អាជីព

ប្រកាន់ចំណុចទាំង៥នេះបាន ធានាថាជីវិតការងារតែងតែជោគជ័យ

បានផុស

៤ years មុន

នៅ

ថ្ងៃអង្គារ ១៦ កុម្ភៈ ២០២១

ដោយ

សាង ស្រីល័ក្ខ

អ្នកណាក៏ចង់បានជោគជ័យក្នុងអាជីព ព្រោះអាជីពជាផ្នែកសំខាន់នៃការរស់នៅឯករាជ្យ ខ្លួនទីពឹងខ្លួនដែលជាគុណតម្លៃចម្បងនៃជីវិតមនុស្ស។

ចង់បានអាជីព ឬ មានវិជ្ជាជីវៈជោគជ័យមួយ រយៈពេលវែង ចូរចាប់ផ្ដើមពិចារណាលើចំណុចទាំង៥ខាងក្រោម៖

១ រកមេដឹកនាំដែលចេះប្រើមនុស្ស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យថាចេះប្រើមនុស្ស ចូរកុំគិតទៅរកការឲ្យលុយ ឬពង្វក់មនុស្សឱ្យចេះខូចកាច ព្រោះនៅក្នុងសិល្ប៍វិធីនៃការដឹកនាំនិងគ្រប់គ្រង មេដឹកនាំត្រូវធានាថា ធនធានចំណេះ ជំនាញនិងទេពកោសល្យរបស់បុគ្គលិកត្រូវបានគេស្គាល់ និងឈានទៅប្រើប្រាស់ត្រូវជំនាញ និងយ៉ាងពេញលេញ មិនផ្អឹបទុកចោល។

ចំណុចនេះហើយបានជាមេដឹកនាំត្រូវលំបាកក្នុងការពូកែសង្កេតហើយឈានទៅប្រើនូវទ្រព្យសម្បត្តិបុគ្គលិកលក្ខណៈរបស់និយោជិកឲ្យមានតម្លៃ។

អ្នកដឹកនាំល្អតែងចំណាយពេលវេលាដើម្បីបំបែកភារកិច្ចជាតូចៗ និងបង្កើតវិធីឱ្យក្រុមទាំងមូលសុទ្ធតែមានចំណែកចូលរួម។ ការផ្ដល់ការងារឲ្យបានត្រឹមត្រូវចំចំណុចខ្លាំងរបស់មនុស្សម្នាក់ៗនឹងជំរុញក្រុមការងារឃើញខ្លួនឯងថា ពួកគេថាពួកគេជានរណានិងគួរធ្វើអ្វី ។

២ មានវិន័យមានក្រមសីលធម៌ការងាររឹងមាំ

វិន័យនៃស្ថាប័នដែលមានវប្បធម៌ល្អមួយ មិនមែនផ្តល់ជោគជ័យ ឬផលប្រយោជន៍ ឱ្យតែខាងក្រុមហ៊ុននោះទេ គឺជាជោគជ័យដែលផ្តល់មកដល់ខ្លួនយើងដែរ ម្ល៉ោះហើយ ក្រៅពីរើសមេដឹកនាំ ត្រូវរើសស្ថាប័នទៀត។ សកម្មភាព អាកប្បកិរិយា និងការងារនៃមនុស្សនៅជុំវិញខ្លួនយើង ងាយស្រួលធ្វើឲ្យប្រសើរឡើងនូវអារម្មណ៍នៃជំរុញទឹកចិត្ត ឬបាក់ទឹកចិត្តដូចគ្នា។ ជាមួយគ្នានោះយើងអាចនឹងរងឥទ្ធិពលពីក្រុមការងារមិនល្អ ក្លាយទៅជាអ្វីមួយដែលយើងមិនចង់។ ការរកបានស្ថាប័នដែលមានវប្បធម៌កោតសរសើរ អាកប្បកិរិយារបស់បុគ្គលិកនិងមេដឹកនាំវិជ្ជមាន គ្រឹះនៃក្រមសីលធម៌ល្អ មានផលិតភាពរហ័ស បានន័យថា យើងនេះកំពុងកសាងអនាគតសម្រាប់ខ្លួនឯង។

៣ បង្កើតទម្លាប់កែលម្អខ្លួនឯងជាជាងចង់ទៅកែអ្នកដទៃ

ការបង្កើតអាកប្បកិរិយាល្អ ជាផែនការអទិភាពក្នុងជីវិតមនុស្សម្នាក់ៗ។ កាលយើងនៅក្មេងយើងមិនអាចរើសគ្រួសារ ឬរើសភូមិករដែលយើងរស់នៅបានទេព្រោះយើងមិនអាចចេញមករស់នៅឯកោ។ តែពេលពេញវ័យមានការងារយើងត្រូវចាកចែញមក ហើយបន្សាំខ្លួនឯងទៅនឹងសង្គមរស់នៅ។ យើងមិនអាចរក្សាការជេរ ឬច្រណែន ឬងង៉ក់ឬអ្វីផ្សេងទៀត ដូចកាលពីនៅក្នុងការគ្រប់គ្រងនៃឳពុកម្តាយឡើយ។ គ្រប់គ្នាមិនអាចរើសទីកំណើតបាន តែអាចរើសទីដែលជីវិតខ្លួនចង់ទៅដល់ តាមរយៈការបង្កើតផែនការជីវិត និងការចេះផ្លាស់ប្តូរ។ ការផ្លាសប្តូរដែលជោគជ័យ ត្រូវធ្វើសន្សឹមៗហើយលើកទឹកចិត្តឱ្យមនុស្សល្អៗ បានចូលរួមចំណែកបង្ហាញគំនិត យុទ្ធសាស្ត្រ និងការផ្តល់យោបល់ដើម្បីកែលំអមិនថានៅកន្លែងធ្វើការឬក្នុងជីវិតគូ។

៤ ធ្វើជាគំរូល្អ

ប្រសិនបើយើងចង់ជោគជ័យក្នុងដំណើរការអាជីព ត្រូវតែចិញ្ចឹមចិត្តរៀនធ្វើជាគំរូ តាមរយៈអាកប្បកិរិយាដែលយើងកំពុងស្វែងរកនៅក្នុងខ្លួនអ្នកដទៃ ធ្វើវាមុនគេសិនទៅ។ និយាយម្យ៉ាងទៀតគឺ កុំគ្រាន់តែពូកែនិយាយ ព្រោះការនិយាយដែលគ្មានការពិតជាការអាម៉ាស់។ ប្រសិនបើអយើងចង់អោយគ្រប់គ្នានិយាយការពិត ចូរខ្លួនឯងនេះហើយទម្លាប់និយាយពីការពិតសិន ។

៥ ចាកចេញពីមនុស្សអវិជ្ជមាន

ចាំជានិច្ចថា ការនិយាយអវិជ្ជមាន មិនដែលបង្កើតអ្វីមួយវិជ្ជមានវិញទេ មានតែបង្កើតការខាតបង់និងជម្លោះ។ ធម្មតា ការជម្រុញចិត្តឬដើរតាមបំណងប្រាថ្នា ដែលចង់ធ្វើការងារល្អមានប្រភពចេញពីកន្លែងវិជ្ជមាន និងមនុស្សវិជ្ជមាន ។ មនុស្សជាច្រើន ចង់បានល្អដូចយើង តែមិនចង់ប្រឹងប្រែងទេ គេរើសយកការគិតបែអវិជ្ជមានធ្វើជាលេសនៃភាពបរាជ័័យរបស់ពួកគេ។ មនុស្សវិជ្ជមានតែងប្រើបសក្តានុពលពេញលេញរបស់ពួកគេដែលជារឿយៗត្រូវបានមើលឃើញថា អនុវត្តសម្តីនិងការតាំងចិត្តប្រាកដប្រជា ហើយពួកគេតែងតែមានឱកាសដើម្បីរីកចម្រើនបន្ថែមទៀតមិនឈប់ជាហេតុបណ្តាលឱ្យមនុស្សអវិជ្ជមានងឿងឆ្ងល់និងវិកលព្រោះមិនអាចធ្វើតាមបាន។

ចាកចេញពីពួកគេ ជីវិតអ្នកនឹងជោគជ័យ!

ប្រែសម្រួល ៖ ចម្រើនតារា

ប្រភព ៖ fitsmallbusiness

ចុចអាន៖មុនចង់ជោគជ័យ ត្រូវកំណត់សិនថា កត្តាអ្វីធំបំផុតអាចជួយឲ្យយើងទទួលបានជោគជ័យ?

ចុចអាន៖សិក្សាពីមហាសេដ្ឋីជប៉ុនដែលជោគជ័យព្រោះបង្កើតក្រុមហ៊ុនផ្តល់ប្រឹក្សា