អាជីព

ចង់ជះឥទ្ធិពលល្អ និងរឹងមាំ លើអ្នកដទៃជុំវិញខ្លួន?

បានផុស

៤ years មុន

នៅ

ថ្ងៃពុធ ១១ វិច្ឆិកា ២០២០

ដោយ

ជាទូទៅមនុស្សគ្រប់គ្នាតែងតែងចង់បង្ហាញឥទ្ធិពលរបស់ខ្លួន ទៅកាន់អ្នកជុំវិញខ្លួនឲ្យគេកោតសរសើរជាដើម។ ប៉ុន្តែបើសិនជាយើងមានអំណាច មានគ្រប់យ៉ាង តែបើខ្វះការបង្កើនឥទ្ធិពល ក៏មិនអាចទាក់ទាញមនុស្សគ្រប់គ្នាឲ្យងាកមកចូលចិត្តយើងដែរ។

Kpt Plus នឹងបង្ហាញជូនពីច្បាប់ទាំង ៤ នៃការដាំដុះឥទ្ធិពលលើអ្នកដទៃ ឲ្យឆាប់មានប្រសិទ្ធភាព៖

១ . ស្វែងយល់ពីលទ្ធផល

“អ្នកមិនអាចឈានដល់គោលដៅដែលមិនអាចមើលឃើញទេ ហើយក៏មិនអាចមើលឃើញគោលដៅដែលអ្នកមិនមានដែរ “។ Zig Ziglar

ច្បាប់ទីមួយនៃការដាំដុះឥទ្ធិពលគឺ៖ ដឹងច្បាស់នូវអ្វីដែលយើងចង់ឲ្យអ្នកដទៃធ្វើ។ យើងព្យាយាមមានឥទ្ធិពលលើស្ថានភាពរាប់រយជារៀងរាល់ថ្ងៃ ហើយនៅពេលយើងទទួលបានអ្វីដែលយើងចង់បានហើយ យើងបែរជាងឿងឆ្ងល់ថា ហេតុអ្វីបានជាយើងនៅតែមិនសប្បាយចិត្តដដែល។ នោះដោយសារតែយើងមានអំណាច តែខ្វះការស្វែងយល់ពីលទ្ធផលអ្នកជុំវិញខ្លួន។

២. ស្តាប់

“ការផ្លាស់ប្ដូរកើតឡើងដោយការស្ដាប់ បន្ទាប់មកចាប់ផ្ដើមការសន្ទនាជាមួយមនុស្សដែលកំពុងធ្វើអ្វីដែលអ្នកមិនជឿថាត្រឹមត្រូវ។ ” Jane Goodall

យើងអាចទទួលបានអ្វីគ្រប់យ៉ាងដែលយើងចង់បាន ប៉ុន្តែមិនមែនជាមួយវិធីសាស្ត្រឈូសឆាយទេ។ ដូចគ្នានេះដែរ នៅពេលយើងស្ដាប់ដៃគូឬមិត្តរួមការងារ គេនឹងមានអារម្មណ៍ថាយើងបានឲ្យតម្លៃគេ។ ហើយនៅពេលយើងនិយាយ ពួកគេក៏ស្ដាប់យើងដូចគ្នា។

ការស្ដាប់មិនត្រឹមតែបង្កើតការទទួលប៉ុណ្ណោះទេ វាក៏បានជួយយើងឱ្យរកឃើញនូវអ្វីដែលមនុស្សម្នាក់ចង់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. សិទ្ធិអំណាច

” ភាពជាអ្នកដឹកនាំគឺជាឥទ្ធិពល” ។ John C. Maxwell

គ្រប់គ្នាតែងធ្វើតាមមនុស្សម្នាក់ដែលយើងយល់ថា ជាអ្នកមានអំណាច។ ដូចគ្នាដែរប្រសិនបើយើងជាអ្នកដឹកនាំមួយរូបហើយចង់បញ្ចេញសិទ្ធអំណាច យើងមិនចាំបាច់ស្លៀកឯកសណ្ឋានដើម្បីមានឥទ្ធិពលលើអ្នកដទៃ (ទោះបីជាឈុតទាំងនោះជួយក៏ដោយ) ។

ការសិក្សាមួយបានបង្ហាញថា ភ្នាក់ងារអចលនៈទ្រព្យអាចបង្កើនអាជីវកម្មរបស់ពួកគេបាន ១៥% ដោយគ្រាន់តែប្រាប់អ្នកទទួលភ្ញៀវអំពីអ្នកជំនាញ អំពីគុណវុឌ្ឍិរបស់ភ្នាក់ងារមុននឹងផ្ទេរអតិថិជនទៅភ្នាក់ងារ។

យើងក៏អាចធ្វើដូចគ្នា ដោយបង្ហាញសក្ខីកម្មនៅលើគេហទំព័រ ឬសម្ភារៈទីផ្សារព្យួរវិញ្ញាបនបត្រនៅក្នុងការិយាល័យ ឬស្វែងរកការយល់ព្រមពីអ្នកល្បីល្បាញ។

ទោះបីជាយើងខ្វះសិទ្ធិអំណាចពិតប្រាកដក៏ដោយ តែយើងអាចមានគម្រោងលើរឿងទាំងនោះ ដោយការនិយាយប្រកបដោយទំនុកចិត្ត។

៤. ចូលចិត្ត

នេះជាច្បាប់នៃភាពងាយស្រួល៖ ” អ្នកពិតជាមនុស្សដែលល្អបំផុត” ។ Michelle Tillis Lederman

លោកបណ្ឌិតរ៉ូប៊ឺត Cialdini បានចំណាយឥទ្ធិពលស្រាវជ្រាវពេញមួយជីវិត ហើយបានរកឃើញថាភាពចូលចិត្តគឺជាគន្លឹះមួយក្នុងការបង្កើតឥទ្ធិពល។ យើងចូលចិត្តមនុស្សដែលដូចយើង ឬចង់នៅក្បែរមនុស្សដែលធ្វើឲ្យយើងមានអារម្មណ៍ល្អ។

វិធីសាមញ្ញមួយគឺផ្ដល់ការសរសើរដល់មនុស្សនោះ។ ប៉ុន្តែត្រូវសរសើរចេញពីចិត្តនិងភាពស្មោះត្រង់ពិតប្រាកដ។ ធ្វើឱ្យមនុស្សចូលចិត្តយើងតាមវិធីនេះហើយឥទ្ធិពលរបស់យើងនឹងកើនឡើងមិនខាន៕

ប្រែសម្រួល៖ សាង ស្រីល័ក្ខ

ប្រភព៖ success

ចុចអាន៖ ៨ យ៉ាងដែលមនុស្សជោគជ័យនិយមធ្វើដូចគ្នាៗ