែរក្សាជម្រើសឲ្យបើកចំហ។ មានស្ទិលគំរូនិងទម្រង់ផ្សេងៗគ្នាជាច្រើន ដែលអាចរកបាននៅលើអ៊ីនធឺណិត ប៉ុន្តែតើអ្វីដែលចាំបាច់នៅក្នុងប្រវត្តិរូប?

១. ព័ត៌មានទំនាក់ទំនងរបស់យើង

នេះជាអ្វីដែលប្រវត្តិរូបមិនអាចខ្វះបាន។ មនុស្សម្នាក់បានដាក់ពាក្យសុំការងារនៅពេលសម្ភាសន៍ ប្រធានតែងចង់ផ្ដល់ឲ្យពួកគេនូវមុខតំណែង តែបែរជាមិនអាចទាក់ទងបាន។ បញ្ហាគឺថាពួកគេភ្លេចដាក់ព័ត៌មានទំនាក់ទំនងណាមួយ លើប្រវត្តិរូបសង្ខេបរបស់ពួកគេ។

ដូច្នេះរាល់ប្រវត្តិរូបសង្ខេប ត្រូវមានឈ្មោះបេក្ខជន អាសយដ្ឋាន លេខទូរស័ព្ទ និងអាសយដ្ឋានអ៊ីមែលផងដែរ។

២. ជំនាញពាក់ព័ន្ធ

នេះជារឿងសំខាន់ក្នុងការបង្ហាញមេ ពីជំនាញចាំបាច់ពីមុនរបស់យើង ដើម្បីផ្សព្វផ្សាយខ្លួនឯងផង។ អ្វីដែលមិនគួរធ្វើ គឺកុំដាក់នូវជំនាញវែងឆ្ងាយ ដែលអាចធ្វើឲ្យអ្នកសម្ភាសធុញទ្រាន់។

មានហេតុផលល្អៗដែលមនុស្សគ្រប់រូបគួរតែមានប្រវត្តិរូបខុសគ្នាមួយចំនួន ដែលម្នាក់ៗសង្កត់ធ្ងន់លើជំនាញ និងការសង្ខេបនៃមុខវិជ្ជាជាក់លាក់ ដែលពួកគេកំពុងដាក់ពាក្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. ប្រវត្តិការងារ

សូម្បីតែមនុស្សដែលមានបទពិសោធន៍ការងារតិច ឬមិនសូវមានបទពិសោធន៍ក៏ដោយ នេះជាគំនិតល្អក្នុងការដាក់អ្វីមួយចូលទីនោះ ដើម្បីបង្ហាញពីប្រវត្តិការងារល្អពីមុន។ ជាការល្អដែលយើងអាចរក្សាបទពិសោធន៍ការងារចប់ក្នុងមួយឆ្នាំនៅកន្លែងណាមួយ។

សម្រាប់មនុស្សដែលមានបទពិសោធន៍ការងារពាក់ព័ន្ធ នឹងត្រូវផ្ដល់តម្លៃដោយនិយោជិក នៅពេលពួកគេមានប្រវត្តិការងារម្ភៃឬសាមសិបឆ្នាំ។

៤. ការអប់រំ

ក្រៅពីប្រវត្តិការងារជាបទដ្ឋានទូទៅ យ៉ាងហោចណាស់ត្រូវមានមានសញ្ញាប័ត្រមធ្យមសិក្សា។ ដើម្បីកុំឲ្យរញ៉េរញ៉ៃក្នុងប្រវត្តិរូប គឺមិនគួរដាក់សាលាបឋមឬពាក់កណ្ដាល ត្រឹមតែជាឈ្មោះមហាវិទ្យាល័យដែលបានបញ្ចប់ការសិក្សា គឺគ្រប់គ្រាន់ហើយ។

៥. ចំណង់ចំណូលចិត្តនិងការងារស្ម័គ្រចិត្ត

មានការជជែកដេញដោលគ្នាថា តើផ្នែកទាំងនេះមានសារៈសំខាន់ឬអត់ នៅក្នុងប្រវត្តិរូប។ អ្នកខ្លះនិយាយថា អ្វីដែលនរណាម្នាក់ធ្វើនៅក្នុងពេលទំនេរគឺមិនបានចាប់អារម្មណ៍ដល់និយោជិកដែលមានសក្ដានុពលទេ។ អ្នកផ្សេងទៀតនិយាយថាមានសារៈសំខាន់ណាស់ នៅពេលយើងដាក់ពាក្យចូលរួមនៅក្នុងសហគមន៍របស់ពួកគេ។

តាមពិតទៅនេះក៏អាស្រ័យលើស្ថាប័នដែលយើងបានដាក់ពាក្យដែរ។ ឧទាហរណ៍បើមនុស្សម្នាក់ដាក់ពាក្យសុំការងារនៅអង្គការសប្បុរសធម៌ មិនរកប្រាក់ចំណេញ ហើយប្រវត្តិការងារស្ម័គ្រចិត្តឬចំណង់ចំណូលចិត្តរបស់ពួកគេ អាចជាមានសារៈសំខាន់ដល់គេមិនខាន៕

ប្រែសម្រួល៖ សាង ស្រីល័ក្ខ

ប្រភព៖bornrealis

Related Topics:ស្វែងរកការងារ