អាជីព

៥ សញ្ញាបង្ហាញថា យើងដល់ពេលត្រូវផ្លាស់ប្ដូរការងារហើយ

បានផុស

៤ years មុន

នៅ

ថ្ងៃសៅរ៍ ១៤ វិច្ឆិកា ២០២០

ដោយ

ធ្លាប់មានអារម្មណ៍នៅសុខៗ ធុញនឹងការងារដែលធ្លាប់ជំរុញចំណង់ចំណូលចិត្ត សម្រាប់ជីវិតឬទេ? បើកំពុងតែមានសញ្ញាទាំងនេះ ដល់ពេលត្រូវផ្លាស់ប្ដូរការងារហើយ។

នេះគឺជាសញ្ញាព្រមានមួយចំនួន ដែលគួរតែស្វែងយល់ ៖

១. មិនចង់ក្រោកពីគេងនៅពេលព្រឹក

យើងទាំងអស់គ្នា តែងក្រោកពេលព្រឹកដោយស្រស់ស្រាយ ឬអារម្មណ៍ល្អ។ ប៉ុន្តែបើស្រាប់តែស្ទាក់ស្ទើរ លែងចង់ក្រោកពីគ្រែ បើកភ្នែកមកគ្មានបំណងចង់ទៅធ្វើការបន្តិចណាឡើយ។ អារម្មណ៍ស្រាប់តែស្អប់ពេលវេលាដែលត្រូវចាកចេញទៅធ្វើការជាដើម។ នោះជាសញ្ញាមួយលេចឡើងដំបូង ដែលយើងគួរពិចារណារកមូលហេតុ។

២. មិនយល់ពីមូលហេតុនិងអ្វីដែលកំពុងធ្វើ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រសិនបើមិនអាចដោះស្រាយការសន្ទនាជាមួយថ្នាក់លើបានទេ ដល់ពេលដែលត្រូវចាកចេញហើយ។ មិនថាយើងជាបុគ្គលិកប្រភេទណាឡើយ គួរតែមានអារម្មណ៍ថាខ្លួនឯងជាផ្នែកមួយនៃក្រុមហ៊ុននិងយល់ពីរូបភាពរបស់ក្រុមហ៊ុន។ នោះទើបអាចជួយយើងឱ្យទទួលបានគោលបំណងនិងភាពច្បាស់លាស់នៅក្នុងការងារសព្វថ្ងៃ។

៣. ជីវិតគ្មានទិសដៅ

នៅសាកលវិទ្យាល័យ ការជប់លៀងនៅវ័យ ២០ ឆ្នាំ ហើយគ្មានទិសដៅគឺជារឿងធម្មតាទេ។ ប៉ុន្តែឥលូវនេះ ទោះបីជាយើងស្រឡាញ់ការងាររបស់ខ្លួនឯងខ្លាំងយ៉ាងណាក៏ដោយ ប៉ុន្តែប្រសិនបើយើងមានអារម្មណ៍ធ្លាក់ទឹកចិត្ត ហើយជីវិតដូចមិនវិលត្រឡប់ទៅរកការងារវិញសោះ ប្រហែលជាការងារនោះមិនសមនឹងយើងទៀតឡើយ។

៤. គ្មានការបំផុសគំនិតដើរតាមចំណង់ចំណូលចិត្ត

ចំណង់ចំណូលចិត្តគឺជារឿងមួយដែលមនុស្សគ្រប់គ្នាមាន។ ដូចគ្នានេះដែរ ប្រសិនបើយើងតែងចូលចិត្តការថតរូប ប៉ុន្តែមិនមានចំណុចណាមួយក្នុងការស្វែងរកវាដូចមុនទៀត នោះការងាររបស់យើងអាចជាមូលហេតុធ្វើឲ្យការច្នៃប្រឌិតទាំងនោះ ដើរចេញពីយើងបាត់អស់ហើយ។

ព្យាយាមត្រលប់ទៅចំណង់ចំណូលចិត្តរបស់យើងវិញ ក្នុងពេលទំនេរណាមួយ ហើយមើលថា តើការងារកំពុងតែបំផ្លាញចំណង់ចំណូលចិត្តរបស់យើងពិតមែនឬយ៉ាងណា។

៥. អត្ថបទពីមនុស្សជោគជ័យមិនអាចបំផុសគំនិតយើងដូចមុន

យើងតែងតែនិយាយអំពីទម្លាប់របស់ស្ត្រីឬបុរសដែលទទួលបានជោគជ័យពីការងារ ពួកគេគួរតែជំរុញយើងឱ្យសាកល្បងអ្វីថ្មី មិនធ្វើឱ្យយើងមានអារម្មណ៍អស់សង្ឃឹមឬមិនសប្បាយចិត្ត។ ប្រសិនបើជីវិតរបស់ស្ត្រីឬបុរសដែលទទួលជោគជ័យហាក់ដូចជាមិនបានធ្វើឲ្យយើងរីកចម្រើនតាមពួកគេបន្តិចណាសោះ នោះគួរតែពិចារណារកហេតុផលជាបន្ទាន់។

តើអ្វីជាផលប៉ះពាល់ក្នុងជីវិតយើងសព្វថ្ងៃនេះ? ការងារឬអ្នកជុំវិញខ្លួន? ត្រូវរកមូលហេតុនៃការធុញថប់មិនសប្បាយចិត្តនឹងការងារសព្វថ្ងៃនេះ ហើយបើរកឃើញហើយ គួរតែដើរចេញសាកល្បងស្វែងរកអ្វីដែលជំរុញចំណង់ចំណូលចិត្តនិងជីវិតយើងមកវិញ ទើបជីវិតជាមួយនឹងការងារដើរទៅមុខទាំងអស់គ្នាបាន៕

ប្រែសម្រួល៖ សាង ស្រីល័ក្ខ

ប្រភព៖ careergirldaily

ចុចអាន៖ រក្សាធនធានមនុស្ស ជាយុទ្ធសាស្ត្ររកស៊ីបានយូរអង្វែង