អាជីព

ជំនាញជាក់លាក់ដែលត្រូវចេះបើចង់ក្លាយជាសហគ្រិនជោគជ័យលើផ្នែកហិរញ្ញវត្ថុ

បានផុស

៤ years មុន

នៅ

ថ្ងៃសុក្រ ១២ មីនា ២០២១

ដោយ

សាលាមិនបានបង្រៀនយើងឲ្យក្លាយជាសហគ្រិន ឬជាបុគ្គលជោគជ័យឡើយ។ ដូចគ្នានេះដែរ មហាវិទ្យាល័យផ្ដល់នូវភាពខុសគ្នាច្រើនបំផុត ក្នុងការជ្រើសរើសវគ្គសិក្សា ឬជំនាញដែលបុគ្គលម្នាក់ៗ បានដឹង ពីអ្វីដែលពួកគេចង់ធ្វើនៅក្នុងជីវិត។

មួយក្នុងចំណោមនេះ ជាជំនាញដែលយើងគួររៀន បើសិនចង់ក្លាយជាសហគ្រិនជោគជ័យផ្នែកហិរញ្ញវត្ថុ ៖

១. គណនេយ្យ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណនេយ្យគឺជាវគ្គសំខាន់បំផុត ដែលគួររៀនបើចង់ទទួលបានជោគជ័យផ្នែកហិរញ្ញវត្ថុ វាជួយអ្នកស្វែងយល់ពីភាពខុសគ្នា រវាងទ្រព្យសម្បត្តិនិងបំណុល។

ការដែលរៀនពីភាពខុសគ្នារវាងទ្រព្យសម្បត្តិនិងបំណុល រួមទាំងលំហូរសាច់ប្រាក់ គឺពិតជាចាំបាច់ បើយើងមានបំណងចង់រក្សាហិរញ្ញវត្ថុឱ្យមានសណ្ដាប់ធ្នាប់។

លើសពីនេះទៅទៀត វាជួយយើងឲ្យយល់ថា លំហូរសាច់ប្រាក់គឺជាអ្វី ដែលអាជីវកម្មទទួលបានជោគជ័យ ហើយវាក៏ជាអ្វីដែលជួយឱ្យបុគ្គលម្នាក់នោះជោគជ័យដែរ។

២. ទីផ្សារ

ប្រសិនបើអ្នកមានបំណងរកប្រាក់ពីការលក់អ្វីមួយ ត្រូវរៀនពីរបៀបស្វែងរកផលិតផលត្រឹមត្រូវលើទីផ្សារ។ តាមរយៈការទទួលយកទីផ្សារ អ្នកអាចយល់ពីដំណើរការដែលពាក់ព័ន្ធនឹងការស្វែងរក នូវអ្វីដែលអតិថិជនចង់បាន ដោយផ្ដោតលើផលិតផលដែលអាចបំពេញតាមសេចក្ដីប្រាថ្នា។

៣. សេដ្ឋកិច្ច

ការយល់ដឹងអំពីការផលិត ការចែកចាយ និងការប្រើប្រាស់ទំនិញនិងសេវាកម្ម គឺចាំបាច់បំផុតប្រសិនបើអ្នកចង់ចូលទៅក្នុងអាជីវកម្មនិងវិនិយោគ។ ត្រូវយល់ពីរបៀបដែលសេដ្ឋកិច្ចឈានដល់ចំណុចបច្ចុប្បន្ន វានឹងជួយយើងក្នុងការកំណត់កន្លែងដែលប្រាក់របស់យើងគួរតែនៅ។

ចងចាំថា សេដ្ឋកិច្ចគឺជាគ្រឿងផ្សំសំខាន់មួយ នៅក្នុងការអប់រំហិរញ្ញវត្ថុរបស់មនុស្ស នាពេលបច្ចុប្បន្ននេះ។

៤. ហិរញ្ញវត្ថុ

ហិរញ្ញវត្ថុជួយយើងឲ្យយល់ពីរបៀបដែលតម្លៃពេលវេលានៃប្រាក់ដំណើរការ និងរបៀបដែលយើងវិនិយោគលើដំណើរការផ្សេងៗ។ គន្លឹះមួយដើម្បីក្លាយជាអ្នកមាន គឺការស្វែងយល់អំពីរបៀបដែលប្រាក់ដំណើរការ នៅពេលវាមិននៅក្នុងដៃរបស់យើង។

វគ្គសិក្សាហិរញ្ញវត្ថុ នឹងបង្រៀនអ្នកពីអ្វីដែលអ្នកត្រូវដឹង វានឹងធ្វើឲ្យអ្នកក្លាយជាអ្នកវិនិយោគ រឹងមាំនិងសន្សំសំចៃជាងមុន។

៥. និពន្ធនិងតាក់តែង

ជោគជ័យក្នុងនាមជាសហគ្រិន តម្រូវឲ្យយើងអាចបង្ហាញពីខ្លួនឯងនិងគំនិតរបស់យើង ទៅកាន់គេផ្សេង។ មិនថាវាទាក់ទងនឹងការផ្ដល់គំនិតដល់វិនិយោគិន ការសរសេរសេចក្ដីប្រកាសព័ត៌មាន ឬការរៀបចំផែនការអាជីវកម្មឡើយ សហគ្រិនត្រូវការទំនាក់ទំនងគ្នាជានិច្ច។

ហើយញឹកញាប់ ការប្រាស្រ័យទាក់ទង ត្រូវបានធ្វើឡើងជាលាយលក្ខណ៍អក្សរ។

៦. ការគ្រប់គ្រង

បញ្ហាមួយក្នុងចំណោមបញ្ហាជាមួយចៅហ្វាយ គឺពួកគេមិនដឹងពីរបៀបគ្រប់គ្រងមនុស្ស។ ប្រសិនបើអ្នកចង់ធ្វើជាម្ចាស់និងបើកអាជីវកម្ម អ្នកត្រូវគ្រប់គ្រងអាជីវកម្មនោះ ប្រកបដោយប្រសិទ្ធភាព។

ដំណើរការនេះតម្រូវឱ្យមានការប្រាស្រ័យទាក់ទងជាមួយមនុស្ស និងការប្រគល់ភារកិច្ច រួមទាំងការសម្រេចចិត្តដល់និយោជិក។

ការយល់ដឹងពីគំនិតនៃការគ្រប់គ្រង និងការរៀនបច្ចេកទេសនិងជំនាញផ្សេងៗគ្នា មិនត្រឹមតែធ្វើឱ្យយើងចូលចិត្តប៉ុណ្ណោះទេ ប៉ុន្តែក៏ជួយយើងឱ្យរកលុយបានច្រើនដែរ៕

ប្រែសម្រួល៖ សាង ស្រីល័ក្ខ

ចុចអាន៖មើលគុណសម្បត្តិគុណវិបត្តិទាក់ទិននឹងវ័យពេលចេញរកប្រកបរបរនានា