សេដ្ឋកិច្ច
កសិករដាំ «ដីផ្លី» ១ ហិកតា អាចរកចំណូលបានប្រមាណ ៦ លានរៀលក្នុងមួយខែ
កសិករដាំដំណាំ «ដីផ្លី» អាចរកប្រាក់ចំណូលបានចន្លោះពី ៦ ទៅ ៧ លានរៀលក្នុងមួយខែ ក្នុងមួយហិកតា។ «ដីផ្លី» ជាឈ្មោះរុក្ខជាតិម្យ៉ាង មានទម្រង់ជាដើម និងផ្លែ ស្រដៀងដើមម្រេចដែរ តែការប្រើប្រាស់ផ្លែខុសគ្នាពីម្រេចគឺ «ដីផ្លី» ភាគច្រើនគឺសម្រាប់ ចាស់បុរាណយកធ្វើជាឱសថព្យាបាលដ៏មានប្រសិទ្ធិភាពចំពោះមនុស្ស។
![](https://www.kampucheathmey.com/wp-content/uploads/2024/06/131918183_115927690374058_3116969833611844444_n-1024x768.jpg)
ដើម«ដផ្លី»កម្រ មានកសិករដាំដុះណាស់ តែមាននៅក្នុងស្រុកមួយក្នុងខេត្តបាត់ដំបង កសិករកំពុងប្រមូលផល ខណៈទីផ្សារក៏ពេញនិយមផងដែរ សម្រាប់ដំណាំប្រភេទនេះ ដែលបានទ្រទ្រង់សេដ្ឋកិច្ចគ្រួសាររបស់កសិករ ដែលប្រកបរបរមួយនេះ បានយ៉ាងប្រសើ។
លោក ពេជ្យ សុខា អាយុ ៥១ ឆ្នាំ ម្ចាស់ចម្ការ«ដីផ្លី» នៅភូមិព្រៃធំ ស្រុកបវេល ខេត្តបាត់ដំបង ប្រាប់ថា ផ្ទៃដីប្រមាណ ១ ហិកតា ២ រ៉ៃ កសិករអាចរកចំណូលបានចន្លោះពី ៦-៧ លានរៀលក្នុងមួយខែ ដែលមុខរបរនេះលោកបានបន្តវេណពីដូនតារបស់លោក ហើយបច្ចុប្បន្ន លោកកំពុងប្រមូលផល លើទំហំដី១ហិកតា២រ៉ៃ ក្នុងមួយថ្ងៃលោកប្រមូលបានចន្លោះពី៦០០ ទៅ៧០០គីឡូក្រាម(ផ្លែស្ងួត) ពេលខ្លះប្រមូលបានចន្លោះពី៨០០ទៅ ១ តោនគីឡូក្រាម។
![](https://www.kampucheathmey.com/wp-content/uploads/2024/06/photo_2024-06-30_11-11-10.jpg)
លោកថា ពេលលោកប្រមូលផលបានហើយ លោកបានដឹកឲ្យម៉ូយនៅភ្នំពេញក្នុងតម្លៃចន្លោះពី ១៥០០-១៦០០រៀល ក្នុងមួយគីឡូក្រាម ខណៈម៉ូយរបស់លោកនៅភ្នំពេញ ប៉ុន្មានតោនក៏ទទួលយកដែរ។
កសិកររូបនេះបន្តថា ដំណាំនេះ គេយកធ្វើជាឱសថបុរាណ ជាពិសេសសម្រាប់ស្ត្រីសសៃខ្ចី ព្រោះផ្លែវាសម្រាប់ជួយ ផ្នែកសសៃឈាមយ៉ាងមានប្រសិទ្ធិភាព ដូចជាយកទៅផ្សំជាមួយរុក្ខជាតិផ្សេងត្រាំស្រាជាដើម។
លោកថា ក្នុងរយៈពេលចាប់ពីដាំ រហូតបាន៧ទៅ៨ខែ គឺបានប្រមូលផលបណ្តើរៗ រហូតដល់១ឆ្នាំកន្លះ ប្រមូលផលបានពេញតែម្តង។
![](https://www.kampucheathmey.com/wp-content/uploads/2024/06/photo_2024-06-30_11-11-10-4.jpg)
ចំណែកការប្រឈមនឹងកត្តាផ្សេងៗលើផលដំណាំនេះ មានភាគរយតិចបំផុត គឺមិនសូវត្រូវការទឹកស្រោចឡើយ អាចមួយរដូវស្រោចម្តងក៏បាន ហើយក្នុង១រដូវប្រមូលផលបានពី៣ទៅ៤ដងដង ខណៈការប្រមូលផលក្នុង១ខែម្តង ចំណែកសត្វល្អិតមកបំផ្លាញ ក៏ស្ទើរតែគ្មានដែរ។
ចំណែករបៀបដាំវិញលោកថា បច្ចុប្បន្នលោកដាំតាមរបៀមដូនតាលោក ដោយមួយរណ្តៅប្រើប្រាស់ទំហំ១,៨០ម៉ែ ត្រការ៉េ តែនៅរដូវកាលក្រោយនេះ លោកនឹងពង្រីករណ្តៅឲ្យបា២ម៉ែត្រែការ៉េ ក្នុង១រណ្តៅ ដើម្បីឲ្យទូលាយ ខ្យល់ចេញចូលបានល្អជាងមុន ចំណែកបង្កោលធ្វើជាជន្លង់គឺលោកប្រើកម្ពស់២ម៉ែត្រងាយស្រូលប្រមូលផល។
តែសម្រាប់ប្រភពដីសម្រាប់ដាំ មិនរើសប្រភេទដីទេ តែទាមទាឲ្យដីដែលធ្វើការដាំដុះនោះ មានស្ថានភាពចង្រេលបន្តិច(រមៀលក្រូច)ដើម្បីឲ្យដីស្រស់ល្អមិន បៀមទឹក ដែលធ្វើឲ្យ ឫសលូតលាស់មិនល្អ។
កសិកររូបនេះបានជំរុញឲ្យកសិករនាំគ្នាដាំឲ្យបានច្រើន ជួយដល់សេដ្ឋកិច្ចគ្រួសារ ខណៈរូបលោកមានកូនសម្រាប់លក់ជូនកសិករ និងមានការណែនាំរបៀបដាំ និងថែទាំដល់កសិករដែលចង់ដាំដំណាំមួយប្រភេទនេះផងដែរ។
មន្ត្រីកសិកម្មស្រុកបវេលបានឲ្យដឹងថា ផ្ទៃដីសរុបដែលកសិករបានដាំដុះដំណាំ«ដីផ្លី»ទូទាំងស្រុកបវេល មានចំនួន ១ ៥៥០ហិកតា៕
អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ១ សប្តាហ៍ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា