អាជីព
ទោះការងារនៅកន្លែងដដែលៗច្រើនឆ្នាំក្តី មានវិធីលើកកម្ពស់សន្ទុះចិត្តជានិច្ច
ធ្វើដូចម្តេចដើម្បីលើកកម្ពស់ការងារដដែលៗ នៅកន្លែងមួយយូរឆ្នាំនិងមិនមើលទៅគួរឱ្យធុញទ្រាន់បាន?
«ការងាររមែងតែងនិយាយប្រាប់អំពីលទ្ធភាពពិត និងចរិតលក្ខណៈអាជីពនៃបុគ្គលណាម្នាក់ ដោយម្ចាស់វាមិនចាំបាច់ហើបមាត់!»
១ រកគន្លឹះធ្វើឱ្យការងាររបស់យើងលេចធ្លោ
ចង់ផ្លាស់ប្តូរទស្សនៈអ្នកដទៃមកលើយើងជារឿងគួរឱ្យហត់មួយ តែប្រសិនបើយើងខ្លាំងក្នុងភាពជាខ្លួនឯង យើងនឹងមិនខ្វល់អ្នកណាថា យ៉ាងណាឡើយព្រោះទិន្នផលការងារ និងនិយាយជំនួសយើងបានតែម្តង។ អ្នកគ្រប់គ្រងនិងថៅកែមានកិច្ចការជាច្រើនដែលត្រូវធ្វើ ឬដោះស្រាយ ដូច្នេះពួកគេមិនសូវចំណាយលើការដឹងឮរឿងរ៉ាវដ្រាម៉ាទេ។ ចង់ឱ្យលេចធ្លោក្នុងអារម្មណ៍ពួកគេមិនចាំបាច់ធ្វើក្រអឺតក្រទមឬអំនួតឡើយ ដោយគ្រាន់តែ បង្ហាញលទ្ធផលការងារទៅ ព្រោះលទ្ធផលនិយាយបានឮជាងសម្តីមនុស្សយើង។
២ ច្បាស់ពីចំណុចខ្លាំងរបស់ខ្លួនឯង
គ្រប់គ្នាមានទេពកោសល្យតាមរបៀបដែលអ្នកផ្សេងគ្មាន ឬមិនយល់ច្បាស់ជាងសាមីខ្លួនយើងឡើយ។ យើងគួរដឹងពីចំណុចដ៏មានតម្លៃរបស់យើងនៅទីនេះ ថា តើពូកែខាងអ្វី? មានសន្ទុះចិត្តមិនប្តូរការងារព្រោះអ្វី? ពូកែបណ្តុះបណ្តាលមនុស្សថ្មីៗ ពូកែលើកទឹកចិត្ត ពង្រឹងស្មារតីរបស់រួមក្រុមពេលមានទុក្ខលំបាក? អាចរៀនសរសេរបញ្ជីនៃចំណុចខ្លាំងខ្លួន ដោយចាប់ផ្តើមពីជំនាញបច្ចេកទេស ហើយបន្ទាប់មកជំនាញទន់ នីមួយៗដោយច្បាស់ៗ។
៣ មានគម្រោងសំខាន់ៗ
គិតអំពីទាំងអស់ដែលបានធ្វើនិងរបៀបដែលគម្រោងទាំងនេះបានរួមចំណែកដល់ជោគជ័យប្រចាំថ្ងៃនិងក្នុងជីវិត ពិសេសទៅអនាគត។ នេះជាអ្វីដែលយើងគ្រប់គ្នាតែងត្រូវការដើម្បីចេះមនុស្សផ្តោតអារម្មណ៍មិនច្រណែន មិនប្រៀបធៀបនិងមិនរវើរវាយ ។ ការចង់ឱ្យខ្លួនឯងសំខាន់នៅទីណាមួយ មិនមែននិយាយអំពីការធ្វើត្រាប់តាមសមិទ្ធិផលរបស់អ្នកដទៃឡើយ ជាការបង្ហាញពីការចូលរួមចំណែកណាមួយរបស់យើងដែលពិសេស ខ្លាំង និងបត់បែនពិបាករក មកបង្គ្រប់បានពេលអត់ពីយើងទៅ។
៤ ធ្វើឱ្យមិត្តរួមការងារអបអរសាទរ
ទម្លាប់អបអរអ្នកដទៃ នៅពេលពួកគេទទួលបានជោគជ័យ ដែលពួកគេនឹងធ្វើដូចគ្នាចំពោះយើងវិញដែរ។ នេះជាការលើកទឹកចិត្តដែលធ្វើឱ្យយើងនៅកន្លែងណាមួយបានយូរអង្វែងនិងមិនធុញទ្រាន់។ នៅពេលដែលមានឱកាស គួរតែឈោងទៅរកក្រុមផ្សេង ឬនាយកដ្ឋានផ្សេងទៀតដើម្បីពង្រីកវិសាលភាពនៃប្រជាប្រិយនិងការទទួលស្គាល់។ វិធីនោះយើងនឹងក្លាយជាទ្រព្យសម្បត្តិ ជាចំណុចយោងសំខាន់នៃក្រុមហ៊ុនទាំងមូល។
៥ រៀនបញ្ចប់ទម្លាប់ចង់បានជាតួឯក
ជារឿងឆោតល្ងង់បំផុត ក្នុងការគិតថា មនុស្សគ្រប់គ្នាចងចាំសមិទ្ធិផលរបស់យើងហើយយើងតែងតែជាវីរបុរស។ ក្តីសង្ឃឹមនិងបំណងប្រាថ្នាចង់ឱ្យអ្នកដទៃចាប់អារម្មណ៍ខ្លាំងច្រើនតែមិនបានសម្រេចទេ ប្រសិនយើងមិនធ្វើការនិងមិនពង្រីកចំណេះ ជំនាញព្រោះមនុស្សងាយបំភ្លេចអតីតណាស់ គ្រប់គ្នារស់ក្នុងបច្ចុប្បន្នកាល។ កុំទម្លាប់សន្មត់សា្មនៗនូវគំនិតអ្នកដទៃ ។
៦ កសាងបណ្តាញក្រៅក្រុមហ៊ុន
លក់ខ្លួនយើងនៅក្នុងទីផ្សារឬ ពិភពជំនួញមានន័យថា តើ រូបភាពអាជីពរបស់យើងដែលអ្នកក្រៅក្រុមហ៊ុនសម្លឹងមកក្នុងកម្រិតណា ឬក៏ផ្អែកលើរបៀបដែលគេស្គាល់យើងតាមរយៈការងារពាក់ព័ន្ធ មិនមែននៅក្លឹបឬហាងស្រាទេ។ ពិសេសលើបណ្តាញសង្គមតើយើងបានជេរឬនិយាយមិនល្អពីក្រុមហ៊ុនខ្លួនឯងឬចែករំលែកគំនិតនិងខ្លឹមសារណាមួយដ៏មានមោទនភាព ដែលទាក់ទងនឹងវិជ្ជាជីវៈឬវិស័យរបស់យើង គុណតម្លៃនៃក្រុមហ៊ុនយើង៕
ប្រែសម្រួល៖ សុភា
ចុចអាន៖ ជំនាញទំនាក់ទំនង៖ យុទ្ធសាស្ត្រស្តាប់ពាក្យគន្លឹះសំខាន់ៗឱ្យងាយយល់ និងឆាប់ចាំ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល